Aposel 24:5 - Nupela Testamen long tokples Kandas

⁵ “Met tama i lena a musano ri a tene pam purpuruon, i ser turpas a kum purpuruon epotor torom a taro Juda una rakrakon bual rop. Ma i a mugumugu tagun ara torotoro na lotu di watungi nama lotu Nasaret.

Aposel 24:5 Σταυροειδείς Αναφορές

Matiu 10:25

I topasi sur a nat na ususer in elar kut nam anun a tene ususer ma a tultul in elar nam anun a labino. Ra di sa watung iau nam o Belsebul, mot kai ra mot kis tomo nam iau, din watung mot nama kum rising i sakino taun a rising ri.

Matiu 2:23

Ra detul wan ma detul kis una tamon a risano o Nasaret. Una anundetul a kinkinis tiro, di pam sot pas a wasiso anun a kum poropet lena, “Din watungi lena i a te Nasaret.”

A Wakak na Wasiso un o Iesu Karisito o Mak i tumusi 1:24

“Iesu, a te Nasaret u ling na pam asau un met? U wanpat sur un ban laulau met? A tasman ui, ui a Tasur na Musano anun o God.”

Luk 23:19

O Barabas i ara musano ra di uruk tari una karabus, uni i waim nama gapman una tamon Jerusalem, ma i ser um doko a taro kai.

Luk 23:2

Ra det turpasi sur det in takuni lena, “Met pastorom a musano ri i ben raro anumet a taro. I turbat met sur gong met pitar a takis torom a Sisa, ma i warango i kai lena, i a Karisito, a king.”

Luk 23:25

Ra i palos ru o Barabas ra i kis una karabus, uni i waim nama gapman ma i um doko a taro, i ra det sasaring suri. Ma i pitar tar o Iesu torom a kum tene inaim elar nama nemnem anun a taro.

Luk 23:5

Ikut, det ngongos makai lena, “Anun a etowo i ukatutur a balan a taro, sur det in lakai a warkurai anun a gapman una papor Judia rop. I turpasi tong o Galili ra i tuk taru ut nin.”

Aposel 15:5

A ramano kum Parisi ra det nurnur un o Iesu, det katutur ra det watungi lena, “I tokodos ut sur din tok talilis a pinin a taro ra awu sur a taro Juda ra det nukpukus. Ma din ususer det, sur det in mur a Warkurai anun o Moses.”

Aposel 21:28

Ma det kukukuk lena, “A taro Israel, mot in warut met. A musano ri, i ususer a taro rop una rakrakon bual sur det in nget dat, ma a Warkurai anun o Moses, ma a rumu na etabor. Ma i sa ben ruk pasi kai a taro ra awu sur a taro Juda urin una rumu na etabor, ma i sa udur ru a rumu ri anun o God.”

Aposel 22:22

A taro det longoro a wasiso anun o Pol tuk ut una wasiso ri. Numur det kukukuk nama labino walngandet lena, “Din um doko ru i! Din lakro ru i gusun a rakrakon bual. Ke sot sur in laun.”

Aposel 24:14

“Ikut uniri an inanos talapor ui lena, a ser mur a Kisapi anun o Karisito, ra det watungi nama torotoro na lotu. Una kisapi ri, a lotu ut torom o God anun a kum tumtubu met tagun numugu, ma a nurnur una kum utna rop ra di sa tumus tari una Warkurai anun o Moses ma una kum buk anun a kum poropet.

Aposel 24:4

Ikut kan wasiso suano i, sako a pinim in ngoro. A saring ui sur un maris met ma un longoro anumet tu nat na wasiso.

Aposel 25:7

Ra o Pol i sa wanpat, a taro Juda tagisapat o Jerusalem det tur talilis pasi, ma det takuni nama susut na maut na etakun, ikut ka det watung tu utna sur in ulingmulus anundet a kum etakun uni.

Aposel 26:5

Det tasman iau tagun numugu, ma ra det nemi, det ut det in wasiso talapor un iau lena a muri ut a ngasino anun a kum Parisi. Met ara kabotaro tagun a taro Juda ra met mur sot rop pas a kum Warkurai tagun anumet a lotu.

Aposel 28:22

Met nemi sur met in longoro a nuknukim, uni met sa tasmani lena, una kum tamon rop di watung laulau a matok na lotu ri.”

Aposel 5:17

A mugumugu na tene etabor torom o God, ma a kum paspasano tagun a kum Sadusi, a nuknukin det i laulau nama kum aposel, uni det tama a taro det mur a kum aposel.

Aposel 6:13

Ra det ben pas a taro sur det in takuni nama kum torotoro na wasiso, ma det watungi lena, “A musano ri ke mana nama wasiso laulau una nundat a rumu na etabor, a rumu anun o God, ma una Warkurai kai anun o Moses.

1 Korin 11:19

Uni a taro na lotu det in taptapagol ut, sur din tama lele det ra det tokodos ma det kai ra det raro.

1 Korin 4:13

Ra det mang laulau met, met balu det kut nama kum wasiso na marmaris. Tuk uniri met elar nama beren tagun a rakrakon bual, ma elar nama utna ra i mereseng ra di woro ru i.

1 Pita 2:19

Ra ka mot pam tu sakino petutna, ikut mot taramo a kum maut tan a taro, o God in gas nam mot, ra mot mur a nuknukino, ma mot tur dekdek.