2 Korin 8:3 - Nupela Testamen long tokples Kandas

³ A inanos mot nama lingmulus, anundet a etabor, i elar ut nama dekdekin det, ikut det pitar wot meleti. Anundet a nemnem ut sur det in pami lenra.

2 Korin 8:3 Σταυροειδείς Αναφορές

A Wakak na Wasiso un o Iesu Karisito o Mak i tumusi 14:8

A ino ri i sa pam sot pas a utna ra i elar sur in pami. I sa lingis tar in nopolo sangsangnain ri una pining, sur in waninar mugu iau sur a bung ra an mat ma din uruk a minating una kulam na minat.

Aposel 11:29

Ra a taro na ususer det kubus pasi sur det in etabor torom a taro na nurnur ra det kis una papor Judia. Det rop taktakai det in etabor nama sau ra i sot sur det in etabor nami, elar nama sau ra det utur ukai i.

A Pas anun o Pol torom a taro Rom 10:2

Uni a tasmani ut lena, det nem doko i sur det in ugasgas o God, ikut ka det tasman asau ra det in ugasgasi nami.

1 Korin 16:2

Una kum mugano bung una rara wik, mot rop taktakai mot in ubek gisen ru tu mani tagun anumot a mani. Det ra det pam pat a labino mani det in pitar a labino, ma det ra det pam pat a natino det in pitar a natino. Mot in ulengi, sako ra an nanpat, mot in woro tomo i maragom a mani.

1 Korin 9:17

Ra iau ut a nemi sur an warawai, an losi ut anung tu ikul. Ikut, ra awu sur anung tu nemnem suri, an pami kut a pinapam ra o God i sa pitar tari tang.

Galesia 4:15

A nuki lena, kanapi ra mot in pet lari, mot in gas sur mot in liok ru a kum kiok na matmata mot urin tang. Ikut uniri, awai mi anumot a gasgas ra?

Pilipai 2:13

Uni o God ut i papam un mot sur mot in nem asau ra i elar nama nun a nemnem, ma i pitar a dekdek torom mot sur mot in pami lenra.

Kolosi 4:13

Uni iau ut a tama i ma a wasiso mulus uni torom mot lena, i papam dekdek sur mot, ma sur det kurong o Laodisia ma det kai tong o Ierapolis.

1 Tesalonaika 2:8

Metul nem doko mot, ra metul gas doko sur metul in inanos mot una Wakak na Wasiso anun o God. Awu sur i kut ra, awu, metul gas utkai sur metul in pitar anumetul a nilaun kai torom mot, uni mot labo doko umatametul.

Pilimon 1:14

Ikut ka nemi sur an ungongos pas ui sur un warut iau, ui ut un pami elar nama num a gasgas. Kan pam tu utna, tuk ui ut un mulaot.

1 Pita 4:11

Ra taio i los a etabor sur in tene warawai, i wakak sur in warawai ut elar nama wasiso anun o God. Ra taio i los a etabor sur in tene warut, i wakak ra in warut nama dekdek ra o God i pitar tari tano, sur a taro det in watung ulabo pas o God una kum utna rop, kibino un o Iesu Karisito. Anunu kut a minamar ma a dekdek, ken rop ma ken rop. Amen.

1 Pita 5:2

Mot in tamtamabat a kum sipsip anun o God, ra di pitar tari torom mot sur mot in tamtamabat det. Gong mot papam, uni a taro det ungongos tar mot uni, mot in papam, uni mot ut mot nemi, elar nama nemnem anun o God. Mot in papam, uni mot ut mot nem doko i, ma gong mot papam kut nama nemnem sur a mani.