1 Korin 3:4 - Nupela Testamen long tokples Kandas

⁴ Ra taio i watungi lena, “A mur o Pol,” ma taio kai i watungi lena, “A mur o Apolos,” mot wasiso kut elar nama taro taginin una rakrakon bual.

1 Korin 3:4 Σταυροειδείς Αναφορές

1 Korin 1:12

An palos a kukurai ina wasiso ri lena: Ara taro tagun mot det watungi lena, “A mur o Pol,” ara taro det watungi lena, “A mur o Apolos,” ara taro det watungi lena, “A mur o Pita,” ma ara taro kai det watungi lena, “A mur o Karisito.”

1 Korin 3:3

Mot muri utmakai a kum petutna taginin una rakrakon bual. I talapor lena mot laun utmakai elar nama taro taginin una rakrakon bual, uni mot ser nuknuk laulau ma mot ser wasiso na kankan etetalai. Mot laun elar nam det ra ka det nurnur.

1 Korin 4:6

A kum tistising, a sa watung tar a kum wasiso ri un mir nam o Apolos, sur in warut mot ma in ususer mot, sur mot in talapor una kukurai ina wasiso ri: “Mot in muri kut a wasiso na Buk Tabu, ma gong mot ubek tar tu du wasiso kai.” Ra mot in muri lenra, katutaio tagun mot in ulabo pas ara, ma in unatino pas ara kai.

Galesia 1:11

A kum tistising, a nemi sur mot in tasmani lena a Wakak na Wasiso ra a warawai nami, awu sur a etowo ra tan a taro taginin upiso.