Aposel 20:32 - Nupela Testamen long tokples Kandas

³² “Uniri a pitar tar mot ulaman o God, ma a pitar tar mot una nun a wasiso ra i upuaso anun a marmaris. A wasiso ra, i pet lar pasi sur in udekdek mot, ma in tabor mot nama kum wakak na etabor ra o God i ser tabor anun a taro nami.

Aposel 20:32 Σταυροειδείς Αναφορές

A Wakak na Wasiso un o Iesu Karisito o Mak i tumusi 10:17

Ra o Iesu i wan nanan melet, ara musano i kalabor pat toromi, i kis butkeke umatano, ma i tingi lena, “Wakak na Tene Ususer, asau ra an pami sur an rakon a nilaun tukum?”

A Wakak na Wasiso un o Iesu Karisito o Jon i tumusi 15:3

Mot sa talapor, kibino una wasiso ra a sa watung tari tamot.

A Wakak na Wasiso un o Iesu Karisito o Jon i tumusi 17:17

Anum a kum wasiso i lingmulus. Un utalapor det nam anum a lingmulus na wasiso, sur det anum a taro mulus.

Aposel 11:23

O Banabas i ara wakak na musano, i bukus nama Tokodos na Nion ma a nurnur. Ra i wanpat, i tama asau ra a marmaris anun o God i pami una nundet a nilaun, ra i gas doko. Ra i uragot det rop sur det in tur dekdek mulus nama nurnur torom a Labino una nundet a nilaun rop. Ra a susut na taro det tupukus torom a Labino.

Aposel 14:23

Der pilok pas a ramano taro sur det a kum mugumugu anun a taro na lotu, una tulu tamon taktakai. Der wararing ma der wewel, ra der pitar tar det torom a Labino, o naro ra det nurnur uni.

Aposel 14:26

Ra der sa pam sot pas anunder a pinapam una kum tamon, der kas una sip tagitong o Atalia utong o Antiok. O Antiok a tamon ra a kum tene nurnur, det pitar tar der una marmaris anun o God, ma det tulu der sur a pinapam ri.

Aposel 14:3

O Pol ma o Banabas der kis suano der tiro o Aikoniam. Ka der ngara, der dekdek kut nama wasiso una labino marmaris anun a Labino. Ra a Labino i ulingmulus anunder a wasiso nama dekdek ra i pitari tander sur der in pam a kum utna na ukisin ma a kum ukinalong.

Aposel 15:40

Ra o Pol i pilok pas o Sailas, sur der in nan tomo. Ma a kum tistisin der una nurnur, det pitar tar der una marmaris anun a Labino.

Aposel 20:24

Ikut ka nuk labo pas anung a nilaun, ma ka maris bati. Awu! A pitar tar iau kut sur an pam sot rop tar anung a inawan ma a pinapam, ra a Labino o Iesu i pitar tari torom iau, sur an wasiso puaso una Wakak na Wasiso una marmaris anun o God.

Aposel 26:18

Un utamtama det sur det in tupukus gusun a dumirum sur a talapor, ma gusun a dekdekin o Satan sur o God, sur din unus ru anundet a kum sakino petutna. Det in nurnur un iau, ma una nundet a nurnur, det in kis tomo nam det ra o God i sa pilok pas det sur anun a taro.’

Aposel 9:31

Numur a taro na lotu tong una tulu papor Judia, Galili ma o Samaria, det kis na malmal. Det kis nama urur torom a Labino, ra a Tokodos na Nion i uragot det. Ra a niluluk ina taro na nurnur i labo nanan.

A Pas anun o Pol torom a taro Rom 8:17

Ra dat a kum nutnutunu, dat in rakon a kum utna anun o God, tomo nam o Karisito. Ra dat in taramo a mamaut tomo nam o Karisito, numur dat in kis tomo nami una nun a minamar.

1 Korin 1:2

torom mot a taro na lotu anun o God ra mot kis tiro o Korin. Mot ra o Karisito Iesu i gos talapor pas anumot a nilaun, ma i kabo pas mot sur mot a taro anun o God. Mot a taro anun o God tomo nama taro rop una kum tamon rop ra det lotu una risan anundat a Labino o Iesu Karisito, i ra a Labino anundet ma anundat kai.

1 Korin 6:10

ma a kum tene wolong, ma a kum matano muk, ma a kum tene ininum, ma det ra det emang, ma det ra det ras pas a ututna ra awu sur anundet, det rop ra, ka det in rakon a matanitu anun o God.

1 Korin 6:11

Ara taro tagun mot, numugu mot ser pam a kum ngasino ri. Ikut, una risan a Labino o Iesu Karisito, ma una Nion o God anundat, o God i sa gos talapor pas mot gusun anumot a kum sakino petutna, sur mot anun a taro, ma i sa watung mot lena mot tokodos umatano.

1 Korin 6:9

Pepetlai, ka mot tasmani lena det ra det pam a sakino ka det in rakon a matanitu anun o God? Gong mot toro mot ut. Uni det ra det pam a kum pamuk na petutna, ma det ra det lotu torom a kum torotoro na god, ma det ra ka det ru a kinkinis na nolin, ma det ra a kum pamuk na musano ra det siuru a pinpinin det, ma a kum musano ra det nolin melet nama kum musano,

Epeses 1:14

A Tokodos na Nion i a mugano etabor, sur in ulingmulus anun a liliman lena, numur una bung ra o God in ulangolango pas anun a taro, dat in rakon a kum utna ra o God i sa uliliman taru uni. I mo ra, dat in watung ulabo pas o God kibino una nun a minamar!

Epeses 1:18

A wararing lena in utalapor a matan a kum niomot, sur mot in tasman a utna ra dat kis langlang nama nurnur suri, ra o God i kabo pas dat sur dat in rakon pasi. A utna ra dat a taro anun o God, dat in rakon pasi, i labo sakit ma i bukus nama minamar.

Epeses 4:12

sur det in waninar a taro anun o God, sur det ra, det in papam toromi, sur dat a pinin o Karisito dat in lubung.

Epeses 4:16

Un o Karisito, a kudulano pinino i tugus tomo wakak. Ra arara du pinino in pami ut anun a pinapam, a kudulano pinino in lubung ma in dekdek, ma in bukus nama marmaris.

Epeses 5:5

Mot in tasman a utna ri: Det ra det pam a pamuk na petutna, o a kum dur na petutna, o det nem doko a susut na ululeng, ka det in rakon a matanitu anun o Karisito ma anun o God. Uni det ra det nem doko a susut na ululeng, det a kum tene lotu torom a kum torotoro na god, uni a kum ululeng anundet a god.

Kolosi 1:12

ra mot in watung wakak torom a Tamandat, ra i warut mot sur mot in pet lari sur mot in rakon a kum utna tomo nam anun a taro. A kum utna ra i sa uliliman tari torom det, ra det kis una talapor.

Kolosi 2:7

Anumot a nilaun in wakakor un o Iesu sur in lubung, ma mot in tur netes uni. Mot in tur dekdek una nurnur elar nami ra di sa ususer tar mot uni, ma mot in bukus nama watung wakak torom o God ma anumot a watung wakak in pulpulas.

Kolosi 3:24

Uni mot tasmani lena, numur a Labino in pitar a ikul torom mot, i a wakak na kinkinis ra numur mot in rakoni. Mot a kum tene ititula anun a Labino o Karisito, ma i ut anumot a mugumugu mulus.

Ibru 10:14

Uni, una ra etabor takai kut, i sa utokodos tukum pas a taro anun o God, det ra i ser gos talapor det.

Ibru 13:9

Gong mot mur a kum wur ngas na etowo ra i ben raro mot. I wakak ra a marmaris anun o God in udekdek a niondat. Ra dat mur a kum warkurai una utna na inangon, ken udekdek a niondat, ma ken warut det ra det ser mur a kum warkurai ra.

Ibru 2:11

O Iesu tomo nama taro ra i rus talapor pas det gusun anundet a kum sakino petutna, det ara Tamandet kut. Iri a kibino ra o Iesu ke maimai sur in watung det, a kum tistisino.

Ibru 9:15

I mo ra o Karisito i tur epotor tan o God ma a taro, ra i pam tar a matok na kunubus, sur in dat tomo tar det. I pami sur det, ra o God i sa kabo pas det, det in dan tukum elar nam anun a liliman. O Karisito i mat ra i kul pas det nama gapino. Anun a minat i ulangolango pas det gusun anundet a kum sakino petutna ra det ser pami utuntudu ina mugano kunubus.

A Pas anun o Jud 1:1

Iau o Jud, a tultul anun o Iesu Karisito ma a tisin o Jems. A tumus a pas ri torom mot ra o God a Tamandat i sa kabo pas mot, ma i maris mot, ma mot kis una tamtamabat anun o Iesu Karisito.

A Pas anun o Jud 1:20

Ikut mot, a kum wakak na paspasang, in wakak ra mot in udekdek mot una numot a tokodos na nurnur sur in lubung, ma mot in wararing nama dekdekin a Tokodos na Nion.