Aposel 5:32 - Nupela Testamen long tokples Kandas

³² Met tama a kum utna ri ma met wasiso uni, ma a Tokodos na Nion i ulingmulus anumet a wasiso. A Tokodos na Nion, i a etabor anun o God torom det ra det ser mur anun a wasiso.”

Aposel 5:32 Σταυροειδείς Αναφορές

A Wakak na Wasiso un o Iesu Karisito o Jon i tumusi 7:39

Una wasiso ri, o Iesu i wasiso una Tokodos na Nion. Ka di pitari utmakai a Tokodos na Nion, uni o Iesu ke losi utmakai anun a minamar. Numur, det ra det nurnur un o Iesu, din tabor det nami.

Aposel 1:8

Ikut a Tokodos na Nion in kis un mot, ma mot in utur ukai a dekdek, ma a utna ra mot tama i un iau, mot in wasiso uni sapat o Jerusalem, ma una kum tamon rop tong una ru papor Judia ma o Samaria, ma una rakrakon bual rop.”

Aposel 10:44

Ra o Pita kura utmakai i wasiso una rumu anun o Konelias, a Tokodos na Nion i wan pirso un det rop, ra det longoro a wasiso ra.

Aposel 13:31

Ma una susut na bung i wanan pat torom a taro ra numugu det ser wan tomo nami tagitong o Galili usapat o Jerusalem. Ra uniri, det wasiso puaso uni torom a taro Israel.

Aposel 15:28

A Tokodos na Nion i kis tomo nam met, ma i ese met sur gong met pitar tar tu mamaut torom mot. Iri a kum warkurai ra mot in muri:

Aposel 2:32

O Iesu ut ra, o God i ukatutur pasi gusun a minat, ma met rop met tama i, ra met wasiso talapor uni.

Aposel 2:4

Det rop det bukus nama Tokodos na Nion, ma det turpas a wasiso nama kum wur ngas na wasiso ra a Tokodos na Nion i pitar tari torom det.

Aposel 5:29

Ikut, o Pita ma a kum aposel det balu i lena, “Met in muri ut a wasiso anun o God, ma ka met in mur a wasiso anun a taro.

A Pas anun o Pol torom a taro Rom 8:16

Ma a Tokodos na Nion i wasiso puaso una niondat lena dat a kum nutnutun o God.

2 Korin 13:1

Uniri a mantul na inawan ra an nan torom mot. Ma di sa tumus tari una Buk Tabu lena, “Ra lako ru o lako tul anundetul a wasiso i takai kut un tu utna, anundetul a wasiso i lingmulus.” Lo 19:15

1 Pita 1:12

O God i upuaso i torom a kum poropet lena, a kum utna ri, awu sur in nanpat una anundet a kum kilalo na nilaun, awu, o God in pami ut torom mot. Ra uniri, mot sa longoro tari tan a taro ra det warawai nama Wakak na Wasiso torom mot, nama dekdekin a Tokodos na Nion, i ra di tulu pirso ru i tagisapat una langit. Ma a kum ensel kai, det nem doko i, sur det in tama a kum utna ri.