1 Korin 5:3 - Nupela Testamen long tokples Kandas

³ A lingmulus, una pining a kis gisen gusun mot, ikut una niong a kis tomo ut nam mot. Ma a sa pitar tar a warkurai un o naro ra i pam tar a sakino petutna ra, elar nami ra a kis tomo ut nam mot.

1 Korin 5:3 Σταυροειδείς Αναφορές

1 Korin 5:12

Sur asau ra an warkurai a taro, ra awu sur det tagun dat a taro na lotu? O God ut in warkurai det. Ikut in wakak sur mot in warkurai det ut, ra tagun dat a taro na lotu. Mot in pami elar nami ra di sa tumus tari una Buk Tabu lenri, “Mot in lakro ru a sakino musano gusun mot.” Lo 17:7

2 Korin 10:1

A ramano taro det watungi lena, ra a kis torom mot, ka ser wasiso dekdek, ikut ra a kis gisen anung a wasiso i dekdek sakit. Iau, o Pol, a saring mot sur mot in longoro iau, uni o Karisito i unatino pasi, ma i papam nama wowowon na magirano torom a taro.

2 Korin 10:11

I wakak sur det in tasmani lena, anumet a kum dekdek na wasiso ra det ser luki una numet a kum pas, ra ka met kis nisandet, met in pam sot pasi ut, ra met in nanpat tiro.

2 Korin 13:2

Una nung a manru na inawan pat torom mot, a sa utumarong tar mot una numot a kum sakino petutna. Ma uniri ra a kis gisen, an inanos melet mot ut una utna ri: Numur, ra an nanpat tiro, an wasiso dekdek torom det ra kabaut det nukpukus gusun anundet a kum sakino tagun numugu, ma osi kai ra i pam a sakino.

Kolosi 2:5

A lingmulus, a kis gisen gusun mot una pining, ikut una niong a kis tomo ut nam mot, ma a gas ra a tama i lena, mot warkurai kodos anumot a nilaun, ma mot tur dekdek una numot a nurnur un o Karisito.

1 Tesalonaika 2:17

A kum tistisi metul, ra a taro Juda det ukis sarara ru metul gusun mot, anundat a kinkinis sarara ke suano i. Dat kis sarara kut una pinindat, ikut una nuknuki metul, metul nuk mot ut. Metul nem doko i sur metul in tama mot, ra metul dekdek sur metul in pam sot pasi.