1 Korin 1:12 - Nupela Testamen long tokples Kandas

¹² An palos a kukurai ina wasiso ri lena: Ara taro tagun mot det watungi lena, “A mur o Pol,” ara taro det watungi lena, “A mur o Apolos,” ara taro det watungi lena, “A mur o Pita,” ma ara taro kai det watungi lena, “A mur o Karisito.”

1 Korin 1:12 Σταυροειδείς Αναφορές

Matiu 23:8

“Ikut, gong di watung mot a kum tene ususer, uni ara Tene Ususer sot kut anumot. Ma mot, mot nisnisino.

A Wakak na Wasiso un o Iesu Karisito o Jon i tumusi 1:42

O Endru i ben pas o Saimon torom o Iesu. O Iesu i tama i, ra i watungi tano lena, “Ui o Saimon, a nutun o Jon, din watung ui nam o Kepas.” (Una wasiso Grik di watungi nam o Pita, a kukuraino a wat.)

Aposel 18:24

Ara te Juda tagitong o Aleksanderia, a risano o Apolos, i wanpat tong o Epeses. I ara wakak na tene wasiso, ma i mananos doko una Buk Tabu.

Aposel 19:1

O Apolos i kis tiro o Korin, ra o Pol i usur a kisapi sa ubual, ra i wanpat tong o Epeses. Tiro iai i pastorom a ramano taro na ususer.

1 Korin 1:11

A kum tistising, ara taro ra det kis una rumu anun o Kloe, det inanos iau lena mot ser engaras etetalai.

1 Korin 15:5

Ra i wanpat torom o Pita, ma numur torom a noino ma aru aposel.

1 Korin 15:50

A kum tistising, a watungi tamot lena, a pinindat taginin upiso ken ruk una matanitu anun o God. A pinindat ra i ser mereseng kut, ken ruk una matanitu anun o God, uni a matanitu anun o God ken mereseng.

1 Korin 16:12

A nemi sur an inanos mot una tisindat o Apolos. A saring dekdeki sur in nan tomo nama kum tistisin dat torom mot, ikut ke nem na wan utmakai. Numur ra tu kisapi in papos toromi, in nan ut.

1 Korin 4:6

A kum tistising, a sa watung tar a kum wasiso ri un mir nam o Apolos, sur in warut mot ma in ususer mot, sur mot in talapor una kukurai ina wasiso ri: “Mot in muri kut a wasiso na Buk Tabu, ma gong mot ubek tar tu du wasiso kai.” Ra mot in muri lenra, katutaio tagun mot in ulabo pas ara, ma in unatino pas ara kai.

1 Korin 7:29

A kum tistising, a watungi lenri, a du bung i sa milau. Turpasi uniri, a kum musano ra det nolin, det in laun lari ra ka det nolin.

1 Korin 9:5

A kum aposel, ma a kum tistisin a Labino, ma o Pita det ser ben tuptupukus anundet a kum ino ra det nurnur. I tokodos ut sur mir nam o Banabas kai mir in pami lenra.

2 Korin 10:7

Mot in tama wakak a kum utna! Ra taio i nuki lena, i anun o Karisito, i wakak sur in nuknuk wakak ma in tama lele i lena, met kai anun o Karisito.

2 Korin 9:6

Mot in nuk pasi, osi ra i marut a lilik, in pasong pasi utkai a lilik. Ma osi ra i marut a susut, in pasong pasi utkai a susut.

Galesia 2:9

O Jems, o Pita ma o Jon, ra a taro det watung detul nama tulu mugumugu, detul tama i ra o God i tabor iau nama marmaris, ma detul mulaot pas mir nam o Banabas sur mir in papam. Detul mulaot sur mir in nan torom a taro ra awu sur a taro Juda, ma detul, detul in nan torom a taro Juda. Ra detul gas pas mir ra met sikan, uni met ara kut una pinapam.

Galesia 3:17

Iri a kukurai ina nung a wasiso: O God i uliliman mugu taru torom o Abaram, nama kum utna ra in pam sot pasi ut. A kum Warkurai, ra det wanpat a wat na mar ma tulu noino kilalo numur, ka det pukus lar pas a liliman anun o God torom o Abaram.