Aposel 3:26 - Nupela Testamen long tokples Kandas

²⁶ O God i tulu ru anun a Tultul, i tulu mugu ru i torom mot a taro Juda, sur in ben pukus pas mot taktakai gusun anumot a kum sakino petutna, sur mot in dan.”

Aposel 3:26 Σταυροειδείς Αναφορές

Matiu 1:21

In usus pas a nat na musano, ma un pasor a risano nam o Iesu, uni in ulaun pas anun a taro gusun anundet a kum sakino petutna.”

Matiu 15:24

O Iesu i watungi lena, “O God i tulu ru iau urin sur a taro Israel kut, ra det raro elar nama kum sipsip.”

Luk 24:47

ma din warawai una risano torom a taro tagun a kum gapman rop, turpasi sapat o Jerusalem. Din warawai torom det lena, det in nukpukus ma o God in unus ru anundet a kum sakino petutna.

A Wakak na Wasiso un o Iesu Karisito o Jon i tumusi 4:22

Mot a kum te Samaria ka mot tasman osi ra mot ser lotu toromi, ma met a taro Juda met tasmani ut osi ra met ser lotu toromi, uni a pinapam anun o God ra i ulaun a taro, i wanpat ut tagun a taro Juda.

Aposel 1:8

Ikut a Tokodos na Nion in kis un mot, ma mot in utur ukai a dekdek, ma a utna ra mot tama i un iau, mot in wasiso uni sapat o Jerusalem, ma una kum tamon rop tong una ru papor Judia ma o Samaria, ma una rakrakon bual rop.”

Aposel 13:26

“A kum tistising, a kabotaro anun o Abaram, ma mot a taro gisen kai ra mot lotu torom o God, di sa pitar tar a wasiso torom dat lena o God i sa ulaun pas a taro.

Aposel 2:24

Ikut, o God i ukatutur melet pasi, ma i los ru a minat gusuni, uni a minat ke pam ukai lar pasi.

Aposel 2:32

O Iesu ut ra, o God i ukatutur pasi gusun a minat, ma met rop met tama i, ra met wasiso talapor uni.

Aposel 26:20

A warawai mugu torom a taro tong o Damaskus, ma numur sapat o Jerusalem ma una kum tamon una papor Judia rop, ra numur torom det kai ra awu sur a taro Juda. A warawai lena, det in nukpukus, ma det in tupukus torom o God, ma det in pam a kum pinapam, sur in ese i lena det sa nukpukus.

Aposel 3:13

O God ut i pami. A God anun o Abaram, a God anun o Aisak ma a God anun o Jekop, a God anun a kum tumtubun dat tagun numugu, i ulabo tar a risan o Iesu anun a tultul. Mot pitar tari sur din um doko i, ma mot ipul ru i kut umatan o Pailat, ra i nem na palos ru i.

Aposel 3:15

Ra mot um doko ru o Iesu, i ra a kibin a nilaun, ikut o God i ukatutur melet pasi gusun a minat. Ma met, met tama i ma met wasiso talapor uni.

Aposel 3:20

sur mot in taramo a wakak na nilaun ra a Labino in pitari. Ma in tulu ru a Karisito torom mot, o Iesu i ra o God i sa pilok pasi.

Aposel 3:22

O Moses i watungi lena, ‘A Labino anumot a God, in tulu ru tu poropet elar nam iau, tagun a kum tumtubu mot ut. Mot in longoro a kum utna rop ra in watungi tamot.

Aposel 3:25

A wasiso anun a kum poropet, anumot, ma a kunubus kai, ra o God i uliliman tari torom a kum tumtubu mot tagun numugu. I watungi torom o Abaram lena, ‘Un o tubum, an udan a kum kamkabo taro rop una rakrakon bual.’ Stat 22:18

A Pas anun o Pol torom a taro Rom 1:16

Ka maimai una Wakak na Wasiso, uni i a dekdekin o God sur in ulaun pas a taro rop ra det nurnur. Torom met a taro Juda mugu, ma uniri torom mot kai, ra awu sur a taro Juda.

A Pas anun o Pol torom a taro Rom 15:29

Ma a tasmani lena, ra an nanpat torom mot, an bukus nama kum utna na nion ra o Karisito i udan tar iau nami, sur in warut mot.

A Pas anun o Pol torom a taro Rom 15:8

A watungi tamot lena, o Karisito i wanpat elar nama tultul anun a taro Juda, sur in pam sot pas a kum liliman anun o God ra i sa pam tari torom a kum tumtubun det. Ra i pami lenra, i ese i lena a wasiso anun o God i lingmulus.

Epeses 1:3

Dat in watung ulabo pas o God, a Taman anundat a Labino o Iesu Karisito. I udan dat nama kum utna na nion rop tagisapat una langit, ra dat tagun o Karisito.

1 Pita 1:3

Dat in watung ulabo pas o God, a Taman anundat a Labino o Iesu Karisito. Una nun a labino marmaris, i sa usus matok tar dat. I mo ra uniri, dat kis langlang nama nurnur sur a nilaun tukum, uni o Iesu Karisito i katutur melet gusun a minat,

1 Pita 3:9

Gong mot balu a laulau ino nama laulau ino, ma gong mot balu a sakino wasiso nama sakino wasiso. Mot in watung udan det ra det pam a laulau ino torom mot, uni o God i kabo pas mot sur mot in pami lenra, ra in watung udan mot.

A Pas anun o Jud 1:24

Dat in watung ulabo pas o God, ra i pet lar pasi sur in tamtamabat mot sur gong mot puku, ma in utur mot umatan anun a minamar, nama labino gasgas ma katu etakun torom mot.