Mark 14:3 - Kobon

³ Jisas ram rɨƚɨg agƚö Bedani amöm, Saimon ram u am asɨköm, nan ñɨŋeila. Bɨ Saimon anɨbu, nöd wös hapeb la u, Jisas gö, kamɨŋ la. Pen nan ñɨŋlö nɨŋöl gɨ, nɨbi ap wel haƚɨŋ aij auep mani kub raubal u, barol halö dapöm, aŋ au pa jö göm, Jisas nɨp nabɨc adö laŋ hoŋ ga.

Mark 14:3 Σταυροειδείς Αναφορές

Madyu 21:17

Anɨg hagöm, kalɨp arö göm, am ram rɨƚɨg agƚö Bedani hana.

Madyu 25:17

Bɨ du dausan udnab u, u rö nöp, mani anɨbu udöm, sɨkim gɨ dam amɨl apɨl göm, mani sinɨŋ du dausan udnab.

Mark 14:2

Pen gasɨ ap nɨŋöm hagla, “Pasopa ñɨn i anɨg gɨno, nɨbi bɨ iru nöp gai i uraköm, pen pen göm, hanɨp gɨ naij gɨnaböl,” a göm, arö gɨla.

Mark 14:4

Hoŋ gö, bɨ mɨdeila anɨb gau, rɨmnap nɨŋlö, hibur kalɨp u naij gö, kale ke hagla, “Wel anɨbu sɨkim göm, mɨ añɨ ap bɨ ap wög göm mani udnab rö u udöm me, nɨbi bɨ nan mɨdagöp gau kalɨp ñeb u pen nɨhön gɨnɨg anɨg göl yɨharɨŋ hoŋ göp?” ö gɨla. Anɨg hagöm, nɨbi anɨbu nɨp hag jula.

John 11:2

Maria me, Jisas nɨp ma kɨd nɨpe u wel hoŋ gɨ ñöm, umagö nɨpe ud ƚɨk gɨ yua nɨbi anɨbu. Nɨmam nɨpe Lasaras nan ga.