Luke 9:35 - Kobon

³⁵ Pen manö ap kumi aŋ au nɨbö apöm haga, “Bɨ i Ñɨ yad; yad nɨp hag lɨnö. Kale manö nɨpe hagnɨm rö nɨŋmim,” a ga.

Luke 9:35 Σταυροειδείς Αναφορές

Madyu 12:18

“Bɨ yad böŋ nöp hag lɨbin i, wög yad gɨ ñab. Bɨ yad nɨŋnö, yɨp aij yabɨƚ göp me u. Yad nɨpe mɨdmagö lɨbin. Ana yad u nɨp aɫ ba gö, nɨbi bɨ kale aigöl göm asɨ mɨd aij gɨnaböl manö yad u, nɨbi bɨ gau magöŋhalö hag ñɨnab.

Madyu 3:17

Anɨg göm auö nɨŋöl gɨ, manö ap kumi kabö adö laŋ nɨbö apöm haga, “Ñɨ aij anɨbi, ñɨ mɨdmagö yad yabɨƚ. Yad nɨp nɨŋnö, yɨp aij yabɨƚ göp,” a ga.

Mark 1:11

Anɨg göl u gɨ auö nɨŋöl gɨ, manö ap kumi kabö adö laŋ au nɨbö apöm haga, “Ne Ñɨ mɨdmagö yad yabɨƚ. Nöp nɨŋnö, yɨp aij yabɨƚ göp,” a ga.

Luke 9:34

Anɨg hagö nɨŋöl gɨ, magö anɨbu nöp, kumi rud kub ap apöm kalɨp magöŋhalö ralu ñö pɨñɨŋ gɨla.

John 12:28

Pen Bapi, ne gö nɨbi bɨ gau nɨŋnaböl, ne Bɨ mailö aij ke halö mɨdpan,” a ga. Jisas anɨg hagö nɨŋöl gɨ, manö ap kumi kabö adö laŋ nɨbö apöm haga, “Yad gɨnö, nɨbi bɨ gau hadö nɨŋbal yad Bɨ mailö aij ke halö mɨdpin. Pen yad kauyaŋ gɨnö, nɨbi bɨ gau kauyaŋ nɨŋnaböl,” a ga.

John 3:16

God nɨbi bɨ ram mɨnöŋ iƚ i mɨdpal gau kalɨp mɨdmagö yabɨƚ löm, Ñɨ nɨpe añɨ yabɨƚ u kalɨp nan a göm ña. Anɨb u, nɨbi bɨ an an Ñɨ nɨpe anɨbu nɨp nɨŋ udnaböl gau, kalɨp kamɨŋ pör mɨdep u ñö, umöm ur gagnaböl.

Hibru 2:3

Anɨb u, hon God Ñɨ nɨpe manö aij dauöp u arö gɨnabun u, hon kamɨŋ arun rö lagnab. Bɨ Kub nɨpe ke manö anɨbu dap auö, nɨbi bɨ manö nɨpe anɨbu nɨŋla gau, hanɨp manö nɨŋö yabɨƚ anɨbu nɨŋmim a göm, hag ñɨ aij gɨla.

Hibru 3:15

God Manö adɨŋ hagajɨn u hagöp, “Ñɨn i God manö apdi nɨŋeinabim u, manö nɨpe u nɨŋ udmim. Napɨs nahai bɨ hadame nöp, God nɨpe hanɨp nɨhön gɨnab a göm, manö yad u nɨŋagöm, gasɨ kale ke nöp nɨŋöm gɨlö armɨdöp. Napɨs nahai bɨ gɨla rö u, kale God manö hag juagmim,” a ga.

Hibru 5:9

Pen Nap manö nɨhön haga, magöŋhalö ga u me, nɨpe nɨbi bɨ manö nɨpe nɨŋ udöm hain gɨpal gau ud asɨk yuö, kale ram mɨnöŋ aij kumi kabö adö laŋ au aramöm pör pör nöp kamɨŋ nöp mɨd aij gɨnaböl.