Luke 8:37 - Kobon

³⁷ Pen Gerasa nɨbi bɨ magöŋhalö anɨnɨn gö pɨñɨŋ göm, Jisas nɨp, ne ado gɨ aru a gɨlö, ñɨg magɨb udöm hada.

Luke 8:37 Σταυροειδείς Αναφορές

Madyu 8:34

Hag ñeila, nɨbi bɨ daun mɨdeila anɨb gau magöŋhalö Jisas nɨp nɨŋun a göm, ap nɨp nɨŋöm, neb neb göl gɨ hagla, “Ram mɨnöŋ hon i arö gɨmön, ke gau aru,” a gɨla.

Mark 5:17

Pen nɨbi bɨ anɨb gau, manö hagla anɨbu nɨŋöm, Jisas nɨp manö neb neb göm hagla, “Ram mɨnöŋ hon i arö gɨmön aru!” a gɨla.

Luke 10:16

Jisas bɨ nɨpe gau kalɨp haga, “Nɨbi bɨ manö kale udnaböl gau, manö kalöp nöp wasö, manö yad u u rö nöp udnaböl. Pen kalöp udagnaböl gau, kalöp nöp wasö, yɨp u rö nöp udagnaböl. Pen yɨp udagnaböl gau, yɨp nöp wasö, Bɨ yɨp hag yuö aunö u nɨp u rö nöp udagnaböl,” a ga.

Luke 5:8

Anɨg ga nɨŋöm, Saimon Pida bɨ nɨpe aip ñɨg magɨb adö mɨdeila gau, kabsaƚ iru yabɨƚ udla gau nɨŋöm, gasɨ iru nöp nɨŋla. Pen Sebedi ñɨ nɨpe Jems aip Jon aip, ñɨg magɨb ap udmil Saimon aip wög jɨm ñöl gɨmɨdil bɨ mɨhau, u rö nöp gasɨ iru nɨŋlö. Pen Saimon am Jisas mɨdeia söl au kugom yɨmöm haga, “Bɨ Kub, yad bɨ nan si nan naij gɨpin u, ne ke gau aru,” a ga. Hageia Jisas haga, “Ne pɨñɨŋ gagmön. Mɨñi ñɨn i rɨköm, bɨ kabsaƚ udep u arö gɨmön, nɨbi bɨ ud God nɨp dauep bɨ mɨdeinabön,” a ga.

Luke 8:28

Bɨ nɨpe abad mɨdep gau, sen udöm ñɨmagö ma nɨpe gau adɨk lɨ pɨdöŋ gɨmɨdal u pen kɨjaki nan gau apöm kƚö gɨlö, sen lɨmɨdal anɨb gau pak gɨ dö gö, ram mɨnöŋ nöp aŋ gau pör pör armɨdöp. Pen bɨ anɨbu, Jisas nɨp nɨŋöm aiö göm, apöm ma iƚ au lug paka. Jisas kɨjaki aiön pi nɨp abaŋ alla anɨb gau kalɨp haga, “Bɨ anɨbi nɨp arö gɨmim höŋ arim!” a ga. Jisas anɨg hagö, kɨjaki aiön pi nɨp abaŋ alla bɨ u, kakö göm, manö kub hagöm haga, “Ne Jisas, God Bɨ Kub adö i gɨlaŋ mɨdöp Ñɨ nɨpe u, yɨp nɨhön gɨnɨg gabön? Yɨp ilön kub ñagmön!” a ga.

Luke 8:36

Pen nɨbi bɨ nɨŋ mɨdlö nɨŋöl gɨ, Jisas kɨjaki hag höŋ yua, nɨbi bɨ gau, nɨbi bɨ hain aula gau kalɨp, anɨg anɨg göp, a göm, hag ñɨla.

Luke 8:38

Jisas arɨk arnɨg geia nɨŋöm, nɨpe gö kɨjaki aiön pi höŋ arla bɨ anɨbu, nɨp manö neb neb hagöm haga, “Yad ne aip arul,” a ga.

Luke 9:5

Pen ram mɨnöŋ mɨgan ap arbe, kalöp hag udagaiöl, daun anɨbu arɨk arun a gɨnabim u, kalɨp hagmim, ‘Manö aij u dauajun udagpim rö, mɨnöŋ naböŋ kalöp i auajun, nan acɨp acɨp ma hanɨp udöp u ƚɨk gɨ yuun arabun,’ a gɨmim, ƚɨk gɨ yumim armim. Anɨg gɨnabim, kale gɨ naij gɨpal u nɨŋnaböl,” a ga.

Luke 9:56

Nɨbi bɨ anɨb gau Jisas nɨp udagnaböl u nɨŋöm, ram rɨƚɨg agƚö anɨbu arö göm, ram rɨƚɨg agƚö ke nɨbö ap arla.

Aposɨl 16:39

Pɨñɨŋ göm, kale am Pol Sailas kalɨp bɨ mɨhöŋ uɫ gɨ damöm, seg höŋ yaŋ amöm, manö hain hain göm hagla, “Kalɨp mɨhöŋ aij geinab u, daun kub anɨbi arö gɨmil armil,” a gɨla.