1 Korin 2:3 - Nupela Testamen long tokples Kandas

³ Ra a wanpat torom mot, katu dekdeking, a ngara ma a neneder doko.

1 Korin 2:3 Σταυροειδείς Αναφορές

Aposel 17:1

O Pol ma o Sailas der wan utong o Ampipolis ma o Apolonia, ra numur der wanpat tong o Tesalonaika. Tiro o Tesalonaika ara rumu na lotu anun a taro Juda kura iai.

Aposel 18:1

Ra i sa rop a kum utna ri, o Pol i wan tagitong o Atens utong o Korin.

Aposel 18:12

Una kilalo ra o Galio i mugumugu tagun a gapman tong una papor Akaia, a taro Juda det tur tomo sur det in um o Pol, ma det beni sur in tur una warkurai.

Aposel 18:6

Ikut a taro Juda det wasiso batbat o Pol ma det watung a kum sakino wasiso uni. Ra o Pol i tutupu anun in namalu, a ukinalong lena, in rosumur gusun det. Ma i watungi tandet lena, “Ra mot in iru una warkurai anun o God, i kibino un mot ut, ma iau, a langolango. Turpasi uniri, an nan mukut torom det ra awu sur a taro Juda.”

2 Korin 10:1

A ramano taro det watungi lena, ra a kis torom mot, ka ser wasiso dekdek, ikut ra a kis gisen anung a wasiso i dekdek sakit. Iau, o Pol, a saring mot sur mot in longoro iau, uni o Karisito i unatino pasi, ma i papam nama wowowon na magirano torom a taro.

2 Korin 10:10

Uni a ramano taro det watungi lena, “Una nun a kum pas anun a wasiso i maut ma i dekdek, ikut ra i ut i kis tomo nam met, anun a wasiso i utna oros kut, ma ke maut.”

2 Korin 13:4

I lingmulus, ra di sak wat o Karisito unin nanai kutus, katu dekdekino. Ikut una dekdekin o God, i laun melet. Lenkutkai ra kalako dekdeki met tomo nam o Karisito, ikut met laun tomo nami nama dekdekin o God, sur met in papam torom mot.

2 Korin 13:9

Ra mot dekdek ma met kalako dekdeki met, met gas kut. Ma met wararing sur mot in tokodos una numot a nurnur.

2 Korin 4:1

O God i maris met ra i pitar tar a pinapam ri tamet. Iri a kibino ra ka met tusako.

2 Korin 4:16

Iri a kibino ra ka met tusako. I kis pirso nanan a pinimet, ikut di umatok a niomet una kum bung rop.

2 Korin 6:4

Una numet a kum pinapam rop i ese i lena, met a kum tultul anun o God. Met tur dekdek ra met taramo a kum mamaut ma a kum ngunungut ma a kum ukadik.

2 Korin 7:15

O Taitus i gas doko un mot, ra i nuk pasi ra mot rop mot mur anun a wasiso ma mot gas pasi nama nginara.

2 Korin 7:5

Ra met wanpat tong una papor Masedonia, ka met mana lar pas. Met barato a susut na mamaut sakit una kum papori met. Met barato a wasiso na kankan anun a taro torom met, ma nin ubalamet met taramo a nginara.

Epeses 6:5

Mot a kum tene ititula, mot in mur a wasiso anun anumot a kum mugumugu taginin una rakrakon bual, ma mot in ngara ma mot in urur torom det. Mot in pami nama lingmulus unin balamot, elar nami ra mot mur a wasiso anun o Karisito.