1 Korin 1:2 - Nupela Testamen long tokples Kandas

² torom mot a taro na lotu anun o God ra mot kis tiro o Korin. Mot ra o Karisito Iesu i gos talapor pas anumot a nilaun, ma i kabo pas mot sur mot a taro anun o God. Mot a taro anun o God tomo nama taro rop una kum tamon rop ra det lotu una risan anundat a Labino o Iesu Karisito, i ra a Labino anundet ma anundat kai.

1 Korin 1:2 Σταυροειδείς Αναφορές

Aposel 10:36

Mot tasmani lena, o God i sa pitar tar anun a wasiso torom a taro Israel. A wasiso ri, i a Wakak na Wasiso na malmal. A malmal epotor tan o God ma a taro, ra i kibino un o Iesu Karisito, i ra a Labino anun a taro rop.

Aposel 15:9

Anun a pinapam torom dat ma torom det ke senene. I ukodos det kai umatano uni det nurnur.

Aposel 18:1

Ra i sa rop a kum utna ri, o Pol i wan tagitong o Atens utong o Korin.

Aposel 22:16

Ra sau mo ra u kis pasi? Un tur, ma din baptaiso ui, ma una risano, un wararing sur din unus ru anum a kum sakino petutna.’

Aposel 26:18

Un utamtama det sur det in tupukus gusun a dumirum sur a talapor, ma gusun a dekdekin o Satan sur o God, sur din unus ru anundet a kum sakino petutna. Det in nurnur un iau, ma una nundet a nurnur, det in kis tomo nam det ra o God i sa pilok pas det sur anun a taro.’

Aposel 9:13

Ra o Ananias i balu i lena, “Labino, a sa longoro a susut na wasiso una musano ra, ma una kum laulau na utna ra i ser pami una num a taro sapat o Jerusalem.

Aposel 9:14

Ra a kum lamlabino tene etabor torom o God det sa mulaot tari, sur in dat det rop ra det lotu una risam. Ra uniri, i sa wanpat nin.”

Aposel 9:21

Det rop ra det longoro i, det kisin uni, ma det watungi lena, “Ai! A musano kut ri, ra i umum doko det ra det ser lotu torom o Iesu sapat o Jerusalem. Ra uniri, i wanpat bulung urin, sur in dat pas lako taro ra det ser lotu torom o Iesu, usapat torom a kum lamlabino tene etabor torom o God.”

A Pas anun o Pol torom a taro Rom 1:7

A tumtumus torom mot rop tiro o Rom, ra o God i maris mot, ma i kabo pas mot sur mot anun a taro. A marmaris ma a malmal tan o God a Tamandat ma a Labino o Iesu Karisito in kis tomo nam mot.

A Pas anun o Pol torom a taro Rom 10:12

Ke senene torom a taro Juda ma torom a taro gisen kai: Ara Labino kut anundat rop. Ma in watung udan a taro rop ra det wararing toromi.

A Pas anun o Pol torom a taro Rom 3:22

A kisapi ri tan o God, ma i lenri: A taro rop ra det nurnur kut un o Iesu Karisito, o God in watung det lena det tokodos. A taro Juda ma a taro gisen kai det elar kut.

A Pas anun o Pol torom a taro Rom 8:28

Ra dat tasmani lena, a kum utna rop ra i wanpat, o God i papam nami, sur a wakakino in nanpat torom det, ra det nem o God, ma i sa kabo pas det elar nama nuknukino.

1 Korin 1:30

O God ut i sa pam tar a kisapi sur mot in laun tomo nam o Karisito Iesu, ma i pitar tari sur i a kimkibin anundat a mananos. Un o Karisito, o God i watung dat lena dat tokodos umatano, ma dat anun a taro. Ma una pinapam anun o Karisito, o God i kul langolango pas dat gusun anundat a kum sakino petutna.

1 Korin 10:32

Gong mot pam tu utna ra in upuku taio tagun a taro Juda, o tagun a taro ra awu sur a taro Juda, o tagun a taro na lotu anun o God.

1 Korin 12:27

Mot ut a pinin o Karisito, ma mot rop taktakai a kum du pinino.

1 Korin 8:6

Ikut, dat tasmani lena ara God kut, a Tamandat, i ra a kibin a kum utna rop, ma i ra dat laun suri. Ma dat tasmani lena ara Labino kut, i o Iesu Karisito, i ra i ukis a kum utna rop, ma i pitar tar a nilaun torom dat.

2 Korin 1:1

Iau o Pol, a aposel anun o Karisito Iesu, una nemnem anun o God, mir nam o Timoti a tisindat, mir tumus a pas ri torom mot a taro na lotu anun o God tiro o Korin, ma torom a taro rop anun o God una papor Akaia.

2 Korin 4:5

Ka met ser wasiso un met ut, met wasiso puaso kut un o Iesu Karisito lena, i a Labino. Ma met anumot a kum tultul kut, kibino una itula anun o Iesu.

Galesia 1:2

A kum tistising rop ra met kis tomo nin, det mulaot tomo nam iau sur an tumus a pas ri torom mot, a kum tene nurnur rop tiro una papor Galesia.

Epeses 5:26

sur det anun a taro mulus. Ma i rus talapor det nama danim ma anun a wasiso.

1 Tesalonaika 1:1

Iau o Pol, o Sailas, ma o Timoti, metul tumtumus torom mot a taro na lotu tong o Tesalonaika, mot ra mot laun un o God a Tamandat ma a Labino o Iesu Karisito. A marmaris ma a malmal torom mot.

1 Tesalonaika 4:7

Uni, o God ke kabo pas dat sur a dur na petutna, i kabo pas dat sur dat in mur a tokodos na nilaun.

2 Tesalonaika 1:1

Iau o Pol, o Sailas ma o Timoti, metul tumtumus torom mot a taro na lotu tong o Tesalonaika, mot ra mot laun un o God a Tamandat ma a Labino o Iesu Karisito.

1 Timoti 2:8

A nemi sur a kum musano una kum tamon det in wararing ma det in tulsu a kum lamandet usapat netes, det in pitar tar det torom o God, ma gong det kankan ma gong det engaras.

1 Timoti 3:15

Ra kan nanpat lakit, u sa tasman a kum ngas na petutna ra a taro anun o God det in pami epotor tandet. A taro na lotu anun o God, ra i laun, det elar nama pos ma a kibin a rumu ra i udekdek a lingmulusino.

2 Timoti 1:9

I ut i sa ulaun pas dat, ma i kabo pas dat sur a nilaun ra katu dur uni. Awu sur i kibino una nundat a kum wakak na pinapam, awu. I kibino ut una nun a nemnem, ma anun a marmaris, ra i pitar tari torom dat un o Karisito Iesu. Numugu utmakai, ra ke ukisi utmakai a rakrakon bual, i maris mugu dat.

2 Timoti 2:19

Ikut, o God i sa ubek tar a kibin a nurnur ra ken tugunu, ma di sa tumus tar a wasiso uni lena, “A Labino i tasman det ra anunu.” Nam 16:5 Ma di sa tumus tari kai lena, “I ra i watungi lena i anun a Labino, in nan gisen gusun a sakino petutna.”

2 Timoti 2:22

Un nan gisen gusun a kum nuknuk na barman, ma un mur a tokodos na petutna, ma a nurnur, ma a marmaris ma a malmal, tomo nam det ra det ser wararing torom a Labino nama tokodos na nuknukin det.

Ibru 10:10

O Iesu Karisito i mur sot pas a nemnem anun o God ra i pitar tar a pinino ut, sur a etabor torom o God. I pitar tari ara dino kut ma ken pam meleti mo. Ra anun a etabor ra i gos talapor pas dat umatan o God.

Ibru 13:12

Lenkaira o Iesu i taramo a ngunungut ma i mat nago upiso tan a matansako ina labino tamon, sur in gos talapor a taro nama gapino ut, sur det a taro anun o God.

Ibru 2:11

O Iesu tomo nama taro ra i rus talapor pas det gusun anundet a kum sakino petutna, det ara Tamandet kut. Iri a kibino ra o Iesu ke maimai sur in watung det, a kum tistisino.

A Pas anun o Jud 1:1

Iau o Jud, a tultul anun o Iesu Karisito ma a tisin o Jems. A tumus a pas ri torom mot ra o God a Tamandat i sa kabo pas mot, ma i maris mot, ma mot kis una tamtamabat anun o Iesu Karisito.

Tamtama 19:16

Ma una nun in namalu ma una balangot na kikino di sa tumus tar a risano lenri, a king anun a kum king ma a labino anun a kum lamlabino.