2 Korin 9:5 - Nupela Testamen long tokples Kandas

⁵ Iri a kibino ra an tulu mugu ru a tulu musano ri utiro, ma detul in warut mot sur mot in waninar a etabor ra mot sa liliman taru sur mot in pitari. Ra mot sa waninar mugu tar anumot a etabor, in elar ut nama etabor mulus, ma ken elar nama utna ra di ungongos pasi kut gusun mot.

2 Korin 9:5 Σταυροειδείς Αναφορές

1 Korin 16:2

Una kum mugano bung una rara wik, mot rop taktakai mot in ubek gisen ru tu mani tagun anumot a mani. Det ra det pam pat a labino mani det in pitar a labino, ma det ra det pam pat a natino det in pitar a natino. Mot in ulengi, sako ra an nanpat, mot in woro tomo i maragom a mani.

2 Korin 8:6

I mo ra met saring o Taitus sur in warut mot sur mot in pam sot pas a pinapam na etabor ri, uni i ut i warut mot ra mot turpas a pinapam na etabor ri.

2 Korin 9:3

A nemi sur mot in waninar, elar nami ra a sa watung tari tandet, sako det in tama i lena, anung a wasiso ra a warango tar mot nami ken lingmulus. Iri a kibino ra an tulu ru a tulu tistisi met ri torom mot.

2 Korin 9:6

Mot in nuk pasi, osi ra i marut a lilik, in pasong pasi utkai a lilik. Ma osi ra i marut a susut, in pasong pasi utkai a susut.

Pilipai 4:17

Awu sur anumot a etabor ra a ling suri. A nemi kut sur mot in los a ikul kura numur una numot a wakak na pinapam ra.