1 Korin 4:8 - Nupela Testamen long tokples Kandas

⁸ Kutiro mot sa utur ukai a kum utna rop ra mot nemi? Kutiro mot sa tene gongon? Mot nuki lena mot kis elar nama kum king, ma met awu. A nemi sur mot in kis na king mulus, sur met kai met in kis na king tomo nam mot. Ikut awu.

1 Korin 4:8 Σταυροειδείς Αναφορές

Matiu 5:1

O Iesu i tama pas a kunur na taro, ra i wan toto una tangai, ma i kis. Anun a taro na ususer det wan toromi.

Luk 6:25

In laulau torom mot ra uniri mot masur, uni numur mot in murak. In laulau torom mot ra uniri mot nongon, uni numur mot in tupunuk ma mot in tangis.

Aposel 26:29

O Pol i balu i lena, “Ra tu nat na du bunglik o tu walos na du bung, an wararing torom o God sur ui. Awu sur sur ui kut, sur mot rop kai ra mot longoro iau uniri, sur mot in nanpat a kum te Karisito elar nam iau, ikut gong di ker mot nama sen.”

A Pas anun o Pol torom a taro Rom 12:3

Una marmaris anun o God, a watungi torom mot rop lena: Gong mot nuk ulabo pas mot ut. Mot in nuknuk wakak un mot, elar ut nama nurnur ra o God i sa pitar tari torom mot.

1 Korin 1:5

Uni una numot a kinkinis tomo nam o Karisito, o God i udan mot nama kum utna rop. I udan mot una numot a wasiso rop ma numot a mananos rop.

1 Korin 4:18

Ara taro tagun mot det dat walos a lorindet, uni det nuki lena kan milet melet mo torom mot.

1 Korin 5:6

Ke wakak ra mot ulabo pas mot ut. Pepetlai, ka mot tasmani lena lakalik nat na is kut, in ulabo rop pas a palawa?

2 Korin 11:1

A nemi sur mot in longoro i munung anung a longlong na wasiso. A tasmani lena mot in longoro iau.

2 Korin 13:9

Ra mot dekdek ma met kalako dekdeki met, met gas kut. Ma met wararing sur mot in tokodos una numot a nurnur.

Galesia 6:3

Ra taio i nuki lena i labo, ikut ra ke labo, i ut i toro melet pasi.

Pilipai 1:27

Asau ra in nanpat, anumot a nilaun in mur sot pas a Wakak na Wasiso anun o Karisito. Ra an nan sur an tama mot, o ra an kis bakbak ma an longoro i kut a wasiso un mot, an tasmani lena, mot tur dekdek un ara nuknuk sot kut, ra mot papam tomo nam ara nuknuki mot kut sur a taro det in nurnur una Wakak na Wasiso,

Pilipai 2:12

A kum wakak na paspasang, mot ser mur anung a wasiso una kum bung ra a kis tomo nam mot. I mo ra uniri, ra ka kis tomo nam mot, i wakak sur mot in muri ma mot in dekdek uni, sur mot in ser ese i una numot a nilaun lena, o God i sa ulaun pas mot. Mot in dekdek ma mot in neder ma mot in ngara sur mot in ese i lena o God i sa ulaun pas mot.

Tamtama 3:17

Uni mot watungi lena, ‘Lingmulus, iau a tene gongon. A ubek tomo a susut na ululeng ma ka sibo sur tu utna.’ Ikut ka mot tama lele i lena, anumot a kinkinis ke wakak, mot pot na marmaris, mot sibo, mot pulu ma mot mengere.

Tamtama 5:10

U ubek tar det sur det in warkurai tomo nam ui una num a matanitu, ma sur det a kum tene etabor torom anundat a God, ma det in warkurai nin una rakrakon bual.”