2 Korin 12:9 - Nupela Testamen long tokples Kandas

⁹ Ikut i watungi lenri tang, “Anung a marmaris torom ui sa sot, ma kon sibo sur tu utna gisen. Uni din tama pupuaso a dekdeking un ui ra kalako dekdekim.” I mo ra a gas doko sur an warango pas iau lena, kalako dekdeking, sur a dekdekin o Karisito in kis un iau.

2 Korin 12:9 Σταυροειδείς Αναφορές

Matiu 28:18

O Iesu i wan milau det, ma i watungi tandet lena, “O God i sa pitar rop tar a warkurai tang, sur an warkurai sur a kum utna rop sapat una langit ma nin kai upiso.

Matiu 28:20

Ma mot in ususer det sur det in mur a kum wasiso rop ra a sa watung tari tamot. Ma i lingmulus lena iau, an kis tomo nam mot tuk una ururop ina rakrakon bual.”

Luk 21:15

Uni iau ut, an unuk tar a wasiso ma a mananos kai una nuknuki mot, ra anumot a kum ebar rop, ka det in balu lar pasi, ma ka det in ipul ru i.

1 Korin 10:13

A kum ululam ra mot sa etorom tari, awu sur mot kut mot etoromi, awu, a susut na taro kai det etoromi. Ra o God ken madek ru mot sur tu ululam in nanpat torom mot, ra in labo taun a dekdeki mot. Ra tu ululam in nanpat, o God ut in waninar pas tu kisapi, sur mot in nan gisen gusuni ma mot in winim pasi. Ma asau ra o God i watungi in pam soti.

1 Korin 15:10

Ikut, o God i pitar tar a nilaun ri a laun nami, kibino ut una nun a marmaris. Ma ke urop oros tari kut anun a marmaris un iau, awu. A papam dekdek doko taun det rop. Ikut, awu sur iau ut a papam, a marmaris anun o God i papam tomo nam iau.

1 Korin 2:3

Ra a wanpat torom mot, katu dekdeking, a ngara ma a neneder doko.

1 Korin 2:5

sur anumot a nurnur un o Karisito ken kibino pas una mananos anun a taro, awu, una dekdekin o God ut.

2 Korin 11:30

Kan warango pas iau un tu utna gisen, an warango pas iau kut una kum utna ra i upuaso i lena, kalako dekdeking.

2 Korin 12:1

Ra an warango pas iau ut, anung a wasiso ke gas un tu utna, ikut an warango pas iau ut una ramano kum tamtama ma a kum ririon ra a Labino ut i sa utamtama tar iau uni.

2 Korin 12:10

I mo ra a gas doko ra kalako dekdeking, ma di watung laulau iau, ma a taramo a kum mamaut, ma a taro det ukadik iau, ma a taramo a dekdek na tupunuk, uni a nurnur un o Karisito. A gas, uni a tasmani lena, ra kalako dekdeking an dekdek.

2 Korin 12:15

A gas kut sur an pitar tar anung a kum utna rop, ma anung a nilaun kai, sur u warut mot. A nem doko mot, ma pepetlai, anumot a marmaris torom iau in natino kut?

2 Korin 12:5

An warango pas a musano ri, ikut, ra an warango iau, an warango pas iau una kum utna kut ra i upuaso i lena kalako dekdeking.

Epeses 3:16

Ma o God anun a ululeng i bukus nama minamar. Ra a wararing sur in tabor mot nama Niono, sur in udekdek a niomot,

Pilipai 4:13

A pet lar pas a kum utna rop kibino un o Karisito ra i udekdek iau.

Kolosi 1:11

Ra o God in udekdek mot nama dekdek rop, tagun a wakak na labino dekdekino, sur mot in kis wowowon ma mot in tur dekdek una kum maut rop ra mot taramo i. Ma mot in gas,

1 Timoti 1:14

Anundat a Labino i ese anun a labino marmaris torom iau, ra i pitar tar a nurnur ma a wakak na petutna torom iau. A etabor ri, i kibino un o Karisito Iesu.

Ibru 11:34

Det um doko a karangop na sungun, ma det laun sikot gusun a kum totok na inaim. Ka det dekdek, ikut o God i udekdek det, det los a dekdek una inaim ra det lu a kum taro na inaim anun a kum king.

Ibru 4:16

I mo ra dat in nan torom o God, anundat a King, a tene marmaris, ma gong dat ngara. Dat in nan toromi sur dat in utur ukai anun a marmaris, ra in warut dat una nundat a kum mamaut.