2 Korin 10:1 - Nupela Testamen long tokples Kandas

¹ A ramano taro det watungi lena, ra a kis torom mot, ka ser wasiso dekdek, ikut ra a kis gisen anung a wasiso i dekdek sakit. Iau, o Pol, a saring mot sur mot in longoro iau, uni o Karisito i unatino pasi, ma i papam nama wowowon na magirano torom a taro.

2 Korin 10:1 Σταυροειδείς Αναφορές

Matiu 11:29

Mot in los anung in nikip, ma mot in ususer tang, uni a magirang i wowowon ma a ser unatino pas iau. Mot in los in nikip ri sur a niomot in mana.

Matiu 21:5

“Mot in inanos a taro Saion lena, ‘Tama i, anumot a king i mo ra pat i wan nanan torom mot, i unatino pasi, ma i kas una dongki, a barman na dongki.’” Sek 9:9

Aposel 8:32

Iri a kum wasiso na Buk Tabu ra i luki: “Di beni elar nama sipsip, sur din um doko i. Ke wasiso, elar nama sipsip ra i tur wowowon torom o naro ra i kumuri.

A Pas anun o Pol torom a taro Rom 10:20

Ma o Aisaia kai i wasiso nama dekdek lenri, “A taro ra awu sur det sisio sur iau, det sa sio pas iau. Ma a sa upuaso tar iau torom a taro ra ka det iting sur iau.” Ais 65:1

A Pas anun o Pol torom a taro Rom 12:1

I mo ra a kum tistising, a saring mot sur mot in pitar tar a pinimot rop torom o God, uni o God i maris doko mot. Mot in pitari elar nama etabor ra i laun, ma katu dur uni, ma i elar nam anun a nemnem ut. I ra anumot a lotu mulus torom o God.

A Pas anun o Pol torom a taro Rom 15:15

Ikut, a tumus a pas ri torom mot, ma a wasiso dekdek una a ramano kum utna, sur mot in nuknuk melet uni. A tumtumus torom mot, uni o God i pitar anun a marmaris torom iau,

1 Korin 2:3

Ra a wanpat torom mot, katu dekdeking, a ngara ma a neneder doko.

1 Korin 4:10

A taro det nuki lena met a kum longlong uni met ser mur o Karisito. Ikut mot, mot nuki lena mot sa mananos rop una numot a nilaun un o Karisito. Met, ka met dekdek, ikut mot, mot nuki lena mot dekdek. Mot, di ulabo pas mot, ikut met, di tama pisopiso met.

1 Korin 4:21

Asau ra mot nemi? An nanpat torom mot namin kadas, o nama marmaris ma a wowowon na petutna?

2 Korin 10:10

Uni a ramano taro det watungi lena, “Una nun a kum pas anun a wasiso i maut ma i dekdek, ikut ra i ut i kis tomo nam met, anun a wasiso i utna oros kut, ma ke maut.”

2 Korin 10:2

Ra an nanpat torom mot, i topasi kut sur an ukodos mot nama kum dekdek na wasiso. Ikut ka nemi. Ara taro tagun mot det watungi lena, met muri kut a petutna tagun a rakrakon bual. Ra a saring det, sur det in mana gusun a ngas na wasiso ra, sur gong a wanpat nama kum dekdek na wasiso torom det.

2 Korin 10:7

Mot in tama wakak a kum utna! Ra taio i nuki lena, i anun o Karisito, i wakak sur in nuknuk wakak ma in tama lele i lena, met kai anun o Karisito.

2 Korin 11:21

A maimai doko ra an watungi lena, met ut kalako dekdeki met sur met in pam a kum petutna ri torom mot! A kum utna ra det warango pas det uni, iau kai, a pet lar pasi sur an warango pas iau ut uni. A wasiso elar nama longlong.

2 Korin 11:30

Kan warango pas iau un tu utna gisen, an warango pas iau kut una kum utna ra i upuaso i lena, kalako dekdeking.

2 Korin 12:5

An warango pas a musano ri, ikut, ra an warango iau, an warango pas iau una kum utna kut ra i upuaso i lena kalako dekdeking.

2 Korin 3:12

Ka met ngara sur met in wasiso puaso nama matok na kunubus, uni met nurnur lena, in kis tukum.

2 Korin 5:20

I mo ra met tur ukinalong o Karisito. Ra met wasiso, i elar nam o God ut i saring mot sur mot in emarom nami, ma met saring mot una risan o Karisito, sur mot in emarom nam o God.

2 Korin 6:1

Met papam tomo nam o God, ra met saring mot, sur gong mot ukio orosi kut a marmaris anun o God torom mot.

2 Korin 7:4

A nurnur un mot. Ma a warango doko mot. Anumot a nilaun i uragot iau. Anung a gasgas i bukus una numet a kum mamaut.

Galesia 4:13

Mot tasmani ut, a mugano dino ra a wanpat, ra a warawai nama Wakak na Wasiso torom mot, kibino kut uni a misait.

Galesia 5:2

Mot longoro iau! Iau, o Pol, a inanos mot una utna ri: Ra mot in mulaot pas a warkurai na tinotok talilis, a pinapam anun o Karisito in utna oros mukut torom mot.

Epeses 3:1

I mo ra iau o Pol, a wararing sur mot. Iau a karabus anun o Karisito Iesu, uni a papam torom mot ra awu sur a taro Juda.

Epeses 4:1

A kis una karabus uni a papam torom a Labino. Anung a dekdek na sasaring torom mot i lenri: Mot in laun elar nama nilaun ra o God i sa kabo pas mot suri.

Pilipai 4:5

Mot in ese puaso anumot a wowowon na petutna torom a taro rop. Milau mukut a Labino in nanpat.

Kolosi 1:23

Ra mot in dekdek nama nurnur, ma mot in tur dekdek uni, o God in pam a utna ri. Ma gong mot wan gisen gusun a kinkinis langlang nama nurnur sur a kum utna ra o God in pami, ra mot sa longoro tari una Wakak na Wasiso. A Wakak na Wasiso ra, di sa inanos taru nami torom a taro rop una rakrakon bual. Iau, o Pol, a wanpat a tultul tagun a Wakak na Wasiso.

2 Tesalonaika 3:17

Anung a wasiso na marmaris ri, iau ut o Pol, a tumusi torom mot, nama lamang. Iri a ukinalong in anung a kum pas rop. A ser tumtumus ut lenri.

Pilimon 1:19

Iau o Pol, iau ut a tumus a wasiso ri nama lamang: an balu asau ra torom ui. Kan watung tu utna tam, ui ut u sa tasman tari lena, a matok na nilaun ra u sa los pasi, i kibino ut un iau, ma i elar nama dinau torom ui.

Pilimon 1:9

Ikut, a saring wakak ui, uni a nem ui. Iau, o Pol, a sa takano, ma uniri a kis na karabus, uni a nurnur un o Karisito Iesu,

1 Pita 2:11

A kum wakak na paspasang, mot kis na usiro nin una rakrakon bual, awu sur anumot a tamon ri. I mo ra a saring mot, sur gong mot mur a kum sakino nemnem ina pinimot, ra det inaim nama niomot.

Tamtama 1:9

Iau o Jon, a tisimot ma a pasamot ra dat tur tomo una kum ngunungut, ma una matanitu anun o God ma una tuntunur dekdek ra dat taramo a ngunungut, uni dat anun o Iesu. A kis na karabus una ailan Patmos, uni a warawai nama wasiso anun o God ma nama wasiso talapor anun o Iesu.