1 Jon 4:1 - Nupela Testamen long tokples Kandas

¹ A kum wakak na paspasang, gong mot nurnur oros un taio ra i watungi lena a Tokodos na Nion i pitar tar a wasiso toromi. I wakak sur mot in lari munung a kum nion, ra det tagun o God o awu. Uni, a susut na torotoro na poropet kuri det una rakrakon bual.

1 Jon 4:1 Σταυροειδείς Αναφορές

A Wakak na Wasiso un o Iesu Karisito o Mak i tumusi 13:21

“Una kum bung ra, ra taio in watungi torom mot lena, ‘Tama i, a Karisito kuri i,’ o ‘Kurong i,’ gong mot nurnur.

Luk 12:57

“Ilai ra mot ut ka mot tamtama wakak sur asau ra i tokodos?

Luk 21:8

I balu det lena, “Mot in tumarong, sako din toro pas mot. Uni a susut det in nanpat nama risang, ma det in warango det lena, ‘Iau a Karisito,’ ma lena, ‘A du bung i sa milau.’ Gong mot mur det.

Aposel 17:11

Det ri det wakak tandet tong o Tesalonaika, uni det rakon a wasiso ri nama gasgas, ma det luk wakak a kum wasiso tagun a Buk Tabu una kum bung rop, sur det in tama a wasiso anun o Pol, ra i lingmulus o awu.

Aposel 20:29

A tasmani lena, ra an nan gusun mot, lako taro elar nama kum lomlom na pap ra det ngalngalia, det in ruk torom mot, ma det in ban laulau a kum sipsip.

1 Korin 12:10

Ma i tabor ara kai nama dekdek sur in pam a kum utna na ukisin, ma ara kai nama wasiso na poropet. Ma i tabor ara kai nama mananos sur in tasman lele a Tokodos na Nion ma a kum nion gisen kai, ma ara kai nama mananos sur in wasiso nama wur ngas na wasiso, ma ara kai nama mananos sur in palos a kukurai ina wur ngas na wasiso.

1 Korin 14:29

Lako ru o lako tul, detul in wasiso na poropet, ra a taro det in nuknuk wakak una nundetul a wasiso ra i lingmulus o awu.

1 Tesalonaika 5:20

Gong mot nuk penpen una kum wasiso na poropet.

1 Tesalonaika 5:21

Mot in lar rop a kum wasiso ma a kum petutna. Mot in utur ukai a wakakino.

2 Tesalonaika 2:2

gong a nuknuki mot i talara lakit ma i lokolokor ra mot longoro i lena, a bung anun a Labino i sa wanpat. Ra tu wasiso na poropet, o tu inarang, o tu pas in wasiso lenra, ma din watungi kai lena taginin tametul, gong mot nurnur uni.

1 Timoti 4:1

A Tokodos na Nion i watung puaso i lena, una kum ururop na bung, lako taro det in nan gisen gusun a lingmulus na nurnur, ma det in mur a kum nion ra det ser torotoro, ma det in mur a kum etowo anun a kum laulau na nion.

2 Timoti 3:13

A sakino taro ma a kum tene torotoro det in laulau, ma det in laulau sakit. Det in toro a taro, ma det in toro pas det utkai.

2 Pita 2:1

Numugu a kum torotoro na poropet det kis epotor tan a taro Israel. Lenkutkai ra a kum torotoro na tene ususer det in nanpat epotor ut tagun mot. Det in uruk eno anundet a kum torotoro na etowo ra in ban laulau a nurnur, ra det in ipul ru a Labino ra i sa kul pas det. I mo ra aiapiap kut, det in los a iniru.

1 Jon 2:18

A kum nutnutung, uniri dat kis una kum ururop na bung. Mot sa longoro tari lena a ebar anun o Karisito in nanpat, ma uniri a susut na ebar ra, det sa wanpat. Iri dat sa tasmani lena a ururop na bung i sa milau.

1 Jon 2:7

A kum wakak na paspasang, awu sur a matok na warkurai ri a tumusi torom mot, a turaino, a warkurai kut ra mot sa longoro tari tagun numugu utmakai.

2 Jon 1:7

A susut na tene torotoro det sa wan sarara nin una rakrakon bual. Det ipul kut lena, o Iesu Karisito awu sur i wanpat a musano mulus. A ngas na musano ra, i a tene torotoro, ma a ebar anun o Karisito.

3 Jon 1:11

A wakak na pasang, gong u tamtama ususer una sakino petutna, un muri kut a wakakino. Osi ra i pam a wakakino, i anun o God, ma osi ra i pam a sakino, ke tasman o God.

Tamtama 2:2

A tasman anumot a kum pinapam ma anumot a kum dekdek na pinapam, ma anumot a tuntunur dekdek ra mot taramo a ngunungut. A tasmani lena ka mot madek tar a kum sakino taro. Ma mot sa lar tar det ra det warango det lena, det a kum aposel, ikut awu sur det a kum aposel mulus, ma mot sa tama lele tar det lena, a kum tene torotoro.