Aposel 3:1 - Nupela Testamen long tokples Kandas

¹ Ara bung o Pita ma o Jon der wan usapat una rumu na etabor, una du bung na niaring, una tulu pakano bung una lirop.

Aposel 3:1 Σταυροειδείς Αναφορές

Matiu 17:1

Numur tan a wonom na bung, o Iesu i ben pas o Pita, o Jems ma o Jon, i ra a tisin o Jems, ra i ben gisen pas detul usapat una tangai ra i tur toto bing.

Matiu 26:37

Ra i ben pas o Pita tomo nama ru nutnutun o Sebedi. Una du bung ut ra, i tupunuk ma i maut doko a nuknukino.

Matiu 27:45

Turpasi una noino ma aru pakano bung una suan, tuk una tulu pakano bung una lirop, a bual rop i dumirum.

Luk 1:10

Una du bung ra i tun a insens, a taro na lotu rop ra det tur tomo nago upiso det wararing.

Luk 18:10

“Aru musano der wan usapat una rumu na etabor sur der in wararing. Ara pasander a Parisi, ma ara pasander kai a tene los takis.

Luk 22:8

Ra o Iesu i tulu ru o Pita ma o Jon, ma i watungi tander lena, “Mur in nan ma mur in waninar andat a utna sur a labino bung na lotu na Wanlakai.”

Luk 24:53

A kum bung rop det kis tiro ubalan in noworo ina rumu na etabor, det ser watung ulabo pas o God.

A Wakak na Wasiso un o Iesu Karisito o Jon i tumusi 21:7

A nat na ususer ra o Iesu i ser nem doko i, i watungi tan o Pita lena, “A Labino ut nago!” O Saimon Pita i longoro i lena a Labino ut nago, ra i pipis melet pas in namalu ra i palos tari ra i woro a uben, ma i sirok losop utiro utasi.

Aposel 10:3

A tulu pakano bung un ara lirop i tama ara tamtama. I tama pupuaso a ensel anun o God i wanpat toromi ma i kabo i lena, “Konelias!”

Aposel 10:30

Ra o Konelias i balu i lena, “Ara bung a wararing una nung a rumu una du bung lenri, una tulu pakano bung una lirop, ra a tama ara musano i tur sa numugu tang. Ma uniri i sa tulu bung bati. A musano ra a tama i, i emar namin namalu ra i pilpil doko, i wanpat kisin torom iau,

Aposel 2:46

Det ser kis tomo ubalan in noworo ina rumu na etabor una kum bung rop. Ra det ser wangon tomo una nundet a kum rumu nama gasgas ma a lingmulus ubalandet.

Aposel 3:3

I tama pas o Pita ma o Jon ra der ling na ruk, ra i saring der sur lako mani.

Aposel 3:4

Der tamtama tokodos toromi, ra o Pita i watungi lena, “Un tama mir!”

Aposel 4:13

Det tasmani lena, o Pita ma o Jon aru musano oros kut, ma ka der ususer pas un tu labino wortowo. Ma det kisin doko un der ra der wasiso ma ka der ngara. Ra det tasmani lena numugu detul ser imurmur tomo ut nam o Iesu.

Aposel 5:25

Ra ara musano i wanpat, ma i watungi tandet lena, “Tama i, a taro ra mot uruk det una karabus, kurong det mo ubalan in noworo ina rumu na etabor, ma det ususer a taro.”

Aposel 8:14

A kum aposel ra det kis sapat o Jerusalem, det longoro i lena a taro Samaria kai det sa mur a wasiso anun o God, ra det tulu ru o Pita ma o Jon torom det.

Galesia 2:9

O Jems, o Pita ma o Jon, ra a taro det watung detul nama tulu mugumugu, detul tama i ra o God i tabor iau nama marmaris, ma detul mulaot pas mir nam o Banabas sur mir in papam. Detul mulaot sur mir in nan torom a taro ra awu sur a taro Juda, ma detul, detul in nan torom a taro Juda. Ra detul gas pas mir ra met sikan, uni met ara kut una pinapam.