2 Korin 6:4 - Nupela Testamen long tokples Kandas

⁴ Una numet a kum pinapam rop i ese i lena, met a kum tultul anun o God. Met tur dekdek ra met taramo a kum mamaut ma a kum ngunungut ma a kum ukadik.

2 Korin 6:4 Σταυροειδείς Αναφορές

Luk 21:19

Anumot a tuntunur dekdek in ulaun mot.

A Wakak na Wasiso un o Iesu Karisito o Jon i tumusi 16:33

“A watung a kum wasiso ri tamot sur mot in laun un iau, ma a balamot in bukus nama malmal. Nin una rakrakon bual, mot in taramo a mamaut. Ikut gong mot ngara, uni a sa winim pas a rakrakon bual.”

Aposel 2:22

“A taro Israel, mot in longoro iau. An inanos mot un o Iesu, a te Nasaret. Mot ut mot tasmani lena, una dekdekin o God i pam a kum utna na ukisin, ma a kum dekdek na pinapam ma a kum ukinalong. I pami epotor torom mot, sur o God in ese i torom mot lena, i ut i tulu ru i.

Aposel 20:34

Mot ut, mot tasmani lena, a papam ut nama aru lamang sur a kum utna ra in topas iau, ma det kai ra met wan tomo.

Aposel 9:16

Ma an inanosi lena, in taramo a susut na mamaut una risang.”

A Pas anun o Pol torom a taro Rom 14:18

Ma osi ra in mur a kum petutna ri una nun a pinapam torom o Karisito, o God in gas nami, ma a taro kai det in tama lele i lena anun a petutna i tokodos.

A Pas anun o Pol torom a taro Rom 16:10

Mot in pitar anung a marmaris torom o Apelis, i ra di sa lar tari ma i upuaso i lena i a tene nurnur mulus un o Karisito. Mot in pitar anung a marmaris torom det ra tagun a rumu anun o Aristobulus.

A Pas anun o Pol torom a taro Rom 3:5

Ra dat pam a sakino, anundat a sakino i ese mulusi lena, o God i tokodos. Pepetlai, o God i raro sur in warkurai dat uni? Awu ut! A ngas na wasiso ra, i wanpat tan a taro kut. Gunuk ra anun a warkurai ke tokodos, ken warkurai lar pas a taro tagun a rakrakon bual. Ikut i tokodos ut, ra in pet lar pasi sur in warkurai det.

A Pas anun o Pol torom a taro Rom 5:8

Ikut o God i ese anun a marmaris torom dat una kisapi lenri: Ra dat laun utmakai una sakino petutna, o Karisito i mat sur dat.

1 Korin 3:5

Osi ra o Apolos? Ma osi kai o Pol? Mir aru tultul kut anun o God, ra mot nurnur un o Karisito i kibino una numir a pinapam. Mir taktakai mir pam a pinapam ra a Labino i pitar tari torom mir.

1 Korin 4:1

I wakak sur mot in nuknuk un met lar met, a kum tultul anun o Karisito, ra a kum wasiso anun o God ra numugu i kis eno, o God i sa pitar tari torom met sur met in upuaso i torom a taro.

1 Korin 9:11

Met sa marut tar a wasiso na nion epotor tamot. I tokodos sur mot in tabor met nam lako utna sur met in laun nami.

2 Korin 11:23

Det a kum tultul anun o Karisito, niko? Iau a wakak na tultul tandet rop. A wasiso elar nama longlong. A papam dekdek bing tandet rop, a sa kis papas una karabus, a kum inaim di pami un iau i dekdek sakit, a susut na dino milau an mat. A kum utna rop ri, ra di pami un iau, i labo taun a utna ra di pami un det.

2 Korin 11:27

A dekdek ma a papam dekdek ut. A susut na bung na mirum ka inep. A susut na dino a muruk ma a murak. A susut na dino ka wan tu utna. A ramano kum dino a sibo sur a malu ma a taramo a kotokoto.

2 Korin 11:9

A susut na dino a sibo ra a kis tomo nam mot, ikut ka pitar tu maut torom mot. Uni a kum tistising una nurnur tagisa o Masedonia det wanpat, ra det tabor iau nama utna ra a sibo suri. Ka saring tar mot, ma kan saring tar mot kai sur tu utna.

2 Korin 12:10

I mo ra a gas doko ra kalako dekdeking, ma di watung laulau iau, ma a taramo a kum mamaut, ma a taro det ukadik iau, ma a taramo a dekdek na tupunuk, uni a nurnur un o Karisito. A gas, uni a tasmani lena, ra kalako dekdeking an dekdek.

2 Korin 12:12

Ra a kis nisamot, a ulingmulus pas iau umatamot lena, iau a aposel mulus. A pam a kum utna na ukisin, a kum dekdek na pinapam, ma a kum ukinalong, ma pining ke ngoro sur an pam a kum utna ri, ra a taramo a kum maut.

2 Korin 2:17

Ka met elar nama susut na taro, ra det papam kut nama wasiso anun o God sur a mani. Ikut, un o Karisito met wasiso nama lingmulus umatan o God, uni i ut i tulu ru met.

2 Korin 3:6

I ut i ukis tar met sur met a kum tene pinapam una matok na kunubus, ma i pitar tar a dekdek tamet sur met in papam nami. A matok na kunubus ri, awu sur tagun a kum wasiso na Warkurai ra di sa tumus tari, i kibino pas ut una Tokodos na Nion. A wasiso na Warkurai i pitar pati kut a minat, ikut a Tokodos na Nion i pitar a nilaun.

2 Korin 4:17

A kum mamaut ra met taramo det, ka det labo ma ka det in kis suano i, ikut det warut met, sur met in rakon pas a wakak na kinkinis una minamar, ra ken rop. A minamar ra, i labo sakit taun a kum mamaut ra met taramo i.

2 Korin 4:2

Met sa mana gusun a kum sakino petutna ra di ser pam eno i, ma di ser maimai nami. Ka met papam nama torotoro, ma ka met palos raro a wasiso anun o God, awu. Met palos talapor a lingmulus na wasiso torom a taro, sur det in tasman lele i ut una nuknukin det lena, met watung a lingmulusino umatan o God.

2 Korin 4:8

Met barato a kum mamaut una kum papori met rop, ikut ke ban laulau ru met. A susut na utna i utalara a nuknuki met, ikut ka met mana.

2 Korin 7:11

Tama i, a tupunuk ri tan o God i pam pat a susut na wakak na utna un mot: A labino nemnem i kis unin balamot sur mot in langolango gusun a sakino. Ma mot nem doko i sur mot in ukodos pas mot sur gong tu etakun in los mot. Mot kankan torom o naro ra i pam a sakino, ma mot ngara. Mot nem doko i sur dat in emarom melet, mot dekdek pas mot, ma mot nemi sur mot in ukodos a utna ra i raro. A lingmulus, anumot a petutna i ese i lena, mot tokodos una utna ri.

Kolosi 1:11

Ra o God in udekdek mot nama dekdek rop, tagun a wakak na labino dekdekino, sur mot in kis wowowon ma mot in tur dekdek una kum maut rop ra mot taramo i. Ma mot in gas,

Kolosi 1:24

Uniri a gas una kum mamaut ra a taramo i un mot. Una kum mamaut ra a taramo i una pining, a pam sot pas a kum mamaut anun o Karisito, sur an warut a taro na lotu, det ra a pinin o Karisito.

1 Tesalonaika 3:7

I mo ra a kum tistisi metul, anumot a nurnur i uragot metul una numetul a kinkinis ubalan a kum mamaut, ma a kum petutna ra a taro det ban laulau metul nami.

1 Tesalonaika 5:14

A kum tistisi metul, metul saring mot sur mot in tumarong a kum tubunu wok na taro, mot in uragot det ra det ser ngara, mot in warut det ra ka det dekdek una nurnur, ma mot in ese a wowowon na petutna torom a taro rop.

1 Timoti 2:15

Din ulaun a wardain kibino una usus. Din ulaun det ra det ser tur dekdek una nurnur, ma una marmaris. Det ra, det ser mur a petutna ra o God i nemi, ma a petutna ra i sot sur a wardain det in muri.

1 Timoti 4:6

Ra un ususer a kum tistisim nama kum etowo ri, ui a wakak na tultul anun o Karisito Iesu. Una pinapam ri in talapor lena u labo pat una nurnur mulus, ma a wakak na etowo ra u muri.

1 Timoti 6:11

Ikut ui, Timoti, ui a musano anun o God, un nan gisen gusun a kum utna ri. Un dekdek sur un mur a tokodos na petutna, ma a petutna ra i wakak umatan o God, a nurnur mulus, a marmaris, a tuntunur dekdek, ma a wowowon na petutna.

2 Timoti 1:8

Gong u maimai sur un wasiso talapor una nundat a Labino, ma gong u maimai un iau, ra uniri a kis una karabus una risano. Ikut, un waninar sur ui kai, un taramo a ngunungut una Wakak na Wasiso tomo nam iau. Ra un taramo a ngunungut, o God ut in pitar a dekdek torom ui.

2 Timoti 2:24

A tultul anun a Labino gong i ser engaras, ikut in wakak na tene ususer, in pam a wakakino torom a taro rop, ma in ese anun a wowowon na petutna torom a taro ra i ukodos det.

2 Timoti 4:5

Un nuknuk wakak una kum bung rop. Ra un taramo a kum mamaut, un tur dekdek ut. Un dekdek nama warawai una Wakak na Wasiso, ma un pam sot pas anum a kum pinapam rop, ra o God i sa pitar tari tam.

Ibru 12:1

A susut na tene nurnur tagun numugu det tur talilis pas dat ma det upuaso a petutna na nurnur. I mo ra, i wakak sur dat in lakro ru a kum sau rop ra i ser turbat dat una nundat a inawan, ma a kum sakino petutna kai ra i ser ker ukai dat. Ma dat in kalabor, ma gong a pinindat i ngoro una kalkalabor una nundat a kinalabor, ra o God i sa waninar tari sur dat.

Tamtama 1:9

Iau o Jon, a tisimot ma a pasamot ra dat tur tomo una kum ngunungut, ma una matanitu anun o God ma una tuntunur dekdek ra dat taramo a ngunungut, uni dat anun o Iesu. A kis na karabus una ailan Patmos, uni a warawai nama wasiso anun o God ma nama wasiso talapor anun o Iesu.

Tamtama 3:10

Ra a labino larlar in nanpat una rakrakon bual rop, sur in lar det ra det kis nin upiso, an tamtamabat mot gusun a du bung ra, uni mot mur anung a wasiso sur mot in tur dekdek ra mot taramo a ngunungut.