2 Korin 7:5 - Nupela Testamen long tokples Kandas

⁵ Ra met wanpat tong una papor Masedonia, ka met mana lar pas. Met barato a susut na mamaut sakit una kum papori met. Met barato a wasiso na kankan anun a taro torom met, ma nin ubalamet met taramo a nginara.

2 Korin 7:5 Σταυροειδείς Αναφορές

Aposel 20:1

Ra i sa rop a purpuruon, o Pol i itula pas a taro na ususer, i udekdek tar det, ma i wasiso na itula taru tandet. Numur i wan utong una papor Masedonia.

A Pas anun o Pol torom a taro Rom 15:26

Uni a kum tene nurnur tong una aru papor Masedonia ma o Akaia det gas sur det in woro tomo a mani, sur det in warut a kum tene nurnur ra det sibo sapat o Jerusalem.

1 Korin 15:31

A kum tistising, una kum bung rop a barato a kum mamaut ma a taramo i lena a sa mat. A wasiso ri i lingmulus elar nami ra anung a gasgas un mot i lingmulus. A gas nam mot uni dat kis tomo nam o Karisito Iesu anundat a Labino.

1 Korin 16:5

An nan utong una kum tamon una papor Masedonia. Ma numur an nan kai utiro torom mot, uni an nan ut utong o Masedonia.

2 Korin 2:13

Ikut in balang ke molmol, uni ka sio pas o Taitus, a tisinglik una nurnur. I mo ra a wasiso na itula taru torom det tagitiro iai, ra a wan pas utong o Masedonia.

2 Korin 2:3

Iri a kibino ra a tumtumus kut torom mot, sako ra an nan ut, an tupunuk un mot. Uni in wakak sur mot in ugasgas iau. A tasmani lena, ra an gas, mot kai dat in gas tomo.

2 Korin 2:9

Una nung ara pas ra a tumusi torom mot, a lar mot kut nami, sur an tasmani lena, mot in mur anung a kum wasiso rop, o awu.

Galesia 4:11

A ngara doko sur mot, sako anung a pinapam torom mot in utna oros kut.

1 Tesalonaika 3:5

I mo ra a tulu ru o Timoti torom mot. A tulu ru i torom mot sur an mananos una numot a nurnur, uni a ngara doko un mot ma ka nem na kis liklik mo. A ngara, sako a tene ululam i sa ulam pas mot, ma anumetul a pinapam torom mot in utna oros kut.