2 Korin 7:10 - Nupela Testamen long tokples Kandas

¹⁰ A tupunuk ra o God i nemi, i utupunuk a taro sur det in nukpukus. Ra det in nukpukus, o God in ulaun det. Dat in gas una ngas na tupunuk ra. Ikut a tupunuk tagun a rakrakon bual, i pam pati kut a minat.

2 Korin 7:10 Σταυροειδείς Αναφορές

Matiu 26:75

Ma o Pita i nuk pas a wasiso ra o Iesu i sa watung tari tano lena, “A kereke ken kurkurirakuk utmakai, ra un ipul a tulu dino lena, ko tasman iau.” Ra i pirso gusun a nubual ra, ma i tangis dokodoko i.

Luk 15:10

A watungi tamot, i lenkutkai ra a gasgas epotor nisan a kum ensel anun o God un ara tene sakino ra i nukpukus.”

Luk 18:13

Ikut a tene los takis i tur gisen taru, ke tatado usapat netes una langit, uni i maimai. I raprapusi kut a romrobono nama tupunuk, ma i watungi lena, ‘God, un maris iau, a tene sakino iau.’

Aposel 11:18

Det longoro a wasiso ri, ra ka det wasiso melet mo, ma det watung ulabo pas o God lena, “O God i sa pam tar a kisapi sur det kai ra awu sur a taro Juda, det in nukpukus ma det in laun.”

Aposel 3:19

Mot in nukpukus, ma mot in nan torom o God, sur in unus ru anumot a kum sakino petutna,

2 Korin 12:21

A ngara, sako ra an nanpat tiro, anung a God in unatino pas iau umatamot. Ma an tupunuk una susut tagun mot, ra det pam sakino tagun numugu utmakai ma ka det nukpukus gusun anundet a kum dur na petutna, a kum pamuk na petutna ma a kum nemnem sur a sakino petutna ra det ser muri.

2 Korin 7:9

Uniri a gas, awu sur i kibino ra mot tupunuk, awu. A gas uni anumot a tupunuk i ben pas mot sur mot in nukpukus. Anumot a tupunuk i elar nama nemnem anun o God, uni i ben pas mot sur mot in nukpukus. I mo ra ka met ban laulau mot.

Ibru 12:17

Mot sa tasmani lena, numur, ra i nemi sur in los melet pas a wasiso na udan tan o tamano, o tamano i ipul ru i mukut. A lingmulus, i tangis sur in los melet pas a wasiso na udan ra, ikut ke sio melet pas tu kisapi sur in pukus asau ra i sa pam tari.