Romans 15:1 - Kobon

¹ Hon nɨbi bɨ Krais nɨp nɨŋ ud pɨdöŋ gɨ mɨdpun gau, hanɨp ke aij gɨnab adö u nɨŋun gagun.

Romans 15:1 Σταυροειδείς Αναφορές

Romans 14:1

Nɨbi bɨ rɨmnap Krais Jisas nɨp nɨŋ udpal u pen nɨŋ ud pɨdöŋ gagöm, gasɨ mɨhöŋgöl nɨŋbal gau, “Kalɨp udun hag amɨl apɨl gɨno, gasɨ nɨŋ aij göl,” a gɨmim, hag gagmim; kale Jisas Krais nɨp nɨŋ udpal u, nɨbi bɨ hon, a gɨmim, ud aij gɨmim.

Romans 14:2

Hon nɨŋbun, nɨbi bɨ rɨmnap Krais Jisas nɨp nɨŋ ud mɨdöm, nan gau abönamö ñɨŋbal; pen nɨbi bɨ rɨmnap, Krais Jisas nɨp gasɨ adö adö nöp nɨŋ udöm, nɨp aij gagnab, a göm, kaj wal wayöŋ nan gau hil göm, yɨharɨŋ nan magö haɫɨ nöp ñɨŋbal.

Romans 4:20

God nɨpe Ebraham nɨp manö kƚö nɨŋö haga u, Ebraham gasɨ mɨhöp nɨŋaga; nɨpe böŋ nöp nɨŋ uda. God Bɨ pɨdöŋ halö, manö kƚö nɨŋö haga rö nöp gɨnab, a göm, God manö haga u nɨŋ udöl gɨ mɨdeia rö, gasɨ magö nɨpe u pɨdöŋ rɨmnap halö udöm, nɨpe God manö haga u ud pɨdöŋ yabɨƚ göm, God hib nɨpe u hagö adö ara.

1 Korid 4:10

Krais nɨp nɨŋ udun wög nɨp gɨno, hanɨp bɨ hauƚ a göm nɨŋbal u, pen kalöp nɨŋöm, Krais nɨbi bɨ nɨpe gasɨ kƚö nɨŋeb gau, a göm nɨŋbal. Hon bɨ yɨharɨŋ hain u, pen kale nɨbi bɨ kal yabɨƚ. Hon bɨ hib mɨdöp bɨ u rö wasö, pen kale nɨbi bɨ hib mɨdöp u rö mɨdpim.

1 Korid 9:22

Nɨbi bɨ Krais nɨŋ ud pɨdöŋ gagal aŋ u amem, Krais manö u hag ñɨnö nɨŋ udlaŋ a gem, manö kal manö kƚö wasö, manö hain nöp hag ñɨmɨdin. Anɨb u, nɨbi bɨ ke ke mɨdpal rö, rɨmnap Krais nɨp nɨŋ udlö, kalɨp ud kamɨŋ yunɨm a gem, kalɨp aip mɨdem, kale gɨmɨdal rö nöp gɨmɨdin.

2 Korid 12:10

Yad kƚö mɨdagöp; yɨp hag jubal; yad nan rɨk döp; yɨp gɨ naij gɨpal; yad uɫham mɨdpin. Pen Krais lau adö mɨdpin rö, yɨp aigöl aigöl gɨnaböl u, mɨñ mɨñ nöp gɨnabin. Pen yad ke kƚö mɨdagöp u nɨŋ mɨdeinabin u, God nɨpe gö, kƚö nɨpe udem kƚö göl gɨ mɨdeinabin.

Epesas 6:10

Manö hag naböŋ junɨg gabin i nɨŋ aij gɨmim. Bɨ Kub nɨp cɨg gɨpe, nɨpe kƚö nɨpe kalöp ñɨnɨm.

Pilipai 2:4

Hon nöp mɨd aij gun a gɨmim gasɨ u nɨŋagmim; nɨbi bɨ rɨmnap u rö nöp mɨd aij gɨlaŋ a gɨmim gasɨ u nɨŋmim.

1 Desalonaika 5:14

Añ mam bɨ nɨŋim. Nɨbi bɨ wög gagöm mɨd aij gagpal gau kalɨp manö kƚö hagmim. Nɨbi bɨ mög gö gasɨ mɨlö lɨ mɨdpal gau kalɨp manö hain hagmim hag ñɨ aij gɨmim. Nɨbi bɨ hain gau kalɨp gɨ ñɨmim. Nɨbi bɨ gau magöŋhalö kalɨp pör nöp manö hain hagmim agamɨj mɨdaimim.

2 Dimodi 2:1

Pen ñɨ yad Dimodi. Ne Krais Jisas nɨp hain geinabön u, nɨpe nöp mög nɨŋöm ud aij gɨnab. Anɨb u, ne gasɨ añɨ nöp nɨŋmön, kƚö gɨ mɨdaimön.

1 Jon 2:14

Kale bɨ majö gau, Jisas Krais hadame dagol gau mɨdöm uri mɨdöp u, nɨp hadö nɨŋbim u me, yad kalöp bɨ majö manö anɨbi kalɨ kƚiñ rɨkabin. Kale bɨ praj gau, God Manö kamɨŋ u mɨdmagö aŋ kale daŋ kamɨŋ mɨdö, kale kƚö gɨmim, Seden, Bɨ Naij Yabɨƚ u, nɨp ma kale mo gau hadö lɨbim u me, yad kalöp bɨ praj manö anɨbi kalɨ kƚiñ rɨkabin.