1 Korin 4:7 - Nupela Testamen long tokples Kandas

⁷ Osi ra i watungi lena, ui u wakak taun tu pasandet? Asau anumi ra o God ke pitar tari tam? Ra o God i sa pitar tar a kum utna tam, ilai ra u warango pas ui nami?

1 Korin 4:7 Σταυροειδείς Αναφορές

Luk 19:13

Numugu tan anun a inawan, i kabo pas anun a noino tultul toromi, ra i pitar tar ara noino mani tandet, ra i watungi lena, ‘Mot in ulabo i, tuk ra an milet melet.’

A Wakak na Wasiso un o Iesu Karisito o Jon i tumusi 1:16

I bukus nama marmaris, ma gusun anun a labino marmaris i udan dat nama susut na wakak na utna ra i wanan pat torom dat.

A Wakak na Wasiso un o Iesu Karisito o Jon i tumusi 3:27

O Jon i watungi tandet lena, “Kataio in pam pas tu utna ra o God ke pitar tari tano.

A Pas anun o Pol torom a taro Rom 1:5

Un o Karisito ut, o God i maris met ma i pitar a pinapam na aposel torom met, sur met in ulabo pas a risan o Karisito, ma met in warawai torom a taro rop ra awu sur a taro Juda, sur det in nurnur ma det in mur anun a wasiso.

A Pas anun o Pol torom a taro Rom 12:3

Una marmaris anun o God, a watungi torom mot rop lena: Gong mot nuk ulabo pas mot ut. Mot in nuknuk wakak un mot, elar ut nama nurnur ra o God i sa pitar tari torom mot.

A Pas anun o Pol torom a taro Rom 12:6

Una marmaris anun o God i pitar tar a kum se etabor torom dat. Osi ra i pitar tar a etabor na wasiso na poropet toromi, i wakak sur in papam nami, elar nam anun a nurnur.

1 Korin 15:10

Ikut, o God i pitar tar a nilaun ri a laun nami, kibino ut una nun a marmaris. Ma ke urop oros tari kut anun a marmaris un iau, awu. A papam dekdek doko taun det rop. Ikut, awu sur iau ut a papam, a marmaris anun o God i papam tomo nam iau.

1 Korin 3:5

Osi ra o Apolos? Ma osi kai o Pol? Mir aru tultul kut anun o God, ra mot nurnur un o Karisito i kibino una numir a pinapam. Mir taktakai mir pam a pinapam ra a Labino i pitar tari torom mir.

1 Korin 5:6

Ke wakak ra mot ulabo pas mot ut. Pepetlai, ka mot tasmani lena lakalik nat na is kut, in ulabo rop pas a palawa?

1 Korin 7:7

A nemi sur a taro rop det in elar nam iau ra ka nolin. Ikut o God i pitar tar a kum etabor torom a taro rop taktakai. Ara i los ara ngas na etabor, ma ara kai i los a se etabor.

Jems 1:17

A kum wakak na etabor rop, ra det tokodos sakit, det wan pirso tagisapat una langit. Det wanpat tan o Tita, i ra i ukis in matanas, a kalang ma a kum nangnang. Ikut o Tita ke ser keles, ma ke pukpukus anun a ngasino elar namin matanas, ra in sisio pas una waspi ma una mirum awu.

1 Pita 4:10

O God i sa pitar tar a kum etabor torom mot taktakai tagun anun a kum wur ngas na etabor. Ra in wakak sur mot in papam wakak nami, sur mot in warut etetalai mot.