Luke 4:17 - Kobon

¹⁷ Bɨ God manö hagep Aisaia kalɨ kƚiñ rɨka köp u nɨp dap ñɨlö, ud pɨƚaiöm, manö hagnɨg ga adɨŋ u amgö lɨ nɨŋöm kalɨp haga,

Luke 4:17 Σταυροειδείς Αναφορές

Luke 16:29

Hageia, Ebraham haga, ‘Mosɨs abe, bɨ God manö hagep bɨ gau abe, manö kalɨ kƚiñ rɨkla u nɨŋöl,’ a ga.

Luke 20:42

Depid nɨpe ke God Manö adɨŋ Sam a gɨpal u kalɨ kƚiñ rɨköm haga, ‘Bɨ Kub nɨpe Bɨ Kub yad nɨp haga, “Ne ñɨmagö yɨjɨg yad lau adö asɨk mɨdmön;

Luke 4:16

Pen Jisas nɨpe ram mɨnöŋ Galili aŋ gau gɨ aj pɨs göm, Nasared am mɨdeia. Daun anɨbu nɨpe nöd mɨdöm majö ga. Juda God nɨp sabe gep ñɨn kale u auö, nɨpe pör gɨmɨdöp rö, magum gep ram u amöm, uraköm God Manö u amgö lɨ nɨŋöm hagnɨg ga.

Luke 4:18

“Bɨ Kub u yɨp, wög yad gɨmön, a göm, Ana nɨpe yuö yad aip mɨdöp. Anɨb u, nɨbi bɨ mög gep rö mɨdpal gau kalɨp manö aij u hag ñɨnö, nɨŋ aij gɨnaböl. Nɨbi bɨ nagɨman rö mɨdpal gau kalɨp hubɨk yunö, arnaböl. Nɨbi bɨ amgö we göp rö mɨdpal gau kalɨp gɨnö, amgö ñɨl nɨŋnaböl. Nɨbi bɨ uɫham mɨdpal gau kalɨp ud aij gɨnö, mɨd aij gɨnaböl.

Luke 4:20

Jisas manö kƚiñ anɨbu amgö lɨ nɨŋ hag pɨs göm, köp bad u ud wam wam göm, bɨ köp abad mɨdmɨdöp u nɨp adog ñöm asɨkö nɨŋöl gɨ, nɨbi bɨ magum gep ram raul mɨdeila gau magöŋhalö amgö juöm nɨp nɨŋ ij halö lɨla.

Aposɨl 13:15

Juda magum ram abad mɨdmɨdal bɨ gau uraköm, Mosɨs lo manö kalɨ kƚiñ rɨka adɨŋ rɨmnap abe, bɨ God manö hagep gau kalɨ kƚiñ rɨkla adɨŋ rɨmnap abe, amgö lɨ nɨŋ nɨbi bɨ mɨdeila gau kalɨp hagla. Kale manö hag pɨs göm, bɨ ap hag yulö Banabas Pol asɨk mɨdailö au amöm haga, “Mamil mɨhöŋ. Nɨbi bɨ gai i nɨŋ udep manö rɨmnap mɨdainɨm u, hanɨp hag ñɨlö nɨŋun,” a gɨla.

Aposɨl 13:27

Jerusalem nɨbi bɨ gau abe, bɨ kub kale gau abe, Jisas nɨpe Krais u auub a göm nɨŋagla. Jisas nɨp al pak lɨlö umaŋ a gɨla u, God manö hagep manö kalɨ kƚiñ rɨkla rö nöp gɨla. Pen God nɨp sabe gɨnɨg Juda magum gep ram pör aumɨdal u, kale manö kalɨ kƚiñ rɨkla anɨbu pör pör nöp nɨŋmɨdal.

Aposɨl 7:42

Anɨg geila, God kalɨp arö göm haga, ‘Anɨg gɨpal u, sɨdö, rakɨn, gapɨ gau haƚöwaƚö sabe gɨlaŋ,’ a ga. Ñɨn anɨbu kale nan anɨb gau nöp sabe gɨla u me, bɨ God manö hagep ap God Manö u kalɨ kƚiñ rɨköm haga, ‘Isrel nɨbi bɨ. Kale nöd mɨ ñɨnjuöl mɨhöp ram mɨnöŋ aipɨƚ nöp aŋ gau ajmɨdim ñɨn u, kaj kau kaj sipsip nan gau pak yɨp sabe gɨ ñagmɨdim.