1 Korin 13:4 - Nupela Testamen long tokples Kandas

⁴ Osi ra i lason una marmaris a pinino ke ser ngoro lakit torom taio, ma i ser pam a wakakino torom a taro. Ke ser nuknuk laulau sur a utna anun taio, ke ser warango pasi, ma ke ser dat walos in lorino.

1 Korin 13:4 Σταυροειδείς Αναφορές

Matiu 27:18

I watungi lenri, uni i sa tasmani lena, a kum mugumugu anun a taro Juda, det pitar tar o Iesu toromi una sakino nuknukin det.

Aposel 7:9

“Ma a kum tumtubun dat ra, det nuknuk laulau un o Josep, a tisindet, ra det siuru ru i sur in papam na karabus tong o Ijip. Ikut o God i kis tomo ut nami,

A Pas anun o Pol torom a taro Rom 1:29

Det bukus nama kum wur ngas na sakino petutna rop ri: Det pam a sakino torom a taro, det nemnem sur a susut na ululeng, ma det nem na ban laulau a taro. Det bukus nama nuknuk laulau sur a utna anun taio, det um doko a taro, det engaras, det torotoro, ma det nget a taro. Det wasiso eno,

A Pas anun o Pol torom a taro Rom 13:13

Dat in muri mo a tokodos na petutna, elar nami ra dat laun una waspi. Gong dat sipak, ma dat longlong tuptupukus. Gong dat pam a kum petutna na pamuk, ma a kum utna na maimai. Gong dat taptapagol, ma gong dat nuknuk laulau.

1 Korin 3:3

Mot muri utmakai a kum petutna taginin una rakrakon bual. I talapor lena mot laun utmakai elar nama taro taginin una rakrakon bual, uni mot ser nuknuk laulau ma mot ser wasiso na kankan etetalai. Mot laun elar nam det ra ka det nurnur.

1 Korin 4:18

Ara taro tagun mot det dat walos a lorindet, uni det nuki lena kan milet melet mo torom mot.

1 Korin 4:6

A kum tistising, a sa watung tar a kum wasiso ri un mir nam o Apolos, sur in warut mot ma in ususer mot, sur mot in talapor una kukurai ina wasiso ri: “Mot in muri kut a wasiso na Buk Tabu, ma gong mot ubek tar tu du wasiso kai.” Ra mot in muri lenra, katutaio tagun mot in ulabo pas ara, ma in unatino pas ara kai.

1 Korin 5:2

Ikut mot, mot dat walos a lorimot! Ilai ra ka mot tangis na maimai una petutna ra? Ma ilai ra ka mot rakon ru a musano ra gusun mot?

1 Korin 8:1

An inanos mot una kum utna na inangon ra di sa etabor taru nami torom a kum torotoro na god. Dat tasmani lena, dat rop dat sa mananos. A mananos i ser pam pat a petutna sur taio in dat walos in lorino, ikut a marmaris i ser pam pat a petutna sur taio in udekdek a taro.

2 Korin 12:20

A ngara, sako ra an nanpat torom mot, kan tama torom a kum petutna ra a nemi sur an tama i. Ma mot kai, ka mot in gas una petutna ra an nanpat nami. A ngara, sako an etorom pas a ngas na kinkinis lenri: mot wasiso na engaras, mot nuknuk laulau, mot kankan, mot kis susuaro, mot emang, mot wasiso eno, mot ulabo pas mot ut, ma anumot a kinkinis i purpuruon.

2 Korin 6:6

Anumet a petutna katu dur uni, ma met papam nama mananos. A pinimet ke ser ngoro una taro, met pami kut a wakak na petutna torom det. Met papam nama warut anun a Tokodos na Nion, ma a marmaris mulus.

Galesia 5:26

Gong dat uman labino, gong dat ukatutur a balano sungun etetalai, ma gong dat nuknuk laulau etetalai sur tu utna anun taio.

Epeses 4:2

Mot in unatino pas mot, ma mot in kis na malmal. Mot in ese a wowowon na magiramot, ma mot in maris etetalai mot, ma gong mot balano sungun ra a ramano taro tagun mot det raro un lako kum utna.

Epeses 4:32

Ikut, mot in pam a wakakino ma mot in nem etetalai mot. Ma ra taio tagun mot i pam a sakino torom mot, mot in dumano ru i, elar nami ra o God i pami un mot un o Karisito.

Pilipai 1:15

A lingmulus, ara taro det warawai un o Karisito uni det nuknuk laulau un iau. Ma ara taro kai, det warawai uni det nem na turbat iau gusun anung a kinkinis na mugumugu. Ikut, ara taro det warawai nama wakak na nuknukin det.

Kolosi 1:11

Ra o God in udekdek mot nama dekdek rop, tagun a wakak na labino dekdekino, sur mot in kis wowowon ma mot in tur dekdek una kum maut rop ra mot taramo i. Ma mot in gas,

Kolosi 2:18

Ara taro det ser toro lena, det unatino pas det una nundet a ngas na lotu, ma det ser lotu torom a kum ensel, ma det ser wasiso una kum ririon ra det tama i. Gong mot madek tar det sur det in takun mot. Uni a ngas na musano ra, i uman labino kut nama nuknukino, ma a nuknukino i bukus nama kum laulau na nemnem ina pinino.

Kolosi 3:12

Mot a talapor na taro anun o God, ra i maris doko mot, ma i pilok pas mot. I mo ra, i wakak sur mot in emar nama kum petutna ri: mot in warut a taro, mot in pam a wakakino torom det, mot in unatino pas mot, mot in kis na malmal ma mot in ese a wowowon na magiramot.

1 Tesalonaika 5:14

A kum tistisi metul, metul saring mot sur mot in tumarong a kum tubunu wok na taro, mot in uragot det ra det ser ngara, mot in warut det ra ka det dekdek una nurnur, ma mot in ese a wowowon na petutna torom a taro rop.

1 Timoti 6:4

a ngas na musano ra, i ulabo pasi ut, ma ke tasman tu utna. Anun a laulau na nemnem sur a wasiso na engaras, ma a inaim na wasiso, i elar nama misait toromi. Anun a petutna ra, i pam pat a kum ngasino lenri: a nuknuk laulau sur a utna anun taio, a engaras, a emang, a nuknuk laulau torom a taro.

2 Timoti 2:25

Det ra ka det nem anun a etowo, in ukodos wowowon det, sako o God in mulaot pas det sur det in nukpukus, ma det in tasman a lingmulusino.

2 Timoti 3:10

Ui Timoti, u sa tasman rop anung a kum etowo, a magirang, a kum utna ra a ngara suri, anung a nurnur, anung a kinkinis wowowon, anung a marmaris, anung a tuntunur dekdek una kum ngunungut,

2 Timoti 4:2

Un warawai nama Wakak na Wasiso. Un dekdek uni, una kum bung ra a taro det nem na longoro ui, ma a kum bung ra ka det nemi. Un ukodos wakak a taro, un upuaso anundet a kum niraro torom det ma un uragot det. Un pam a kum utna ri nama wowowon na petutna torom det ma un ususer wakak det.

Taitus 3:3

Uni dat kai numugu, ka dat mananos, dat a kum tene pitarngat, dat wan raro, dat karabus una nundat a kum laulau na nemnem, ma a wur ngas na utna rop ra dat gas suri. Una nundat a kinkinis na nilaun dat pam a kum sakino, ma dat nuknuk laulau sur a utna anun taio, ma dat nget etetalai dat.

Jems 4:5

Pepetlai, mot nuki lena a Buk Tabu i wasiso oros kut? I watungi lena, “A Nion o God, ra o God i pitar tari tandat, i nem dat sur dat anunu ut.”

1 Pita 2:1

I mo ra mot in lakro ru a kum sakino petutna rop, a wasiso torotoro ma a nilaun na torotoro, a nuknuk laulau sur a utna anun taio, ma a wur ngas na wasiso laulau un taio.

1 Pita 3:8

Anung a kum ururop na wasiso torom mot rop i lenri, i wakak sur a nuknuki mot in takai kut. Ra taio tagun mot in los a maut, mot kai mot in losi tomo nami. Mot in nem etetalai mot elar ut ra mot nisnisino. Mot in lason una marmaris, ma mot in unatino pas mot.

1 Pita 4:8

Iri a utna ra i labo sakit taun a kum utna rop, mot in nem etetalai mot nama lingmulus, uni a marmaris i pulus bat a susut na sakino petutna.

2 Pita 1:7

Ma mot in palataun a petutna ra i wakak umatan o God, nama marmaris torom a kum tistisi mot una nurnur. Ma mot in palataun a marmaris ra, nama marmaris kai torom a taro rop.

1 Jon 4:11

A kum wakak na paspasang, o God i maris doko dat lenri, i wakak sur dat kai, dat in nem etetalai dat.