2 Korin 13:7 - Nupela Testamen long tokples Kandas

⁷ Uniri, met wararing torom o God sur gong mot pam tu sakino. Ka met wararing lenra, sur a taro det in tama i lena, anumet a pinapam i wanpat mulus, awu. Met nemi sur mot in pami kut a utna ra i tokodos. Ra a taro det in nuki lena anumet a pinapam ke wanpat mulus, i wakak kut.

2 Korin 13:7 Σταυροειδείς Αναφορές

Matiu 6:13

Gong u ben met una ululam. Un ulaun met gusun a Tene Sakino.’

A Wakak na Wasiso un o Iesu Karisito o Jon i tumusi 17:15

Ka saring ui sur un rakon ru det gusun a rakrakon bual, awu. Ikut a saring ui sur un tamtamabat det gusun a Tene Sakino.

A Pas anun o Pol torom a taro Rom 1:28

I kai ri, ka det nuk pasi mo o God, det nuki lena, a etowo un o God i utna oros kut. I mo ra i madek tar det sur in laulau a nuknukin det, ma det pami mukut a kum utna ra ke sot sur din pami.

A Pas anun o Pol torom a taro Rom 12:17

Gong mot balu a laulau ino nama laulau ino. Mot in nuknuk wakak sur mot in pam a petutna ra a taro det in tama lele i lena i tokodos.

A Pas anun o Pol torom a taro Rom 13:13

Dat in muri mo a tokodos na petutna, elar nami ra dat laun una waspi. Gong dat sipak, ma dat longlong tuptupukus. Gong dat pam a kum petutna na pamuk, ma a kum utna na maimai. Gong dat taptapagol, ma gong dat nuknuk laulau.

A Pas anun o Pol torom a taro Rom 16:10

Mot in pitar anung a marmaris torom o Apelis, i ra di sa lar tari ma i upuaso i lena i a tene nurnur mulus un o Karisito. Mot in pitar anung a marmaris torom det ra tagun a rumu anun o Aristobulus.

1 Korin 11:19

Uni a taro na lotu det in taptapagol ut, sur din tama lele det ra det tokodos ma det kai ra det raro.

2 Korin 10:10

Uni a ramano taro det watungi lena, “Una nun a kum pas anun a wasiso i maut ma i dekdek, ikut ra i ut i kis tomo nam met, anun a wasiso i utna oros kut, ma ke maut.”

2 Korin 10:18

Uni osi ra i watung ulabo pasi ut, o naro ra awu sur i labo umatan a Labino, ikut osi ra a Labino i watung ulabo pasi, i ra i labo.

2 Korin 13:6

A nurnur lena mot in tasmani kai lena, o Karisito i kis un met.

2 Korin 13:8

Ka met in pam tu utna ra in turbat a lingmulusino, awu, met in muri kut.

2 Korin 13:9

Ra mot dekdek ma met kalako dekdeki met, met gas kut. Ma met wararing sur mot in tokodos una numot a nurnur.

2 Korin 6:4

Una numet a kum pinapam rop i ese i lena, met a kum tultul anun o God. Met tur dekdek ra met taramo a kum mamaut ma a kum ngunungut ma a kum ukadik.

2 Korin 8:21

I mo ra met dekdek sur met in pam asau ra i tokodos, awu sur umatan a Labino kut, umatan a taro utkai.

Pilipai 4:8

A kum tistising, a ururop na wasiso ri a tumusi torom mot: A nuknuki mot in kis una kum utna ri: asau ra i lingmulus, asau ra di urur uni, asau ra i tokodos, asau ra katu dur uni, asau ra i tamtama wakak ma asau ra a taro det watungi lena i wakak. Ra tu utna in wakak sakit, o ra tu utna di watung ulabo pasi, a nuknuki mot in kis uni.

1 Tesalonaika 5:23

Metul wararing sur o God ut, a God na malmal, in uwakak pas anumot a nilaun, sur mot in tokodos rop umatano. Metul wararing kai sur o God in tamtamabat a niomot, a nuknuki mot ma a pinimot, sur gong tu etakun in los mot una bung ra anundat a Labino o Iesu Karisito in milet uni.

1 Timoti 2:2

ma sur a kum king ma a kum mugumugu rop, sur dat in kis wowowon nama malmal, ma dat in mur a petutna ra i wakak umatan o God, ma dat in urur torom o God.

2 Timoti 2:15

Un pitar tar ui ut torom o God ma un dekdek sur ui a lingmulus na tene pinapam, ra o God in gas nami. A tene pinapam ra ke ser maimai una nun a pinapam, ma i palos kodos a lingmulus na wasiso.

2 Timoti 4:18

A Labino in ulaun iau gusun a kum sakino utna rop ra det nem na pami un iau, ma in ukis iau una nun a matanitu sapat una langit. Dat in watung ulabo pasi, ken rop ma ken rop. Amen.

Jems 1:12

O naro ra i tur dekdek una kum larlar, i dan. Uni, ra i winim pas a kum larlar ra di lar anun a nurnur nami, in rakon a kukup na nilaun tukum, ra o God i sa liliman taru sur in pitari tandet ra det nemi.

1 Pita 2:12

Mot in pam a wakak na petutna epotor tan a taro ra ka det nurnur, sur det ra det takun mot lena mot a kum tene pam sakino, det in tama anumot a kum wakak na pinapam, ma det in watung ulabo pas o God una bung ra in nanpat uni.