Aposel 27:1 - Nupela Testamen long tokples Kandas

¹ Ra di sa warkurai tari sur met in kas una sip utong o Itali, di pitar tar o Pol, ma a ramano kum karabus kai, tan ara mugumugu a risano o Julias, ara tagun a taro na inaim anun a Sisa.

Aposel 27:1 Σταυροειδείς Αναφορές

Matiu 27:54

A mugumugu anun a kum tene inaim, ma det kai ra kura tomo nami ra det tamtamabat o Iesu, det taramo a guri, ma det tama a kum utna ra i wanpat, ra det ngara doko. Det watungi lena, “I lingmulus ut, a musano ri a Nutun o God.”

Luk 23:47

A mugumugu anun a kum tene inaim i tama a utna ri i wanpat, ra i watung ulabo pas o God lena, “I lingmulus ut, a musano ri a tene tokodos.”

Luk 7:2

Ara mugumugu anun a kum tene inaim tagitong o Rom i kis tiro iai. Ara tagun anun a kum tultul i misait, milau mo sur in mat. A tultul ri, i labo umatan anun a mugumugu.

Aposel 10:1

Tong o Sisaria, ara musano i kis, a risano o Konelias, i ara mugumugu anun ara mar na taro na inaim, det tagun a taro na inaim tagitong o Itali.

Aposel 10:22

Detul balu i lena, “O Konelias, a mugumugu anun ara mar na taro na inaim i tulu ru metul. O Konelias i ara tene tokodos ma a tene urur un o God, ma a taro Juda rop det ru i. A ensel anun o God i inanos tari lena, in itula pas ui utong una nun a rumu, sur in longoro anum tu wasiso.”

Aposel 16:10

Ra i sa tama tar a tamtama ra, uniutra met waninar pas sur a inawan utong o Masedonia, uni met tasmani lena o God ut i sa kabo pas met sur met in warawai torom det nama Wakak na Wasiso.

Aposel 18:2

Tiro iai der etorom pas nama ara te Juda, a risano o Akuila. I tagitong o Pontus, ma anun a ino, a risano o Prisila. Ke suano i kut ra der wanpat taru tagitong o Itali, uni a Sisa Klaudius i pitar tar a warkurai, sur a taro Juda rop det in nan gusun o Rom, i ra a labino tamon tong o Itali. Ra o Pol i wan torom der.

Aposel 19:21

Ra a kum utna ri i sa rop, o Pol i nuki lena in nan potor una ru papor Masedonia ma o Akaia sur in nan usapat o Jerusalem. Ma i watungi lena, “Ra a sa wan pas sapat o Jerusalem, an nan bulung utong o Rom.”

Aposel 21:32

Uniutra i ben tomo pas a taro na inaim ma anundet a kum mugumugu kai, ma det kalabor pirso torom det. Ra a taro det tama a labino mugumugu ma a taro na inaim, det mana nama inaim gusun o Pol.

Aposel 22:26

Ra a mugumugu anun a taro na inaim i longoro i, i wan torom anun a mugumugu, ra i watungi tano lena, “Asau ra u nem na pami? A musano ri a te Rom.”

Aposel 23:11

Una mirum utra, a Labino i wanpat torom o Pol, ra i watungi tano lena, “Gong u ngara, un tur dekdek. U sa wasiso talapor taru un iau nin o Jerusalem, lenkutkai ra un wasiso talapor un iau tong o Rom.”

Aposel 23:17

Numur o Pol i kabo pas ara mugumugu anun a kum tene inaim, ma i watungi tano lena, “Un ben a barman ri torom anumot a labino mugumugu, uni i nem na inanosi nam ara wasiso.”

Aposel 24:23

Ra i inanos a mugumugu anun a kum tene inaim lena, “O Pol in kis na karabus una num a warkurai. Un tamtamabati nama marmaris, ma gong u turbat a kum paspasano sur det in waruti.”

Aposel 25:12

Ra o Pestus i sa wasiso pas nam anun a kum tene mananos, i inanos o Pol lena, “Uniri u sasaring sur un nan torom a Sisa, ra an tulu ru ui utong o Rom torom a Sisa.”

Aposel 25:25

Ikut ka pastorom tu utna ra din um doko i uni. Ikut i sasaring sur a Sisa in warkurai i, ra a nuki lena an tulu i utong o Rom torom a Sisa.

Aposel 27:11

Ikut o Julias ke longoro pas a wasiso anun o Pol, ra i muri kut a wasiso anun a kiapten ma o naro ra anun a sip.

Aposel 27:43

Ikut o Julias, a mugumugu anun a kum tene inaim i nemi sur in ulaun o Pol, ra i turbat det. Ra i pitar a warkurai sur det ra det tasman a was, det in sirok losop, ma det in was mugu unago una usalin.

Aposel 27:6

Tiro iai, ara sip tagitong o Aleksanderia, in nan utong o Itali. O Julias i sio pasi ra i ukas tar met uni.

Aposel 28:1

Ra met sa saur rop taru, met tasmani maragom a ailan ra, a risano o Malta.

Aposel 28:16

Ra met sa wanpat tong o Rom, di mulaot tar o Pol sur i kut in kis un tu rumu, ma tu tene inaim in tamtamabati.

Ibru 13:24

Mot in pitar anumet a marmaris torom anumot a kum mugumugu rop, ma torom a taro rop anun o God. Det kai tagitong o Itali det pitar anundet a marmaris torom mot.