2 Korin 7:8 - Nupela Testamen long tokples Kandas

⁸ Anung ara pas munung i sa utupunuk tar mot. Ikut, ka tupunuk uni. Numugu a tupunuk uni, ikut uniri, a tasmani lena, anumot a tupunuk uni ke suano i.

2 Korin 7:8 Σταυροειδείς Αναφορές

A Wakak na Wasiso un o Iesu Karisito o Jon i tumusi 16:6

Mot tupunuk doko uni a watung a kum wasiso ri torom mot.

A Wakak na Wasiso un o Iesu Karisito o Jon i tumusi 21:17

Ra o Iesu i mantul u watungi tano lena, “Saimon, nutun o Jon, pepetlai, u nem iau?” O Pita i tupunuk, uni o Iesu i tingi a tulu dino lena, “U nem iau?” I watungi tano lena, “Labino, u tasman a kum utna rop. U tasmani lena a nem ui.” Ma o Iesu i watungi tano lena, “Un tabor anung a kum sipsip.

2 Korin 7:11

Tama i, a tupunuk ri tan o God i pam pat a susut na wakak na utna un mot: A labino nemnem i kis unin balamot sur mot in langolango gusun a sakino. Ma mot nem doko i sur mot in ukodos pas mot sur gong tu etakun in los mot. Mot kankan torom o naro ra i pam a sakino, ma mot ngara. Mot nem doko i sur dat in emarom melet, mot dekdek pas mot, ma mot nemi sur mot in ukodos a utna ra i raro. A lingmulus, anumot a petutna i ese i lena, mot tokodos una utna ri.

2 Korin 7:12

Numugu a tumtumus torom mot, awu sur i kibino una musano ra di pam a sakino toromi, ma awu sur i kibino kai una musano ra i pam a sakino, awu. A tumtumus sur mot in tama lele pas anumot a tuntunur tomo nam met umatan o God.

2 Korin 7:6

Ikut, o God ra i ser umarom a taro ra det tupunuk, i umarom met nama inawan pat anun o Taitus torom met.

2 Korin 7:7

Ma awu sur a inawan pat kut anun o Taitus ra i umarom met, met gas kai ra met longoro i lena, mot udekdeki. I inanos met lena, mot nem doko i sur mot in tama iau, ma mot tupunuk, ma mot nuknuk doko sur iau. A wasiso ri, i ugasgas doko iau.

2 Korin 7:9

Uniri a gas, awu sur i kibino ra mot tupunuk, awu. A gas uni anumot a tupunuk i ben pas mot sur mot in nukpukus. Anumot a tupunuk i elar nama nemnem anun o God, uni i ben pas mot sur mot in nukpukus. I mo ra ka met ban laulau mot.

Tamtama 3:19

Det ra a maris det, a ser pitar a dekdek na wasiso torom det, ma a ser ukodos det. I mo ra, mot in tuangun, ma mot in nukpukus.