1 Korin 7:18 - Nupela Testamen long tokples Kandas

¹⁸ Ra o God i sa kabo pas taio ra di sa tok talilis tar a pinino, madek ru i, in lenra. Ma ra o God i sa kabo pas taio ra ka di tok talilis a pinino, gong mo di tok talilisi.

1 Korin 7:18 Σταυροειδείς Αναφορές

Aposel 15:19

“I mo ra a nuknuking i lenri, gong dat pitar a mamaut torom a taro ra awu sur a taro Juda, ra det tupukus torom o God.

Aposel 15:24

Met sa longoro tari lena ara taro tagun met, det ulokolokor mot ra det watungi lena mot in mur a kum Warkurai rop anun o Moses, ma det utalara a nuknuki mot nami. Awu sur met ra met tulu det.

Aposel 15:28

A Tokodos na Nion i kis tomo nam met, ma i ese met sur gong met pitar tar tu mamaut torom mot. Iri a kum warkurai ra mot in muri:

Aposel 15:5

A ramano kum Parisi ra det nurnur un o Iesu, det katutur ra det watungi lena, “I tokodos ut sur din tok talilis a pinin a taro ra awu sur a taro Juda ra det nukpukus. Ma din ususer det, sur det in mur a Warkurai anun o Moses.”

Aposel 21:21

Det sa longoro a wasiso un ui lena, u ser ususer a taro Juda rop ra det kis nisan a taro ra awu sur a taro Juda, sur gong det mur a Warkurai anun o Moses. Det longoro i lena, u inanos det sur gong det tok talilis a pinin a kum nutnutun det, ma gong det mur a kum petutna anun a taro Juda.

Kolosi 3:11

Ra lenra, dat rop dat elar mukut: a taro Juda, a taro Grik, det ra di sa tok talilis tar det ma det ra ka di tok talilis det, ma a taro tagun osi na ngas na kabotaro, a kum tene ititula ma det kai ra ka det tene ititula. O Karisito ut i labo sakit, ma i kis un dat rop.