Aposel 22:20 - Nupela Testamen long tokples Kandas

²⁰ Ra di duku doko o Stiwen, i ra i ser wasiso puaso un ui, iau kai a tur ut tiro iai. A mulaot tomo nam det, ma a tamtamabat a kum saket anundet ra det duku doko i.’

Aposel 22:20 Σταυροειδείς Αναφορές

Luk 11:48

Lenra mot upuaso i lena, mot mulaot tomo nama kum tumtubu mot tagun numugu una nundet a pinapam ra det um doko a kum poropet, uni det um doko det, ma mot, mot utur a kum aim nisan a kum kulam na minatindet.

Aposel 26:10

A pam a pinapam ri sapat o Jerusalem. A wan nama warkurai anun a kum lamlabino tene etabor torom o God, ma a uruk a susut na tene nurnur una karabus. Ra din um doko det, iau kai, a mulaot sur det in mat.

Aposel 6:5

Det rop det gas una wasiso ri. Ra det pilok pas o Stiwen, a musano ra i bukus nama nurnur ma a Tokodos na Nion. Ra det pilok pasi kai o Pilip, o Prokorus, o Nikano, o Timon, o Pamenas, ma o Nikolas, a musano tagitong o Antiok, ra awu sur a te Juda, ikut i ruk una lotu Juda.

Aposel 7:58

Det dat pirso ru i gusun a tamon, ra det dukuduku i. Ma det ra det takun o Stiwen, det palos ru anundet a kum saket, ra det ubek tari nisan aru kikin ara barman, a risano o Sol.

Aposel 8:1

Ra o Sol i mulaot sur din um doko o Stiwen. Una bung ra di um doko o Stiwen, a taro det turpasi sur det in ukadik a taro na lotu sapat o Jerusalem, ma a taro na nurnur rop det wan sarara una aru papor Judia ma o Samaria. Ikut, a kum aposel ka det wan, det kis ut.

A Pas anun o Pol torom a taro Rom 1:32

A ngas na taro lenri, det tasmani ut a warkurai anun o God lena, det ra det ser pam a kum petutna ri, i sot sur det in mat. Ikut det pami kut, ma det mulaot sur a taro gisen kai det in pami.

Tamtama 17:6

A tama a ino ra i inum pas a gapin a taro anun o God, a gapindet ra det wasiso talapor un o Iesu. Ra i sipak nami. Ra a tama i, a kisin doko.

Tamtama 2:13

A tasman a tamon ra mot kis iai, a tamon ra o Satan i sa kis na king iai. Ikut mot tur dekdek un iau, ma anumot a nurnur ke wan gisen gusun iau. Mot pami utkai lenra una kilalo ra di um doko o Antipas. I ra anung a lingmulus na tene wasiso talapor, ra di um doko i una numot a tamon, ra o Satan i kis iai.