Mark 7:11 - Kobon

¹¹ Pen kale manö adö anɨbu kabö göl hag ñagpim. Bɨ ap, ami bapi arö gɨnabin, a gɨnab u, kalɨp hagnab, ‘Ami bapi, yad nan aij rɨmnap kalpe mɨhöŋ ñɨbnep pen mani kalpe mɨhöŋ ñeb mani u, uri yad God nɨp ñɨnabin, a gɨpin u me, mani kalpe mɨhöŋ ñeb ap mɨdagöp,’ a gɨnab.

Mark 7:11 Σταυροειδείς Αναφορές

Madyu 15:5

Pen kale manö anɨbu kabö göl hag ñagpim. Bɨ ap, ami bapi arö gɨnabin a gɨnab u, kalɨp hagnab, ‘Ami bapi, yad nan aij rɨmnap kalpe mɨhöŋ ñɨbnep pen mani kalpe mɨhöŋ ñeb mani u, uri yad God nɨp ñɨnabin a gɨpin, nɨŋöm mani kalpe mɨhöŋ ñeb ap mɨdagöp,’ a gɨnab. Anɨg gɨlö, kale nɨŋmim hagpim, ‘Kale anɨg gɨpal u, manö mɨdagöp,’ a gɨpim. Anɨg hagpim u, ‘God Manö hagabun,’ a gɨpim u pen kale piral yabɨƚ hagmim, kale ke hagpim rö gagpim. Kale manö anɨbu rö nɨbi bɨ gau kalɨp hag ñɨbim u, God manö hagep bɨ ne Aisaia nɨpe bɨ kalöp rö nöp gasɨ nɨŋöm, manö nɨŋö yabɨƚ ap kalɨ kƚiñ rɨka. Manö anɨbu kalɨ kƚiñ rɨköm haga,

Madyu 23:18

Manö ap u rö nöp, nɨbi bɨ gau kalɨp manö pir almim hagpim, ‘Hon, “God kabö bɨd nɨpe mɨdöp rö nɨŋö hagabun,” a gɨnabun u, manö nɨŋö hagnabun u nan yɨharɨŋ; hainö gasɨ ap nɨŋun, arö gun, a gɨnabun u, arö gɨnabun. Pen, nan God kabö bɨd adö au God nɨp pak sabe gɨ ñɨbal gau, hib anɨbu hagöl gɨ, “Nɨŋö hagabun,” a gɨnabun u, hainö gasɨ ke ap nɨŋun ke gun rö lagnab; hagnabun rö nöp gɨnabun,’ a gɨpim.

Madyu 27:6

Bɨ God nɨp nan sabe gep bɨ kub gau, mani anɨbu udöm hagla, “Mani anɨbi, bɨ al pak lun, a gun, mumug gɨno u me, God nɨp ñun rö lagöp,” a gɨla.

Mark 7:12

Anɨg gɨlö, kale nɨŋmim hagnabim, ‘Kale anɨg gɨpal u, manö mɨdagöp,’ a gɨnabim. Anɨg hagpe, kale God manö haga u arö göm, nan aij rɨmnap nɨme nap kalɨp ñagnaböl.