Aposel 27:24 - Nupela Testamen long tokples Kandas

²⁴ I watungi tang lena, ‘Pol, gong u ngara, un tur ut una warkurai umatan a Sisa. Ma det kai ra mot tomo una sip, o God i sa pitar tar det tam, sur mot in laun rop.’

Aposel 27:24 Σταυροειδείς Αναφορές

Matiu 10:18

Ma din dat pas mot sur a warkurai sa numugu umatan a kum lamlabino mugumugu ma a kum king, uni mot anungi. Mot in wasiso talapor un iau torom det ma torom a taro ra awu sur a taro Juda.

Matiu 10:28

Gong mot ngaran det ra det um doko i kut a pinindi, ikut ka det in um doko lar pas a niondi. Mot in ngara sur o naro ra in pet lar pasi sur in ban laulau a pinindi ma a niondi kai una labino sungun.

A Wakak na Wasiso un o Iesu Karisito o Jon i tumusi 11:9

O Iesu i watungi lena, “Ara bung i elar nama noino ma aru du bung, niko? Ra taio i wanan una waspi ken tutuka, uni i tamtama una talapor ina rakrakon bual.

Aposel 19:21

Ra a kum utna ri i sa rop, o Pol i nuki lena in nan potor una ru papor Masedonia ma o Akaia sur in nan usapat o Jerusalem. Ma i watungi lena, “Ra a sa wan pas sapat o Jerusalem, an nan bulung utong o Rom.”

Aposel 23:11

Una mirum utra, a Labino i wanpat torom o Pol, ra i watungi tano lena, “Gong u ngara, un tur dekdek. U sa wasiso talapor taru un iau nin o Jerusalem, lenkutkai ra un wasiso talapor un iau tong o Rom.”

Aposel 25:11

Ra a sa pam tar a sakino ra i tokodos sur an iru uni, i wakak kut sur an iru. Ikut ra a kum utna ri det takun iau nami ke lingmulus, ke tokodos sur din pitar tar iau tandet. A sasaring sur a Sisa ut in longoro a warkurai anung.”

Aposel 27:31

O Pol i watungi tan o Julias tomo nama nun a taro na inaim lena, “Ra det ri det sa kalabor eno pas gusun a sip, ka mot in laun.”

Aposel 27:37

Met rop una sip, met elar nama ru mar ma a wonom mawit na noino ma wonom met.

Aposel 27:42

Ra a kum tene inaim det nem na um doko a kum karabus, sako lako taro tagun det, det in was pirso, ma det in kalabor song.

Aposel 27:44

Ma det ra ka det tasman a was, det in was murmur nama kum palang, o lako kum utna tagun a sip. Det pami lenra, ra det rop det was pirso unago una usalin ma det laun.

Aposel 9:15

Ikut a Labino i watungi tano lena, “Un nan kut, uni a sa pilok pasi, sur i anung a tene pinapam. In wasiso puaso una risang torom a taro ra awu sur a taro Israel, torom a kum king, ma torom a taro Israel kai.

Pilimon 1:22

Ara utna kai: A saring ui sur un waninar tu kukur rumu sur iau, uni a nurnur lena, o God in upirso ru iau gusun a karabus sur an milet melet torom mot. Iri a win anumot a kum niaring.

Jems 5:16

I mo ra mot in wasiso puaso etetalai torom mot una numot a kum sakino petutna, ra mot in wararing un mot etetalai, sur a Labino in ulangolango pas mot. A niaring anun a tene tokodos i dekdek sakit, ma i wu pat a wino.

Tamtama 1:17

Ra a tama i, a puku pirso taru nisan a aru kikino elar nama minat. Numur i ubek tar a sot na lamano sapat netes un iau, ra i watungi lena, “Gong u ngara, iau a mugano ma a ururopino.