1 Korin 2:15 - Nupela Testamen long tokples Kandas

¹⁵ Osi ra a Tokodos na Nion kura uni, in tasman lele a kum utna rop ra i wakak o ke wakak. Ikut, kataio in pet lar pasi sur in warkurai a musano ra Tokodos na Nion kura uni.

1 Korin 2:15 Σταυροειδείς Αναφορές

A Wakak na Wasiso un o Iesu Karisito o Jon i tumusi 7:17

Osi ra i nem na mur a nemnem anun o God, in tasmani lena anung a kum etowo i wan tagai. I wan tagisapat tan o God, o a nuknuking kut.

Aposel 16:3

O Pol i nemi sur detul in nan tomo. I ben pasi, ra i tok talilis a pinino, uni a kum te Juda ra kura una kum tamon ra, det tasmani lena o tamano, a te Grik.

1 Korin 14:37

Ra taio i nuki lena i ut a poropet, o a Tokodos na Nion kura uni, i wakak sur in tasmani lena asau ra a tumusi torom mot, a warkurai ut anun a Labino.

1 Korin 3:1

A kum tistising, numugu ka wasiso lar pas torom mot lenlar a taro ra a Tokodos na Nion i kis un det. A wasiso torom mot elar kut nami ra torom a taro taginin una rakrakon bual, ra mot a kum nat liklik utmakai una kinkinis tomo nam o Karisito.

1 Korin 4:5

I mo ra gong mot warkurai taio numugu tan a bung na warkurai. Mot in kis langlang tuk ra a Labino in nanpat. Ra i ut in utalapor a kum utna ra i parau una dumirum, ra in upuaso a nuknukin a taro. Ma una bung ra, o God in watung ulabo pas a taro, elar ut nama nundet a kum pinapam taktakai.

Galesia 6:1

A kum tistising, ra tu tene nurnur i puku una sakino, mot ra a Tokodos na Nion i mugu mot, mot in ukatutur melet pasi nama petutna na urur. Ikut mot in tumarong mot ut, sako mot bulung mot in puku un tu ululam.

Pilipai 1:10

Ra in lenra, mot in pet lari sur mot in tasman lele asau ra i wakak o ke wakak, sur a magiramot in tokodos umatan o God, ma katu etakun in los mot una bung ra o Karisito in nanpat.

Kolosi 1:9

Iri a kibino ra, ka mir mana nama niaring sur mot, turpasi una bung ra mir longoro a wasiso un mot. Mir ser saring o God, sur in ubukus mot nama mananos sur mot in talapor una nun a nemnem, ma in ubukus mot nama mananos ma a wakak na nuknuk rop, ra a Niono i tabor mot nami.

1 Tesalonaika 5:21

Mot in lar rop a kum wasiso ma a kum petutna. Mot in utur ukai a wakakino.

Ibru 5:14

Det ra det sa labo, det wan a dekdek na utna na inangon, uni det sa ulason det sur det in tama lele a wakak na petutna ma a sakino.

1 Jon 2:20

Ikut mot, o Karisito i pitar tar a Tokodos na Nion torom mot. Ma mot rop, mot sa tasman a lingmulusino, uni a Tokodos na Nion i sa towo tar mot nami.

1 Jon 4:1

A kum wakak na paspasang, gong mot nurnur oros un taio ra i watungi lena a Tokodos na Nion i pitar tar a wasiso toromi. I wakak sur mot in lari munung a kum nion, ra det tagun o God o awu. Uni, a susut na torotoro na poropet kuri det una rakrakon bual.