1 Korin 4:6 - Nupela Testamen long tokples Kandas

⁶ A kum tistising, a sa watung tar a kum wasiso ri un mir nam o Apolos, sur in warut mot ma in ususer mot, sur mot in talapor una kukurai ina wasiso ri: “Mot in muri kut a wasiso na Buk Tabu, ma gong mot ubek tar tu du wasiso kai.” Ra mot in muri lenra, katutaio tagun mot in ulabo pas ara, ma in unatino pas ara kai.

1 Korin 4:6 Σταυροειδείς Αναφορές

Aposel 18:24

Ara te Juda tagitong o Aleksanderia, a risano o Apolos, i wanpat tong o Epeses. I ara wakak na tene wasiso, ma i mananos doko una Buk Tabu.

Aposel 19:1

O Apolos i kis tiro o Korin, ra o Pol i usur a kisapi sa ubual, ra i wanpat tong o Epeses. Tiro iai i pastorom a ramano taro na ususer.

A Pas anun o Pol torom a taro Rom 12:3

Una marmaris anun o God, a watungi torom mot rop lena: Gong mot nuk ulabo pas mot ut. Mot in nuknuk wakak un mot, elar ut nama nurnur ra o God i sa pitar tari torom mot.

1 Korin 1:12

An palos a kukurai ina wasiso ri lena: Ara taro tagun mot det watungi lena, “A mur o Pol,” ara taro det watungi lena, “A mur o Apolos,” ara taro det watungi lena, “A mur o Pita,” ma ara taro kai det watungi lena, “A mur o Karisito.”

1 Korin 1:19

Uni o God i sa watung tari una Buk Tabu lenri, “An kamar ru a mananos anun a kum tene mananos, ma an upuku ru a wakak na nuknuk anundet ra det tastasman.” Ais 29:14

1 Korin 1:31

I mo ra dat in pami elar nami ra di sa tumus tari una Buk Tabu lena, “Osi ra i nemi sur in warango pasi, i wakak sur in warango pas a Labino.” Jer 9:24

1 Korin 13:4

Osi ra i lason una marmaris a pinino ke ser ngoro lakit torom taio, ma i ser pam a wakakino torom a taro. Ke ser nuknuk laulau sur a utna anun taio, ke ser warango pasi, ma ke ser dat walos in lorino.

1 Korin 3:19

Uni a mananos tagun a rakrakon bual ri, i a longlong na utna kut umatan o God. Elar nami ra di sa tumus tari una Buk Tabu lena, “I ser kun ukai pas a kum tene mananos nama nundet a mananos ut.” Jop 5:13

1 Korin 3:21

I mo ra gong taio i warango pas tu musano. Uni a kum utna rop anumot ut:

1 Korin 5:2

Ikut mot, mot dat walos a lorimot! Ilai ra ka mot tangis na maimai una petutna ra? Ma ilai ra ka mot rakon ru a musano ra gusun mot?

1 Korin 5:6

Ke wakak ra mot ulabo pas mot ut. Pepetlai, ka mot tasmani lena lakalik nat na is kut, in ulabo rop pas a palawa?

1 Korin 8:1

An inanos mot una kum utna na inangon ra di sa etabor taru nami torom a kum torotoro na god. Dat tasmani lena, dat rop dat sa mananos. A mananos i ser pam pat a petutna sur taio in dat walos in lorino, ikut a marmaris i ser pam pat a petutna sur taio in udekdek a taro.

1 Korin 9:23

A kum utna ri a pami sur a Wakak na Wasiso in lubung, sur in udan iau tomo nam det.

2 Korin 10:12

Ka met ser elaro met nam det ra det watungi lena, det labo sakit. Det elaro etetalai det melet ut. Ka det mananos!

2 Korin 10:15

Ma ka met warango pas met kai, un tu pinapam, ra a taro gisen det sa pam tari. Ikut met nurnur lena, ra anumot a nurnur in lubung, anumet a pinapam kai epotor tamot in lubung,

2 Korin 10:7

Mot in tama wakak a kum utna! Ra taio i nuki lena, i anun o Karisito, i wakak sur in nuknuk wakak ma in tama lele i lena, met kai anun o Karisito.

2 Korin 11:4

Uni mot gas sur mot in longoro taio ra i wanpat torom mot, ma i warawai un ara Iesu gisen, ma awu sur un o Iesu ra met warawai nami. Ma mot gas kut sur din tabor mot nam tu nion gisen, ra awu sur a Tokodos na Nion. Ma mot gas kut sur mot in longoro tu Wakak na Wasiso gisen, ra awu sur a Wakak na Wasiso ra mot sa nurnur uni.

2 Korin 12:19

Pepetlai, mot nuki lena met wasiso bat met kut gusun mot? Awu. Met wasiso nama lingmulus umatan o God elar nama kum tultul anun o Karisito. A kum wakak na paspasa met, a kum utna rop ra met pami, met pami sur in warut mot.

2 Korin 12:20

A ngara, sako ra an nanpat torom mot, kan tama torom a kum petutna ra a nemi sur an tama i. Ma mot kai, ka mot in gas una petutna ra an nanpat nami. A ngara, sako an etorom pas a ngas na kinkinis lenri: mot wasiso na engaras, mot nuknuk laulau, mot kankan, mot kis susuaro, mot emang, mot wasiso eno, mot ulabo pas mot ut, ma anumot a kinkinis i purpuruon.

2 Korin 12:6

Gunuk ra an warango pas iau una kum utna ri, ka longlong, uni a watungi ut a lingmulus. Ikut ka nem na wasiso bing una nung a kum tamtama, uni ka nemi sur taio in ulabo pas a nuknukino un iau, sako a nuknukino un iau ken elar nama utna ra a pami ma a watungi.

2 Korin 4:15

A kum mamaut ra met barato i, det wanpat sur in uwakak mot. Ra a marmaris anun o God i wan sarara torom a taro, a susut na taro det in watung wakak torom o God, ma det in watung ulabo pasi.

Kolosi 2:18

Ara taro det ser toro lena, det unatino pas det una nundet a ngas na lotu, ma det ser lotu torom a kum ensel, ma det ser wasiso una kum ririon ra det tama i. Gong mot madek tar det sur det in takun mot. Uni a ngas na musano ra, i uman labino kut nama nuknukino, ma a nuknukino i bukus nama kum laulau na nemnem ina pinino.

1 Tesalonaika 1:5

uni a Wakak na Wasiso ra metul upuaso i, awu sur i wanpat torom mot elar nama wasiso kut, awu. I wanpat tomo nama dekdek ma a Tokodos na Nion, ma mot longoro lele i ra mot pam ukai i una balamot. Ra metul laun nisamot, mot tasman wakak a magirametul, ra metul ser upuaso i sur in uwakak mot.

2 Timoti 2:10

I mo ra a taramo a kum ngunungut, ikut a tur dekdek ut, sur det ra o God i sa pilok pas det, det kai det in nurnur un o Karisito Iesu ma in ulaun pas det, ma det in los a minamar tukum.