2 Korin 11:2 - Nupela Testamen long tokples Kandas

² A ngara doko un mot, elar nam o God i ngara un mot, sako mot in nan gisen gusun o Karisito. A sa ubek bat tar mot sur mot anun o Karisito, elar nama wakak na toraro ra kabaut i kis tomo nam tu musano.

2 Korin 11:2 Σταυροειδείς Αναφορές

A Wakak na Wasiso un o Iesu Karisito o Jon i tumusi 3:29

Tu musano ra i nolin nam tu ino, anun a ino ut ra. A pasan a musano ra i nolin, in tur ma in longoro suri. Ra in longoro in nalngano, in gas doko. Uniri, anung a gasgas i elar nam anun a gasgas, ra anung a gasgas i sot maragom.

A Pas anun o Pol torom a taro Rom 7:4

Lenkutkai ra torom mot, a kum tistising, ra o Karisito i mat, mot kai mot mat tomo nami. I mo ra mot kai mot langolango gusun a kum Warkurai, sur mot tagun ara gisen, o Karisito, i ra i sa katutur melet gusun a minat. Dat tagun o Karisito, sur dat in wu a windat sur o God in gas nami.

1 Korin 4:15

Kutiro ra anumot tu noino arip na tene tamtamabat, ra det tamtamabat anumot a nilaun un o Karisito, ikut kalako susut na tamtama mot. Un o Karisito Iesu, iau a tamamot, uni a los a Wakak na Wasiso torom mot.

2 Korin 4:14

Uni met tasmani lena o God, i ra i sa ukatutur melet pas a Labino o Iesu gusun a minat, lenkutkai ra in ukatutur melet pas met tomo nam o Iesu, ra in ben pas met tomo nam mot, sur dat in kis tomo nami umatan o God.

Galesia 4:11

A ngara doko sur mot, sako anung a pinapam torom mot in utna oros kut.

Pilipai 1:8

O God i tasmani lena, a nem doko i sur an tama mot rop, uni a nem doko mot nama marmaris anun o Karisito Iesu.

Kolosi 1:28

Met warawai un o Karisito torom a taro rop. Met utumarong det, ma met ususer det nama mananos rop, sur met in ben pas det rop torom o God, ma det in tokodos sakit, uni det tagun o Karisito.

1 Tesalonaika 2:11

Mot tasmani lena anumetul a petutna torom mot rop taktakai, i elar nama petutna ra ara musano i pami torom a kum nutnutunu.

Tamtama 14:4

Det ri, katu dur un det, uni ka det inep tomo nama wardain. Det ser mur a Barman na Sipsip una kum nubual ra i ser wan iai. O God i kul langolango pas det taginin epotor tan a taro una rakrakon bual, sur det in elar nama mugano wino ra di ser tabor o God ma a Barman na Sipsip nami.