1 Korin 10:6 - Nupela Testamen long tokples Kandas

⁶ Ma a kum utna ri i wanpat sur in utumarong dat, sur gong a balandat i nemnem sur a kum sakino, elar nama balandet i nemnem suri.

1 Korin 10:6 Σταυροειδείς Αναφορές

A Pas anun o Pol torom a taro Rom 5:14

Ikut, tagun a kum kilalo anun o Adam tuk una kum kilalo anun o Moses, a taro rop det kis utuntudu ina dekdekin a minat. Ara taro ka det pam a ngas na sakino elar nam o Adam, ra i lakai a warkurai. Ikut, det utkai, det kis utuntudu ina dekdekin a minat. O Adam i a malalarin o naro ra in nanpat numur.

1 Korin 10:11

A kum utna ra, i wanpat un det, sur in utumarong dat. Ma di sa tumus tari sur a etowo torom dat, ra dat laun una kum ururop na bung ri.

Ibru 4:11

I mo ra dat in dekdek sur dat in ruk una tamon na mana ra, sur gong taio tandat i puku elar nama taro ra ka det mur a wasiso anun o God.

Ibru 9:24

Uni o Karisito ke ruk una nubual ra i Tabu Sakit, ra a taro det pami, awu. A nubual ra, a malalar kut tagun a nubual mulus ra i Tabu Sakit. I ruk usapat ut una langit ma uniri i ser tur umatan o God sur in warut dat.

1 Pita 3:21

In nolomom i tur ukinalong a baptais ra i ulaun mot uniri. Ka di baptaiso mot sur din rus ru a dur tagun a pinimot, awu. A baptais i elar nami ra mot pitar tar mot torom o God ma mot tasmani lena mot tokodos umatan o God. Ra i ulaun mot kibino una katutur melet anun o Iesu Karisito gusun a minat.

2 Pita 2:6

Ma i pitar a warkurai na minabalu una aru tamon, o Sodom ma o Gomora ra i tun ru der, ra der a kabo kubus mukut. I pami lenra sur a malalar ina sau ra kura numur in nanpat torom a taro ra det rosumur gusun o God.

A Pas anun o Jud 1:7

Lenkutkai ra torom o Sodom ma o Gomora, ma a kum tamon milau der. A taro tagitiro iai, det pam a petutna na pamuk, ma det pam a sakino petutna melet torom det ut a kum musano. Ra a kum tamon ra, det iru rop una sungun. Ma anundet a iniru i utumarong dat sur dat in tasmani lena, a labino sungun ra ken mat, i kis sur a kum tene sakino sur din tun det uni.