Aposel 4:32 - Nupela Testamen long tokples Kandas

³² A kum tene nurnur rop, i takai kut a nuknukin det ma a balandet, ma kataio tagun det i watung tu utna sur anunu kut. Det ubek tomo a kum utna sur anundet rop.

Aposel 4:32 Σταυροειδείς Αναφορές

A Wakak na Wasiso un o Iesu Karisito o Jon i tumusi 17:11

Uniri an nan torom ui, kan kis suano i melet mo nin una rakrakon bual, ikut det, kuri utmakai det una rakrakon bual. Tita, ui u tasur sakit, un tamtamabat det nama dekdekin a risam, a rising ra u pitar tari tang. Un tamtamabat det sur det in takai kut, elar nam ui ma iau, dar takai kut.

Aposel 1:14

Det tomo nam o Maria o nan o Iesu, ma a kum tistisin o Iesu, ma a ramano kum wardain kai. Det rop ka det mana nama niaring una kum bung.

Aposel 2:1

Una bung na Pentikos, a kum tene nurnur rop det kis tomo un ara rumu.

Aposel 5:12

A kum aposel det pam a susut na ukinalong ma a susut na utna na ukisin nisan a taro. Ma a kum tene nurnur rop det ser kis tomo una parada ina rumu na etabor, di watungi nama Parada anun o Solomon.

A Pas anun o Pol torom a taro Rom 12:5

Lenkutkai lar dat, dat susut, ikut una pinin o Karisito dat takai kut. Dat taktakai dat tar pasano.

1 Korin 1:10

A kum tistising, a saring mot nama risan anundat a Labino o Iesu Karisito, sur mot rop mot in tur tomo, ma gong mot taptapagol. Ma in takai kut a nuknuki mot, ma anumot a nemnem kai.

2 Korin 13:11

Anung a ururop na wasiso mo ri: A kum tistising, mot in gas! Mot in ukodos mot, mot in mur anung a wasiso, in takai kut a nuknuki mot, ma mot in kis na malmal etetalai. Ra a God na marmaris ma a malmal in kis tomo nam mot.

Pilipai 1:27

Asau ra in nanpat, anumot a nilaun in mur sot pas a Wakak na Wasiso anun o Karisito. Ra an nan sur an tama mot, o ra an kis bakbak ma an longoro i kut a wasiso un mot, an tasmani lena, mot tur dekdek un ara nuknuk sot kut, ra mot papam tomo nam ara nuknuki mot kut sur a taro det in nurnur una Wakak na Wasiso,

1 Pita 3:8

Anung a kum ururop na wasiso torom mot rop i lenri, i wakak sur a nuknuki mot in takai kut. Ra taio tagun mot in los a maut, mot kai mot in losi tomo nami. Mot in nem etetalai mot elar ut ra mot nisnisino. Mot in lason una marmaris, ma mot in unatino pas mot.

1 Pita 4:11

Ra taio i los a etabor sur in tene warawai, i wakak sur in warawai ut elar nama wasiso anun o God. Ra taio i los a etabor sur in tene warut, i wakak ra in warut nama dekdek ra o God i pitar tari tano, sur a taro det in watung ulabo pas o God una kum utna rop, kibino un o Iesu Karisito. Anunu kut a minamar ma a dekdek, ken rop ma ken rop. Amen.