Madyu 11:3 - Kobon

³ nɨp hag nɨŋöm hagla, “Hanɨp hag ñɨmön, ne bɨ ‘Krais’ a gun pör abad mɨdpun u nöp auban, aka hon bɨ hain nɨbö anɨbu ke abad mɨdaiun?” ö gɨla.

Madyu 11:3 Σταυροειδείς Αναφορές

Madyu 11:10

Jon nɨp gasɨ nɨŋöm, hadame nöp God nɨpe Ñɨ nɨpe nɨp manö haga manö anɨbu, God Manö yaŋ kalɨ kƚiñ rɨköm hagla, ‘Bɨ manö hagep yad u, hag yunö nöd amöm, nɨbi bɨ gau hag ñɨ aij gö, hainö ne ke arnabön,’ a göm kalɨ kƚiñ rɨkla.

Madyu 11:4

Hageila, Jisas kalɨp haga, “Kale Jon mɨdöp au ammim hagmim, ‘Hon amun amgö hon ke nɨŋun, rɨmɨd hon ke nɨŋbun,

Madyu 21:5

“Jerusalem nɨbi bɨ kalɨp hagmim, ‘Kiŋ kale bɨ hain u, kaj donki adö u asɨköm, kalöp auab. Nɨpe kaj donki pi adö u asɨköm auab,’ a gɨmim,” a ga.

Madyu 21:9

Nɨbi bɨ gau Jisas nɨp bɨg gɨgabö göl amöl gɨ meg magö dap ranöm hagla, “Nɨŋim! Depid rɨkö, rɨk damöm rɨköp u, auöp i. Nɨp aij a gabun! Bɨ Kub nɨp yuö auöp bɨ anɨbi me, nɨp aij a gabun!” a gɨla.

Mark 11:9

Anɨg göm, nɨbi bɨ nɨp nöd gɨla gau abe, nɨp hain gɨla gau abe, wɨñ alöl gɨ hagla, “God hib nɨpe hagno adö araŋ! Bɨ Kub bɨ nɨpe yuö auab i; God nɨp abad aij gɨnɨm.

Luke 19:38

“Bɨ Kub nɨpe Kiŋ hanɨp hag yuö auöp i, God nɨp ud aij gɨnɨm! God ram mɨnöŋ kumi kabö adö laŋ au, hibur hain hain magö u nöp mɨdöp. God nɨpe adö i gɨlaŋ mɨdöm, nɨpe mailö aij unbö ke halö mɨdöp,” a gɨla.

John 11:27

Jisas anɨg hageia, Mada haga, “Bɨ Kub. Yaue, yad nɨŋbin, ne me Krais u, God Ñɨ nɨpe mɨnöŋ naböŋ i aunab, a gɨmɨdal u nöp,” a ga.

John 12:13

nɨp am nɨŋun, a göm, galon uɫaŋ rɨk dap löl gɨ, wɨñ kub alöl gɨ hagla, “Bɨ Kub hib nɨpe u hagno adö araŋ!” “Bɨ Kub nɨpe Bɨ nɨpe anɨbi yuö auöp me i!” “Nɨpe Bɨ aij. Hib nɨpe hagno adö araŋ!” “Nɨpe Isrel Kiŋ auab me i! Hib nɨpe hagno adö araŋ!”

John 16:14

Manö yad u udöm, kalöp hag ñɨnab. Nɨpe anɨg gö, nɨbi bɨ gau mailö aij ke yad u nɨŋnaböl.

John 4:21

Anɨg hageia, Jisas haga, “Yad manö nɨŋö hagabin anɨbi nöŋ. Hainö dum anɨbi abe Jerusalem abe Bapi nɨp sabe gagnabim.

John 6:14

Nɨbi bɨ gau Jisas nan gagep rö ga anɨbu nɨŋöm hagla, “Hon mɨñi nɨŋbun, bɨ i me, Bɨ God Manö Hagep mɨnöŋ naböŋ iƚ i aunab a gun pör hagabun bɨ me u,” a gɨla.

John 7:31

Pen nɨbi bɨ anɨb gau, nɨbi bɨ iru nöp Jisas nan gagep gau ga nɨŋöm hagla, “Krais u hain aunab a gɨpal u, pen nan gagep iru yabɨƚ göm, bɨ anɨbi gab rö gɨnɨm rö lagnab,” a gɨla. Gasɨ anɨbu nɨŋöm kale hagla, “Jisas nɨpe Krais u nöp,” a göm, nɨp nɨŋ udla.

Hibru 10:37

God Manö u nɨŋun nɨŋbun, manö ap kalɨ kƚiñ rɨköm hagla, “Magö uƚep nöp ap mɨdöp Bɨ aunɨg gab u aunab.