2 Korin 6:9 - Nupela Testamen long tokples Kandas

⁹ Ara taro det ipul lena kalako risamet, ikut a risamet i labo ut. Det nuki lena, met sa mat, ikut met laun utmakai. Di um met, ikut ka di um doko ru met.

2 Korin 6:9 Σταυροειδείς Αναφορές

Aposel 17:18

A kum tene mananos tagun a etowo anun a taro Epikurian ma a taro Stoik det wasiso tomo nami. Ara taro det watungi lena, “Asau ri a tene wasiso oros ri i inanos dat nami?” Ma ara taro kai det watungi lena, “Kutiro, i inanos dat una kum matok na god tagun tu tamon gisen.” Det watungi lenri uni i warawai nama Wakak na Wasiso un o Iesu ma a nilaun melet gusun a minat.

Aposel 19:26

Nin o Epeses, ma una kum tamon rop nin una papor Asia, a musano ra, o Pol, i pukus a nuknukin a susut na taro, ma i ben raro det, ra i inanos det lena, a kum god ra dat ser pami nama lamandat, awu sur a kum god.

Aposel 25:19

Det takuni kut una kum utna tagun anundet a ngas na lotu, ma una ara musano, a risano o Iesu ra i mat, ra o Pol i watungi lena i sa laun melet.

Aposel 25:26

Ka tasman mulus tu utna ra an tumus ukai i uni, torom a Sisa. I mo ra a ben pati torom mot rop, ma torom ui, King Agripa, sur dat in ting tari sur an tasman asau ra an tumusi.

A Pas anun o Pol torom a taro Rom 15:19

Det tama a dekdekin a kum ukinalong ma a kum utna na ukisin ra a pami nama dekdekin a Tokodos na Nion. Tagisapat o Jerusalem tuk tong o Ilirikum, a sa warawai rop pas iai nama Wakak na Wasiso anun o Karisito.

A Pas anun o Pol torom a taro Rom 8:36

Elar nami ra di sa tumus tari una Buk Tabu, “A kum bung rop a taro det nem na um doko met, uni met anum a taro. Met elar nama kum sipsip ra di waninar sur din um doko det.” Sng 44:22

1 Korin 11:32

Ikut, ra a Labino i warkurai dat, i ukodos dat, sur gong dat iru una warkurai na minabalu tomo nama rakrakon bual.

1 Korin 15:31

A kum tistising, una kum bung rop a barato a kum mamaut ma a taramo i lena a sa mat. A wasiso ri i lingmulus elar nami ra anung a gasgas un mot i lingmulus. A gas nam mot uni dat kis tomo nam o Karisito Iesu anundat a Labino.

1 Korin 4:9

Uni a nuki lena o God i ubek tar met a kum aposel, sur met in musano oros kut. Met elar nama kum karabus ra di sa kuro tar det sur det in mat ma din urongon un det. A taro ma a kum ensel kai det in tama det.

2 Korin 11:6

Surko mot nuki lena, ka ususer pas sur a tene warawai, ikut a tasmani ut a utna ra a warawai nami. Mot ut, mot talapor uni, uni una kum utna rop met pami torom mot, met upuaso a mananos rop ri.

2 Korin 4:2

Met sa mana gusun a kum sakino petutna ra di ser pam eno i, ma di ser maimai nami. Ka met papam nama torotoro, ma ka met palos raro a wasiso anun o God, awu. Met palos talapor a lingmulus na wasiso torom a taro, sur det in tasman lele i ut una nuknukin det lena, met watung a lingmulusino umatan o God.

2 Korin 5:11

I mo ra met papam doko sur met in ukatutur a nuknukin a taro sur det in nurnur, uni met ngara sur a Labino. O God i talapor un met lena, met osi na ngas na taro, ma a nurnur lenri mot kai mot talapor un met.