2 Korin 10:8 - Nupela Testamen long tokples Kandas

⁸ Ra met ser warango pas met una numet a kinkinis na mugumugu ra a Labino i sa pitar tari tamet, ka met maimai. Uni i sa pitar tari, sur met in udekdek mot nami, ma awu sur sur met in ban laulau mot.

2 Korin 10:8 Σταυροειδείς Αναφορές

2 Korin 1:24

Awu sur met nem na warkurai sur a nurnur anumot. Met nemi kut sur met in papam tomo nam mot, sur mot in gas, uni mot sa tur dekdek una nurnur.

2 Korin 10:4

Uni a kum utna na inaim ra met waim nami, awu sur anun a rakrakon bual, awu. A kum dekdek na utna na inaim anun o God, ma det dekdek sakit sur met in rege a kum dekdek na woro nami anun a ebar.

2 Korin 10:9

Ka nemi sur an ungara mot nam anung a kum pas.

2 Korin 12:19

Pepetlai, mot nuki lena met wasiso bat met kut gusun mot? Awu. Met wasiso nama lingmulus umatan o God elar nama kum tultul anun o Karisito. A kum wakak na paspasa met, a kum utna rop ra met pami, met pami sur in warut mot.

2 Korin 12:6

Gunuk ra an warango pas iau una kum utna ri, ka longlong, uni a watungi ut a lingmulus. Ikut ka nem na wasiso bing una nung a kum tamtama, uni ka nemi sur taio in ulabo pas a nuknukino un iau, sako a nuknukino un iau ken elar nama utna ra a pami ma a watungi.

2 Korin 13:10

Iri a kibino ra a tumus a kum utna ri torom mot ra ka wanpat utmakai. Ra an nanpat, kan wasiso nama dekdek na wasiso torom mot, ma kan kuro mot nama warkurai ra a Labino i sa pitar tari tang. I pitar tari tang sur an udekdek mot nami, awu sur an ban laulau mot nami.

2 Korin 13:8

Ka met in pam tu utna ra in turbat a lingmulusino, awu, met in muri kut.

2 Korin 7:14

Ra ke wan utmakai, a warango mot toromi, ma ka mot ban umaimai iau. A kum utna ra met watungi tan o Taitus un mot i lingmulus, elar nam anumet a kum wasiso rop torom mot i lingmulus.

2 Korin 7:4

A nurnur un mot. Ma a warango doko mot. Anumot a nilaun i uragot iau. Anung a gasgas i bukus una numet a kum mamaut.

Galesia 1:1

Iau o Pol, a aposel, a tumus a pas ri torom mot. Katutaio taginin upiso i pilok pas iau sur an aposel, ma awu sur a taro kai det tulu iau sur an pam a pinapam ri. O Iesu Karisito ut ma o God o Tamano der tulu iau, o God ra i ukatutur melet pas o Iesu gusun a minat.

2 Timoti 1:12

Iri a kibino ra a taramo a ngunungut lenri. Ikut, ka maimai, uni a tasman o naro ra a nurnur uni, ma a tasman mulusi lena, in pet lar pasi sur in tamtamabat a pinapam, ra i sa pitar tari tang, tuk una bung na warkurai.