1 Korin 2:1 - Nupela Testamen long tokples Kandas

¹ A kum tistising, ra a wanpat torom mot nama wasiso talapor un o God, ka wasiso nama ngas na wasiso ra a ulabo pas iau nami, ma ka wasiso nama ngas na wasiso ra a kum tene mananos det ser wasiso nami.

1 Korin 2:1 Σταυροειδείς Αναφορές

Aposel 20:21

A warawai torom a taro rop, a taro Juda ma det ra awu sur a taro Juda kai, sur det in nukpukus torom o God ma det in nurnur una nundat a Labino o Iesu.

A Pas anun o Pol torom a taro Rom 16:18

A ngas na taro ra, awu sur det mur anundat a Labino o Karisito, awu. Det muri ut a nemnem ina pinindet. Det ser wasiso nama kum namnamin na wasiso ma a wasiso na ugasgas, sur det in usobor a taro ra ka det mananos wakak.

A Pas anun o Pol torom a taro Rom 16:25

O God i pet lar pasi sur in utur dekdek mot una nurnur, elar nam anun a Wakak na Wasiso ra a ser warawai nami, a Wakak na Wasiso un o Iesu Karisito. Tagitiro numugu utmakai, a Wakak na Wasiso ra i kis eno.

1 Korin 1:17

Uni o Karisito ke tulu iau sur an baptaiso, awu. I tulu iau sur an warawai nama Wakak na Wasiso. Ma awu sur an warawai nama wasiso na mananos anun a taro, surko in lakro ru a dekdekin in nanai kutus anun o Karisito ra in utna oros kut.

1 Korin 1:6

I pami lenra uni anumet a wasiso talapor un o Karisito, i sa wanpat talapor una numot a nilaun.

1 Korin 2:13

Met wasiso una kum etabor ri, ikut ka met wasiso nama kum wasiso na mananos anun a taro, awu. Met wasiso nama kum wasiso ra a Tokodos na Nion ut i ususer met nami. Met watung palos a kum etowo na nion torom a taro ra a Tokodos na Nion kura un det.

1 Korin 2:4

Ra a wasiso ma a warawai, ka wasiso nama wasiso na mananos anun a taro, ma ka wasiso nama ngas na wasiso ra in dat a nuknukin a taro, awu. A dekdekin a Tokodos na Nion i ulingmulus anung a wasiso,

1 Korin 2:7

A mananos ri met wasiso nami, i a mananos anun o God, a wasiso na pidik, ra numugu i kis eno. Una nun a mananos, i waninar tar a kisapi sur in pitar a minamar torom dat. I sa waninar tari numugu utmakai ra ke ukisi utmakai a rakrakon bual.

2 Korin 10:10

Uni a ramano taro det watungi lena, “Una nun a kum pas anun a wasiso i maut ma i dekdek, ikut ra i ut i kis tomo nam met, anun a wasiso i utna oros kut, ma ke maut.”

2 Korin 11:6

Surko mot nuki lena, ka ususer pas sur a tene warawai, ikut a tasmani ut a utna ra a warawai nami. Mot ut, mot talapor uni, uni una kum utna rop met pami torom mot, met upuaso a mananos rop ri.

2 Tesalonaika 1:10

A warkurai ri in nanpat una bung ra a Labino in nanpat sur din ulabo pasi kibino una nun a tokodos na taro, ma det rop ra det nurnur uni det in ru i. Mot kai tomo nam det, uni mot nurnur una numetul a wasiso talapor torom mot.

1 Timoti 1:11

A tokodos na etowo i kis una Wakak na Wasiso, ra o God i pitar tari tang sur an wasiso talapor nami. A Wakak na Wasiso ri, i wan tagisapat tan o God, a God na minamar ra i dan tukum.

2 Timoti 1:8

Gong u maimai sur un wasiso talapor una nundat a Labino, ma gong u maimai un iau, ra uniri a kis una karabus una risano. Ikut, un waninar sur ui kai, un taramo a ngunungut una Wakak na Wasiso tomo nam iau. Ra un taramo a ngunungut, o God ut in pitar a dekdek torom ui.

1 Jon 4:14

O Tamano i pitar ru o Nutunu sur in Tene Ulaun anun a rakrakon bual, ra met, met sa tama tari, ma met wasiso talapor uni.

Tamtama 1:2

O Jon i wasiso talapor una kum utna rop ra i sa tama tari. Iri a kum utna ra: a wasiso anun o God, ma a wasiso talapor anun o Iesu Karisito.

Tamtama 1:9

Iau o Jon, a tisimot ma a pasamot ra dat tur tomo una kum ngunungut, ma una matanitu anun o God ma una tuntunur dekdek ra dat taramo a ngunungut, uni dat anun o Iesu. A kis na karabus una ailan Patmos, uni a warawai nama wasiso anun o God ma nama wasiso talapor anun o Iesu.

Tamtama 19:10

Numur, a puku pirso nama urur nisan a ru kikino sur an lotu toromi. Ikut i watungi tang lena, “Gong! Iau kai, a tultul kut elar nam ui ma a kum tistisim ra det pam ukai a wasiso puaso anun o Iesu. Un lotu torom o God! Uni a wasiso puaso anun o Iesu, i ut ra i ukatutur a taro sur det in wasiso na poropet.”