1 Korin 4:10 - Nupela Testamen long tokples Kandas

¹⁰ A taro det nuki lena met a kum longlong uni met ser mur o Karisito. Ikut mot, mot nuki lena mot sa mananos rop una numot a nilaun un o Karisito. Met, ka met dekdek, ikut mot, mot nuki lena mot dekdek. Mot, di ulabo pas mot, ikut met, di tama pisopiso met.

1 Korin 4:10 Σταυροειδείς Αναφορές

Matiu 24:9

“Kura numur, din pitar mot sur din ban laulau mot, ma din um doko mot, ma a taro tagun a kum gapman rop det in nget mot, uni mot anungi.

Matiu 5:11

“Mot dan ra di watung laulau mot, ma di ban laulau mot, ma di watung a kum torotoro na wasiso un mot lena mot pam a kum sakino petutna, uni mot tagun iau.

Luk 10:16

“Osi ra in longoro mot, i longoro iau ut. Ma osi ra in rosumur gusun mot, i rosumur gusun iau utkai. Ma osi ra i rosumur gusun iau, i rosumur utkai gusun o naro ra i tulu ru iau urin.”

Luk 18:9

O Iesu i watung a wasiso elelar ri torom det ra det nurnur ut un det lena, det a kum tene tokodos, ma det tama pisopiso a taro rop.

Luk 6:22

Mot dan ra a taro det nget mot, o det pilok ru mot ma det watung laulau mot, ma det ban laulau a risamot, uni mot tagun a Nutun a Musano.

Aposel 17:18

A kum tene mananos tagun a etowo anun a taro Epikurian ma a taro Stoik det wasiso tomo nami. Ara taro det watungi lena, “Asau ri a tene wasiso oros ri i inanos dat nami?” Ma ara taro kai det watungi lena, “Kutiro, i inanos dat una kum matok na god tagun tu tamon gisen.” Det watungi lenri uni i warawai nama Wakak na Wasiso un o Iesu ma a nilaun melet gusun a minat.

Aposel 17:32

Ra det longoro a wasiso una nilaun melet gusun a minat, ara taro tagun det, det urongon laulau uni, ikut ara taro kai det watungi lena, “Met nemi sur un wasiso melet torom met una utna ri.”

Aposel 26:24

Ra kura utmakai i wasiso batbati, o Pestus i kukuk dekdek toromi lena, “Pol, u sa longlong. Anum a labino etowo i sa ban longlong pas ui.”

Aposel 9:16

Ma an inanosi lena, in taramo a susut na mamaut una risang.”

1 Korin 1:21

Uni, una mananos anun o God, i pami sur a taro una rakrakon bual ka det in pet lari sur det in tasman o God una mananos anundeti ut. A wasiso ra met warawai nami, a taro det nuki lena a longlong na wasiso, ikut, una wasiso ra, o God i gas sur in ulaun det ra det nurnur.

1 Korin 1:23

Ikut met, met warawai kut un o Karisito, i ra di sak wati unin nanai kutus. A warawai ri, a taro Juda det ngeti, ma torom det, i elar nama wat ra det puku taru uni, ma i elar kut nama longlong na wasiso torom a taro ra awu sur a taro Juda.

1 Korin 1:25

A mananos anun o God ra a taro det nuki lena a longlong na mananos kut, i ra i labo taun a mananos anun a taro. A dekdekin o God ra a taro det nuki lena ke dekdek, i ra i dekdek sakit taun a dekdekin a taro.

1 Korin 10:12

Ra taio i nuki lena i tur dekdek, in tumarong, sako in puku taru una sakino petutna.

1 Korin 2:14

Ikut, osi ra a Tokodos na Nion ke kis uni, ken utur ukai a kum etowo, ra i wanpat gusun a Nion o God. Uni a kum etowo ra, a kum longlong na utna kut toromi. Ma ken tasman lele a kum etowo, uni a Tokodos na Nion ke kis uni sur in utalapori toromi.

1 Korin 2:3

Ra a wanpat torom mot, katu dekdeking, a ngara ma a neneder doko.

1 Korin 3:18

Gong mot toro mot ut melet. Ra taio tagun mot i nuki lena i mananos nama ngas na mananos taginin una rakrakon bual, i wakak sur in longlong umatan a taro, sur in mananos mulus umatan o God.

1 Korin 3:2

A tabor mot kut nama polono sus, awu sur nama dekdek na utna na inangon, uni ka mot dekdek utmakai suri. Lingmulus, tuk uniri, ka mot dekdek utmakai.

1 Korin 4:8

Kutiro mot sa utur ukai a kum utna rop ra mot nemi? Kutiro mot sa tene gongon? Mot nuki lena mot kis elar nama kum king, ma met awu. A nemi sur mot in kis na king mulus, sur met kai met in kis na king tomo nam mot. Ikut awu.

2 Korin 10:10

Uni a ramano taro det watungi lena, “Una nun a kum pas anun a wasiso i maut ma i dekdek, ikut ra i ut i kis tomo nam met, anun a wasiso i utna oros kut, ma ke maut.”

2 Korin 11:19

Mot madek tari kut a kum longlong na taro sur det in ususer mot, uni mot mananos doko.

2 Korin 11:29

Ra taio tagun det, anun a nurnur i kis pirso, iau kai a pining in ngoro. Ra taio tandet di sa ben tari una sakino, in balang in sungun nami.

2 Korin 13:9

Ra mot dekdek ma met kalako dekdeki met, met gas kut. Ma met wararing sur mot in tokodos una numot a nurnur.

2 Korin 4:12

I mo ra a minat i papam un met, ikut a nilaun i papam un mot.

2 Korin 6:8

Ara taro det ru met, ma ara taro awu. Ara taro det watung laulau met, ma ara taro det watung ulabo pas met. Ara taro det nuki lena, met a kum tene torotoro, ikut met watung a lingmulusino.

1 Tesalonaika 4:8

I mo ra osi ra i rosumur gusun a etowo ri, awu sur i rosumur gusun a taro, awu. I rosumur ut gusun o God, i ra i tabor dat nama Niono, a Tokodos na Nion.

1 Pita 4:14

Ra di watung laulau mot uni mot tagun o Karisito, mot dan. Uni a Nion o God, a Nion na minamar, i kis tomo nam mot.