1 Pita 2:4 - Nupela Testamen long tokples Kandas

⁴ Mot in nan torom a Labino, i a wat ra i laun. A taro det lakro ru tari, ikut o God i pilok pasi, ma i wakak doko umatano.

1 Pita 2:4 Σταυροειδείς Αναφορές

Matiu 11:28

“Mot rop ra pinimot i ngoro ma a kum mamaut i monong mot, mot in nan torom iau, sur an umana mot.

Matiu 12:18

“Iri anung a tultul ra a sa pilok pasi, anung a nat na wakak, a gas doko nami. An uruk tar a Niong uni, ra in upuaso a warkurai ra i tokodos torom a taro tagun a kum gapman.

Matiu 21:42

O Iesu i watungi tandet lena, “Pepetlai, ka mot luk a wasiso ri una Buk Tabu? I watungi lena, ‘A wat ra a kum tene pam rumu det lakro ru tari, i ut ra, i wanpat a wakak na wat ra i udekdek a rumu. A utna ri, a Labino ut i sa pam tari, ma i wakak sakit una numet a tamtama.’ Sng 118:22-23

A Wakak na Wasiso un o Iesu Karisito o Jon i tumusi 14:19

“Ken suano i kut, ra a taro tagun a rakrakon bual ka det in tama melet iau mo. Ikut mot, mot in tama iau. Ma mot in laun, uni a laun.

A Wakak na Wasiso un o Iesu Karisito o Jon i tumusi 14:6

O Iesu i balu i lena, “Iau a kisapi, ma iau a lingmulus, ma iau a nilaun. Kataio in nan torom o Tita un tu kisapi gisen, un iau kut.

A Wakak na Wasiso un o Iesu Karisito o Jon i tumusi 5:26

O God a kimkibin a nilaun. Ma lenkutkai ra i pitari torom o Nutunu sur i kai a kimkibin a nilaun.

A Wakak na Wasiso un o Iesu Karisito o Jon i tumusi 5:40

Ikut, mot a kum te Juda, ka mot nem na wan torom iau sur mot in los a nilaun.

A Wakak na Wasiso un o Iesu Karisito o Jon i tumusi 6:37

Det rop ra o Tita i pitar tar det tang, det in nan torom iau, ma osi ra in nan torom iau kan lu ru i.

A Wakak na Wasiso un o Iesu Karisito o Jon i tumusi 6:57

O Tita ra i laun, i tulu ru iau, ma i tabor iau nama nilaun. Lenkutkai ra torom osi ra i wan a pining, an tabori nama nilaun.

A Pas anun o Pol torom a taro Rom 5:10

Ra dat kis na ebar utmakai nam o God, i tulu ru o Nutunu sur in mat sur dat, sur dat in emarom melet nam o God. Ra dat kis na emarom nam o God, i lingmulus sakit, in ulaun pas dat, kibino una nilaun anun o Nutunu.

1 Korin 3:11

Uni o God i sa ukis tar o Iesu Karisito, i a kibin a rumu, ma ka din pam melet lar pas tu kibino gisen.

Kolosi 3:4

O Karisito i ra anumot a nilaun. Ra in nanpat, mot kai mot in nanpat puaso tomo nami una nun a minamar.

1 Pita 1:19

I kul langolango pas mot nama gapin o Karisito ra a matano i ka, i ra i elar nama barman na sipsip, ra kalako dur uni ma katu misait uni.

1 Pita 1:7

A kum mamaut ri det wanpat sur in talapor lena, anumot a nurnur i lingmulus. Di lar anumot a nurnur nama kum mamaut elar nami ra di tun talapor a gol una sungun. Ikut anumot a nurnur i labo doko taun a gol ra in rop kut. Ra anumot a nurnur i tur dekdek, o Iesu Karisito in rakon lekeleke pas mot, ma in ulabo pas mot, ma in pitar a urur torom mot una bung ra in nanpat puaso.

1 Pita 2:7

Torom mot ra mot nurnur, a wat ra i wakak, ikut torom det ra ka det nurnur, “A wat ra a kum tene pam rumu det lakro ru tari, i ut ra, i wanpat a wakak na wat ra i udekdek a rumu.” Sng 118:22

2 Pita 1:1

Iau o Saimon Pita, a tultul ma aposel anun o Iesu Karisito. A tumtumus torom mot, ra o God i sa tabor tar mot nama wakak na nurnur, elar nami ra i tabor met kai nami, kibino una tokodos na petutna anun o Iesu Karisito, i ra a God anundat, ma anundat a Tene Ulaun.

2 Pita 1:4

I tabor dat nama kum liliman ra i wakak doko ma i labo doko, kibino una nun a minamar ma a wakak na magirano. I sa liliman taru sur mot in pet lar pasi, sur mot in rakon a magiran o God ma anun a nilaun kai, ma sur mot in walip gusun a utna tagun a rakrakon bual ra in ban laulau mot, ra i ser wanpat tagun a kum laulau na nemnem.