2 Korin 3:4 - Nupela Testamen long tokples Kandas

⁴ Met wasiso una kum utna ri, uni met tagun o Karisito, ma met nurnur un o God lena, a kum utna ri i lingmulus.

2 Korin 3:4 Σταυροειδείς Αναφορές

2 Korin 2:14

Ikut a watung wakak torom o God, uni o Karisito i mugu met elar nama king ra i win. O God i tulu sarara met, sur met in wasiso puaso un o Karisito, sur a taro una kum tamon rop det in tasmani. A tastasman ra, i elar nama utna i sangnain wakak.

Epeses 3:12

Dat langolango sur dat in nan torom o God ma ka dat in ngara, uni dat tagun o Karisito ma dat nurnur uni.

Pilipai 1:6

A tasman mulusi lena, o God ra i turpas a wakak na pinapam un mot, in pam nanani, tuk ra in uropi, una bung ra o Karisito Iesu in nan pirso melet.

1 Tesalonaika 1:8

A wasiso anun a Labino ra mot upuaso i, i sa wan sarara, elar nama tinangis ina garamut, ra i wan bakbak. Awu sur tiro kut o Masedonia ma o Akaia, awu. A kum tamon rop det sa tasman anumot a nurnur un o God. Asau melet mo ra metul in watungi?