2 Korin 2:9 - Nupela Testamen long tokples Kandas

⁹ Una nung ara pas ra a tumusi torom mot, a lar mot kut nami, sur an tasmani lena, mot in mur anung a kum wasiso rop, o awu.

2 Korin 2:9 Σταυροειδείς Αναφορές

2 Korin 10:6

Met langlang mot sur mot in mur rop a wasiso anun o Karisito, ra numur met in waninar sur met in warkurai det ra det pitarngat.

2 Korin 2:3

Iri a kibino ra a tumtumus kut torom mot, sako ra an nan ut, an tupunuk un mot. Uni in wakak sur mot in ugasgas iau. A tasmani lena, ra an gas, mot kai dat in gas tomo.

2 Korin 2:4

A tumtumus torom mot nama tupunuk, ma in balang i maut doko ma a lurlur na matang i puku. Ka nemi sur an utupunuk mot, a nemi sur mot in tasmani lena, a nem doko mot.

2 Korin 2:8

I mo ra a saring mot, sur mot in upuaso melet anumot a marmaris toromi.

2 Korin 8:2

Det taramo a susut na mamaut, ikut anundet a gasgas i bukus. Ma una nundet a labino gasgas ma anundet a kinkinis na sibo, det gas ut sur det in etabor.

2 Korin 8:24

I mo ra mot in ese anumot a marmaris torom detul, sur a taro na lotu una kum tamon gisen det in tama lele a kibino ra met warango mot.

Pilipai 2:12

A kum wakak na paspasang, mot ser mur anung a wasiso una kum bung ra a kis tomo nam mot. I mo ra uniri, ra ka kis tomo nam mot, i wakak sur mot in muri ma mot in dekdek uni, sur mot in ser ese i una numot a nilaun lena, o God i sa ulaun pas mot. Mot in dekdek ma mot in neder ma mot in ngara sur mot in ese i lena o God i sa ulaun pas mot.

Pilipai 2:22

Ikut mot sa tasman tar a magiran o Timoti, ra i papam tomo nam iau una warawai nama Wakak na Wasiso elar nama nat ra i papam tomo nam o tamano.

2 Tesalonaika 3:14

Ra taio ke mur anumetul a wasiso una pas ri, mot in nuk ukai i. Gong mot lason tomo nami, sur in maimai una magirano.

Pilimon 1:21

Ra a tumus a pas ri, a tasman mulusi lena, un muri ut anung a sasaring torom ui, ma a tasmani kai lena un pam a utna in labo taun asau ra a saring ui suri.