1 Korin 15:52 - Nupela Testamen long tokples Kandas

⁵² Ra a ururop na tuwuru in tangis, o God in pukus senene lakit pas dat un ara pulumisis kut. Uni in tuwuru in tangis, o God in ukatutur melet pas a kum minat ma ka det in mat mo, ma o God in pukus senene pas dat.

1 Korin 15:52 Σταυροειδείς Αναφορές

Matiu 24:31

In tuwuru in tangis bing, ra a Nutun a Musano in tulu pirso anun a kum ensel, sur det in ben tomo anun a taro na pipilok tagun a wat na matmatano wuwu, tagun ara papor rakrakon bual tuk tong una ara papor rakrakon bual.

A Wakak na Wasiso un o Iesu Karisito o Jon i tumusi 5:25

A inanos mot nama lingmulus, a du bung in nanpat, ma iri i sa wanpat, ra a kum minat det in longoro in nalngan a Nutun o God, ma det ra det longoro i det in laun.

A Wakak na Wasiso un o Iesu Karisito o Jon i tumusi 5:28

Gong mot kisin una wasiso ri. A du bung in nanpat, ra det rop ra det inep una kum kulam na minat det in longoro in nalngano.

1 Korin 15:23

Ikut a inawan ina katkatutur melet i lenri: O Karisito a mugano musano ra i katutur melet gusun a minat, ma numur ra in nanpat melet, det ra anunu, det kai det in katutur melet gusun a minat.

1 Korin 15:42

I lenkutkai ra una katkatutur melet anun a kum minat. A pinindet ra di por det nami in mereseng kut, ikut ra in katutur melet, ken mereseng mo.

1 Korin 15:50

A kum tistising, a watungi tamot lena, a pinindat taginin upiso ken ruk una matanitu anun o God. A pinindat ra i ser mereseng kut, ken ruk una matanitu anun o God, uni a matanitu anun o God ken mereseng.

1 Tesalonaika 4:15

A wasiso ri ra metul watungi tamot, a wasiso ut anun a Labino. I lenri: Dat ra dat sa laun tuk una bung ra a Labino in nanpat melet, ka dat in mugu tandet ra det sa mat.

2 Pita 3:10

Ikut a bung anun a Labino in nanpat kisin elar nama tene wolong. A bakut in rorom nama labino rurung, ma a kum ukukis kusapat uni, det in laulau rop tan a labino sungun, ma a rakrakon bual ma a kum utna rop ra det kis uni, det in rorom rop.

Tamtama 8:13

Ra a tamtama, a longoro a manigulai ra i ro sapat una maino i kakabo namin labino walngano lena, “In laulau! In laulau! In laulau torom det ra det kis una rakrakon bual, kibino un asau ra milau in nanpat, ra a tulu ensel detul in wup anundetul a tulin tuwuru.”

Tamtama 8:2

Ra a tama a wonom mawit na ensel ra det ser tur numugu tan o God, ma di pitar tar a wonom mawit nin tuwuru tandet.