2 Korin 7:4 - Nupela Testamen long tokples Kandas

⁴ A nurnur un mot. Ma a warango doko mot. Anumot a nilaun i uragot iau. Anung a gasgas i bukus una numet a kum mamaut.

2 Korin 7:4 Σταυροειδείς Αναφορές

Aposel 5:41

Ra a kum aposel det pirso gusun a kiwung, ma det gas, uni o God i tama det lena det wakak sur det in los a maimai una risan o Iesu.

A Pas anun o Pol torom a taro Rom 5:3

Ma awu sur i kut ra dat gas suri, dat gas utkai una kum mamaut ra dat taramo i, uni dat tasmani lena a kum mamaut i pam pat anundat a tuntunur dekdek.

1 Korin 1:4

A ser watung wakak torom o God un mot, kibino una nun a marmaris ra i pitar tari torom mot un o Karisito Iesu.

2 Korin 1:4

I ser umarom met una kum mamaut rop ra met taramo i, sur met kai met in umarom a taro, ra a kum mamaut i los det, nama umumarom ra o God i pitar tari tamet.

2 Korin 10:8

Ra met ser warango pas met una numet a kinkinis na mugumugu ra a Labino i sa pitar tari tamet, ka met maimai. Uni i sa pitar tari, sur met in udekdek mot nami, ma awu sur sur met in ban laulau mot.

2 Korin 11:21

A maimai doko ra an watungi lena, met ut kalako dekdeki met sur met in pam a kum petutna ri torom mot! A kum utna ra det warango pas det uni, iau kai, a pet lar pasi sur an warango pas iau ut uni. A wasiso elar nama longlong.

2 Korin 2:14

Ikut a watung wakak torom o God, uni o Karisito i mugu met elar nama king ra i win. O God i tulu sarara met, sur met in wasiso puaso un o Karisito, sur a taro una kum tamon rop det in tasmani. A tastasman ra, i elar nama utna i sangnain wakak.

2 Korin 3:12

Ka met ngara sur met in wasiso puaso nama matok na kunubus, uni met nurnur lena, in kis tukum.

2 Korin 7:14

Ra ke wan utmakai, a warango mot toromi, ma ka mot ban umaimai iau. A kum utna ra met watungi tan o Taitus un mot i lingmulus, elar nam anumet a kum wasiso rop torom mot i lingmulus.

2 Korin 8:24

I mo ra mot in ese anumot a marmaris torom detul, sur a taro na lotu una kum tamon gisen det in tama lele a kibino ra met warango mot.

Pilipai 1:14

Anung a kinkinis na karabus i sa uragot a susut na taro ra met nisnisino una Labino, ma ka det ngara sur det in wasiso puaso nama wasiso anun o God nama dekdek.

Pilipai 1:20

A nurnur lena, kan pam tu utna ra an maimai uni. An tur dekdek ma kan ngara, sur an ulabo pas o Karisito una nung a kum petutna rop elar nami ra numugu a ser pami. Sako an laun o an mat, an ulabo pasi ut.

Pilipai 1:26

Ra dat in tamtama tomo melet, anumot a gasgas un o Karisito Iesu in bukus ma in tiltilingis, kibino un iau.

Pilipai 2:17

Anumot a pinapam ra anumot a nurnur i pam pati, i elar nama etabor torom o God. Ra kanapi an mat, a gaping in elar nama etabor ra di lingisi netes una numot a etabor. Ra an gas ma an gas tomo nam mot rop.

Kolosi 1:24

Uniri a gas una kum mamaut ra a taramo i un mot. Una kum mamaut ra a taramo i una pining, a pam sot pas a kum mamaut anun o Karisito, sur an warut a taro na lotu, det ra a pinin o Karisito.

1 Tesalonaika 2:19

Metul nem doko i sur metul in tama melet mot, uni metul nurnur un mot lena, mot sa tur dekdek, ma mot, mot kibino una numetul a gasgas, ma mot kibino una numetul a kunukul tagun anumetul a pinapam, una bung ra anundat a Labino o Iesu in nanpat, ma dat in tur umatano.

1 Tesalonaika 2:2

Mot tasmani lena numugu tan anumetul a inawan pat torom mot, a taro det ban laulau metul ma det ban umaimai metul tong o Pilipai. Ikut anundat a God i warut metul, ra metul dekdek ut sur metul in wasiso puaso una nun a Wakak na Wasiso torom mot, ma ka metul ngaran det ra det lari sur det in sakbat metul.

2 Tesalonaika 1:4

I mo ra, metul ut metul ser warango pas mot torom a taro na lotu anun o God una kum tamon. Metul ser warango pas mot una numot a tuntunur dekdek ma anumot a nurnur, ubalan a kum mamaut ra mot taramo i ma a kum ngunungut ra a taro det ban laulau mot nami.

Pilimon 1:7

Tisinglik, anum a marmaris torom a taro anun o God i sa pitar tar a labino gasgas tang, ma i uragot iau, uni u ugasgas a nilaun anundet.

Jems 1:2

A kum tistising, ra lako kum ngas na maut in nanpat torom mot, mot in gas,