Madyu 13:35 - Kobon

³⁵ Ga anɨbu, bɨ God manö hagep ap nöd gɨnab a göm kalɨ kƚiñ rɨka rö nöp ga. Nɨpe manö anɨbu kalɨ kƚiñ rɨköm haga, “Ram mɨnöŋ hadame dagol gɨ la ñɨn u rɨköm, mɨd damöm mɨñi mɨdpun ñɨn i, manö nɨŋagla u, manö hod rɨkep manö u nöp kalɨp hag ñɨnabin,” a ga.

Madyu 13:35 Σταυροειδείς Αναφορές

Madyu 13:14

“Gɨpal anɨbu, bɨ God manö hagep Aisaia nöd gɨnab a göm kalɨ kƚiñ rɨka rö nöp gɨpal. Manö anɨbu kalɨ kƚiñ rɨköm haga, ‘Manö nɨŋnaböl u pen manö hagöp anɨg a göm nɨŋagnaböl. Amgö nɨŋnaböl u pen nan ap nɨŋagnaböl.

Madyu 25:34

Nɨpe Kiŋ kub u me, nɨbi bɨ ñɨmagö yɨjɨg böŋ lau kalɨp hagnab, ‘Bapi kalöp ud aij göp u me, mɨñ mɨñ gɨmim. Nɨpe ram mɨnöŋ hadame dagol gau gɨ la ñɨn u, ka kalöp u gɨ la. Apim, ka aij anɨbu udim.

Madyu 5:2

Jisas nɨpe kalɨp hag ñöl gɨ haga,

Luke 10:14

Manö kub nɨŋnaböl ñɨn u, Daia Saidon nɨbi bɨ gau ilön pro rö udnaböl; pen kale Korasin nɨbi bɨ gau abe, kale Bedsaida nɨbi bɨ gau abe ilön kub yabɨƚ udnabim.

John 17:24

“Bapi! Yɨp aij göp u, nɨbi bɨ yɨp ñɨban gau, am yad mɨdeinabin au aip mɨdöm, mɨnöŋ naböŋ gɨ laglo ñɨn u, yɨp mɨdmagö lɨmön mailö aij unbö ke yɨp ñɨna u nɨŋöl.

Aposɨl 15:18

Nan nɨhön nɨhön hainö gɨnab u, yad Bɨ Kub hadame dagol gau hag lɨnö u me, anɨg hagabin,” a ga,’ a gɨla,” a ga.

1 Korid 2:7

Pen yad kalɨp manö hag ñɨmɨdin anɨbu, God gasɨ kɨd hiɨk nɨŋeb manö pi göl mɨdmɨdöp u hag ñɨmɨdin. Gasɨ kɨd hiɨk nɨŋeb manö anɨbu hadame dagol gau ram mɨnöŋ gɨ laga ñɨn u nöp pi göl mɨdmɨdöp. God nɨpe hadame dagol gau ram mɨnöŋ gɨ laga ñɨn u nöp, Krais Jisas aip mailö halö mɨdeinaböl a göm, gasɨ kɨd hiɨk nɨŋeb manö aij anɨbu hag lö, mɨlö padö yabɨƚ pi göl mɨdmɨdöp. Yad gasɨ kɨd hiɨk nɨŋeb manö anɨbu nöp kalɨp hag ñɨmɨdin.

Epesas 3:5

God Ana nɨpe hanɨp bɨ Jisas manö aij ud arep bɨ nɨpe ke gau abe, bɨ God manö hagep bɨ nɨpe ke gau abe waiö hagöm gasɨ ñö, manö nɨbi bɨ nöd nɨŋagmɨdal u nɨŋbun.

Epesas 3:9

Pen God nɨpe ram mɨnöŋ iƚ i mɨdöp nan gau, nan kumi kabö adö laŋ mɨdöp nan gau magöŋhalö gɨ la u, nɨpe ke nöp gö manö anɨbu pi göl mɨdmɨdöp. Pen uri God yɨp hag lö, yad manö pi göl mɨdmɨdöp anɨbu nɨbi bɨ magöŋhalö gau kalɨp waiö hag ñabin.

Hibru 1:1

Nöd God nɨpe apɨs bac hon Juda nɨbi bɨ gau kalɨp manö hagnɨg, bɨ manö hagep nɨpe gau adan ke ke gasɨ ñö, kale nɨŋöm hag ñɨmɨdal.

Repelesin 13:8

Nɨbi bɨ mɨnöŋ naböŋ adö iƚ i gau gau magöŋhalö rö, nan hapeb anɨbu hib nɨpe haglö adö arnab. Pen nɨbi bɨ au, ram mɨnöŋ hadame dagol gau gɨ laga ñɨn u, God nɨbi bɨ pör kamɨŋ nöp mɨdeinaböl buk anɨb yaŋ hib kale kalɨ kƚiñ rɨka gau nöp, nan hapeb anɨbu hib nɨpe haglö adö aragnab. Buk anɨbu, Sipsip Pi al pak lɨlö uma u buk nɨpe me u.

Repelesin 17:8

Nan hapeb nɨŋabön anɨbu, nöd mɨdmɨdöp, mɨñi mɨdagöp, pen söl mɨdöp, nɨpe uƚöm mɨgan mauɨñ juaga yaŋ nɨbö auö, God gö böŋ nöp ur gɨnab. God ram mɨnöŋ hadame dagol gau gɨ laga ñɨn u, nɨbi bɨ mɨnöŋ naböŋ adö iƚ i udnabin a göm nɨŋa gau, hib kale kalɨ kƚiñ rɨka buk nɨpe yaŋ. Pen nɨbi bɨ hib kale kalɨ kƚiñ rɨkaga gau, nan hapeb anɨbu kauyaŋ mɨdnab u nɨŋöm, aiö yabɨƚ gɨnaböl. Nɨhön gɨnɨg: nɨpe nöd mɨdmɨdöp, mɨñi mɨdagöp, pen hainö kuöyaŋ mɨdeinab.