1 Jon 4:9 - Nupela Testamen long tokples Kandas

⁹ O God i ese anun a marmaris torom dat, ra i tulu ru o Nutunu, ara sot kut, urin una rakrakon bual, sur in pitar a nilaun torom dat.

1 Jon 4:9 Σταυροειδείς Αναφορές

A Wakak na Wasiso un o Iesu Karisito o Mak i tumusi 12:6

Ara sot mukut i kis toromi, o nutunulik ut, a nat na wakak. I tulu ru i bulung torom det, uni i nuki lena det in urur uni.

Luk 4:18

“A Nion a Labino i kis un iau, uni i sa pilok pas iau sur an warawai nama wakak na wasiso torom a kum sibo na taro. I tulu ru iau sur an warawai lenri, din palos ru det ra di sa ker ukai tar det, din utamtama melet a kum pulu, din ulangolango ru det ra det taramo a mamaut ra di sa pam tari un det,

A Wakak na Wasiso un o Iesu Karisito o Jon i tumusi 10:10

A tene wolong i ruk kut sur in wolong, ma in um doko a kum sipsip ma in ban laulau det. Ikut iau, a wanpat sur det in utur ukai a nilaun, a nilaun ra i bukus nama wakakino.

A Wakak na Wasiso un o Iesu Karisito o Jon i tumusi 14:6

O Iesu i balu i lena, “Iau a kisapi, ma iau a lingmulus, ma iau a nilaun. Kataio in nan torom o Tita un tu kisapi gisen, un iau kut.

A Wakak na Wasiso un o Iesu Karisito o Jon i tumusi 3:16

“O God i maris a rakrakon bual, ra i pitar tar o Nutunu ara sot kut, sur osi ra in nurnur uni, in laun tukum ma ken iru.

A Wakak na Wasiso un o Iesu Karisito o Jon i tumusi 3:18

Osi ra i nurnur uni, ka din pitar a warkurai na minabalu toromi. Ikut, osi ra ke nurnur, i sa tur una dekdek na warkurai na minabalu uni ke nurnur un ara Nutun o God sot kut.

A Wakak na Wasiso un o Iesu Karisito o Jon i tumusi 5:23

sur a taro rop det in ru o Nutunu elar nami ra det ru o Tamano. Osi ra ke ru o Nutunu ke ru i kai o Tamano, i ra i tulu ru i urin.

A Wakak na Wasiso un o Iesu Karisito o Jon i tumusi 6:29

O Iesu i balu det lena, “Iri a pinapam anun o God, ra mot in nurnur un o naro ra di tulu ru i urin.”

A Wakak na Wasiso un o Iesu Karisito o Jon i tumusi 6:51

Iau ut a beret ra i laun, ra i wan pirso tagisapat una langit. Osi ra in nangon tagun a beret ri, in laun tukum. A lingmulus, a beret ra an etabor nami, i a pining. A pitari sur a taro una rakrakon bual det in laun nami.”

A Wakak na Wasiso un o Iesu Karisito o Jon i tumusi 6:57

O Tita ra i laun, i tulu ru iau, ma i tabor iau nama nilaun. Lenkutkai ra torom osi ra i wan a pining, an tabori nama nilaun.

A Wakak na Wasiso un o Iesu Karisito o Jon i tumusi 8:29

I ra i tulu ru iau, i kis tomo nam iau, ma ke ser wan gusun iau, uni a ser pam a kum utna ra i gas nami.”

A Wakak na Wasiso un o Iesu Karisito o Jon i tumusi 8:42

O Iesu i watungi tandet lena, “Ra gunuk mot tamano mulus nam o God, mot in nem iau, uni a wan tagisapat tan o God, ra uniri a kis nin. Ka wanpat urin una nung a nemnem, i ut i tulu ru iau.

A Wakak na Wasiso un o Iesu Karisito o Jon i tumusi 9:3

O Iesu i balu det lena, “A musano ri ke pam tar tu sakino petutna, o tamano ma o nano kai awu. I pulu kut sur a taro det in tama a dekdekin o God uni.

A Pas anun o Pol torom a taro Rom 8:32

O God ke maris bat o Nutunu, awu. I pitar tari kut sur in mat sur dat rop. Ra i pitar tar o Nutunu sur in mat sur dat, in pitar orosi utkai a kum wakak na utna rop torom dat.

Ibru 1:5

Uni o God awu sur i watungi torom tu ensel lenri, “Ui a Nutung, ma uniri a sa wanpat o Tamam.” Sng 2:7 ma awu sur i watungi kai un tu ensel lena, “Iau o Tamano, ma i a Nutung.” 2 Sml 7:14

1 Jon 3:16

Dat in tasman a marmaris mulus lenri: O Iesu Karisito i pitar anun a nilaun ma i mat sur dat. I wakak sur dat kai, dat in pitar anundat a nilaun ma dat in mat sur a kum tistisin dat.

1 Jon 4:10

A marmaris i lenri: O God ut i maris mugu dat. Awu sur dat, dat maris mugu o God, awu. O God i maris dat, ra i pitar ru o Nutunu sur in mat ra in ulangolango pas dat gusun anundat a kum sakino petutna ma in urop ru a kankan anun o God gusun dat.

1 Jon 4:16

I mo ra dat ut, dat tasman a marmaris anun o God torom dat ma dat nurnur uni. O God, i a kimkibin a marmaris. Osi ra i tasman a marmaris, i laun un o God, ma o God i laun uni.

1 Jon 5:11

Anun a wasiso talapor i lenri: O God i sa pitar tar a nilaun tukum torom dat, ma a nilaun ra, kura un o Nutunu.

1 Jon 5:13

A kum utna ri a tumusi torom mot, ra mot nurnur una risan a Nutun o God, sur mot in tasmani lena, mot sa utur ukai a nilaun tukum.